| e-texts navigator |
| Wylie |
124b1 བརླམས་པ་ཕྱོགས་ན་ལས་མིན་ལམ་དུ་མཐོང་། །སྤྱོད་པ་སྣ་ཚོགས་བྱེད་ཅིང་འདོད་ཆགས་རྣམས་ཀྱིས་གདུངས། །བློ་བུར་སྨྲ་ཞིང་ཀློག་ལ་དོན་མེད་ཀུན་དུ་འཕྱན། །དོན་དུ་སྒྲུབ་པ་རྣམས་ལ་སེམས་ཀྱང་ཡིད་གཉིས་བྱེད། །སེམས་ནི་ལོག་པར་ལྟ་བས་ནོན་པས་ན། །གསང
124b2 སྔགས་མེད་ཅིང་མཐོ་རིས་ལྷ་ཡང་མེད། །བསོད་ནམས་མེད་ཅིང་སྡིག་པ་ཅུང་ཟད་མེད། །ཐར་པ་མེད་ཅིང་འཆིང་པའི་རྒྱུ་ཡང་མེད། །སྐྱེ་བོ་དོན་མེད་ཉོན་མོངས་དཀའ་ཐུབ་ཆེས། །སྣ་ཚོགས་འཁྱལ་བའི་ཚིག་འདི་རྟག་ཏུ་སྨྲ། །སེན་མོས་རྩ་གཅོད་བོང་རྔོ་འཇིག་པ་དང་། མཚན
124b3 མོ་སོ་ཡང་ཀྲིག་ཀྲིག་འཆའ་བ་དང་། བུ་མོ་བདག་འདོད་ཁྱོ་ནི་མི་རྙེད་ཅིང་། སྐྱེས་པ་བདག་འདོད་ཆུང་མ་གཞར་མི་རྙེད། །དགོས་པའི་དོན་ནི་མི་འགྲུབ་མི་དགོས་འགྲུབ། །གར་ཡང་འགྲོ་འདོད་གཉིད་མེད་མི་ཡང་བརླམས། །དེ་བཞིན་སྟག་གཟིག་སེང་གེ་ཁྱི་དང་ཕག་།བོང་བུ
124b4 རྔ་མོ་བྱི་ལ་ཤ་ཟ་ཝ། །བྱ་རྒོད་འུག་པ་སྐྱ་མོ་མིའུ་ཐུང་ཧྲུལ། །གཅེར་བུ་ཐལ་རིས་ཅན་དང་མི་ནག་པོ། །ཁྲོན་སྐམས་ཐོད་པ་རུས་གོང་ཕུང་པོ་དང་། ལྕགས་དང་རྡོ་ཁུང་མི་གཙང་ཁང་རུལ་དང་། ཁ་བཞིན་གྱུར་ཅིང་རལ་གྲི་མདུང་ཐོགས་པ། །རྨི་ལམ་འདི་རྣམས་རྨིས་པའི་མི་ཡང
124b5 བརླམས། །བགེགས་དང་ལོག་འདྲེན་རྣམ་པར་གཞིག་བའི་ཕྱིར། །བདུད་རྩི་ཐབ་སྦྱོར་དྲག་ཤུལ་ཐབས་ལས་སྦྱར། །སྔགས་པ་དེ་ཡི་གསང་སྔགས་མ་ཞུགས་པ། །བགེགས་དང་ལོག་འདྲེན་རྣམས་ཀྱིས་ཡོངས་མི་ཚུགས། །ཕྱུགས་ལྷས་ཤིག་གཅིག་ལྷ་ཡི་ཁང་པའམ། །ལམ་གྱི
124b6 བཞི་མདོ་ཁང་སྟོང་ནགས་ཚལ་དུ། །དཀྱིལ་འཁོར་གྲཝ་བཞི་ལྷམ་ཁྲུ་བཞིའི་ཚད། །ཚོན་རྩི་རྣམ་པ་སྣ་ཚོགས་རྣམས་ཀྱིས་བྲི། །ཕྱོགས་ཀྱི་ལྷ་རྣམས་གནས་ནི་ཡོངས་སུ་བཟུང་། །སྒོ་བཞི་པ་ལ་ཀུ་ཤའི་རྩཝ་ཡང་བཀྲམ། བཟའ་དང་ཤ་ཅག་ལ་ཕུག་ལ་སོགས་བཅས། །འབྲས་ཆན
124b7 འབྲས་བུ་མང་པོའི་གཏོར་མ་སྦྱིན། །བུམ་པ་དྨ་དམར་པོའི་མདོག་འདྲ་བ། །ནག་པོ་ར་རི་མེད་ཅིང་རིན་ཆེན་བཅས། །སྨན་དང་འབྲུ་དང་སྤོས་ཆུས་བཀང་བ་བཞི། །ལྡུམ་བུས་ཁ་བརྒྱན་རས་ཀྱིས་མགུལ་བ་དཀྲི། །ལུས་དམར་པོ་དང་ཀཱི་ལི་ཀཱི་ལ་དང་། །འགྲོ་ལྡིང་བ་ལ་སོགས་པས་བརྒྱ
iiif viewer powered by OpenSeadragon
