| e-texts navigator |
| Wylie |
122b1 ཆོས་རྣམས་རབ་བཅོམ་སྟེ། །སྡིག་པའི་གནས་སུ་གྱུར་པ་སྤང་བར་བྱ། །དཔེར་ན་རྒྱ་མཚོ་སྐད་ཅིག་ཙམ་པ་ཡང་ནི། །མི་ཡི་རོ་དག་ལྷན་ཅིག་མི་གནས་ལྟར། །དེ་བཞིན་རྣམ་རྟོག་སེམས་ཀྱིས་སྡིག་བྱས་པ། །སྔགས་པས་སྐད་ཅིག་ཙམ་ཡང་གནས་མི་བྱ། །དཔེར་ན་རླུང་མེད་ཁང་བའི
122b2 ནང་དུ་ནི། །མར་མེ་བཙུགས་པ་མི་གཡོ་འབར་བ་ལྟར། །རྩེ་གཅིག་སེམས་ཀྱིས་ཟློས་ལ་མངོན་དགའ་བའི། ལུས་ལ་ཆོས་ཀྱང་དེ་བཞིན་འབར་བར་འགྱུར། །སྟངས་དང་མཆོད་པ་དང་ནི་གར་བྱེད་དང་། གླུ་ལེན་རྔ་རྡུང་སྐྱེ་བོས་དཔྱས་འགྱུར་དང་། ལྷག་པའི་ང་རྒྱལ་འདྲིད་དང
122b3 འདོད་ཚོན་དང་། རྒྱན་པོ་དག་ནི་འདུས་ལ་ལྟ་འདོད་དང་། དུས་མིན་གཉིད་དང་མི་འགྲུབ་སྨྲ་བ་དང་། བསྟན་བཅོས་ངན་དང་སྙན་ངག་ཀློག་འདོན་དང་། ཆགས་དང་འཚིག་དག་དྲེགས་དང་རྒྱགས་པ་དང་། ཞེ་ལ་འཛིན་དག་ལེ་ལོ་གཡོ་སྒྱུ་སྤང་། །ཤ་ཆང་ཀེའུ་དང་བཙོང་དང
122b4 སྒོག་རྡོག་དང་། །འབྲུ་མར་ཏིལ་དང་ལ་ཕུག་སུ་ར་ན། །འབྱུང་པོའི་ཟས་དང་ལྷ་བཤོས་གཏོར་མ་དང་། གུ་ལང་མཆོད་བྱས་གཏོར་མ་མི་བཟའོ། །ངས་ནི་སྔགས་པ་ཁ་ཟས་དཀར་གསུམ་དང་། རྩ་བ་སྡོང་བུ་འབྲས་བུ་ཚོད་མ་དང་། ཞོ་དང་ནས་དང་འོ་མ་མར་དག་དང་། འབྲུ་མར
122b5 ཚིགས་མ་དར་བ་འོལ་ཀོན་དང་། ཐུག་པ་རྣམས་ནི་བཟའ་བཏུང་ཡིན་པར་གསུངས། །ཤ་ཟ་སྲིན་པོ་དག་དང་གནོན་པོ་དང་། རོ་ལངས་དག་ནི་འཇིགས་བསྒྲུབ་པ་དང་། ལྟ་མིན་བུ་མོའི་འཁྲུལ་འཁོར་འཇོམས་པའི་ཚེ། །འབྲུ་མར་ཚིགས་མའི་བཟའ་བ་མཆོག་ཏུ་བསྔགས། །དེ་ལྟར་བཟླས
122b6 བརྗོད་བྱེད་པའི་སྒྲུབ་པ་པོས། །ཉིན་གཅིག་བཞིན་དུ་བྱས་ནས་བཟླས་པ་ནི། །ཕལ་ནས་ཆོ་ག་བཞིན་དུ་གཤེགས་སུ་གསོལ། །ནུབ་མོ་ཀུ་ཤ་བཏིང་ནས་ཉལ་བར་བྱ། །བྱམས་པ་སྙིང་རྗེ་དགའ་དང་བཏང་སྙོམས་ལྡན་པ་དང་། བདེ་གཤེགས་ཆོས་དང་དགེ་འདུན་བཅས་པ་དྲན་བྱས་ཏེ།
122b7 ཤཱ་རིའི་བུ་དང་ང་ལ་ཐལ་སྦྱར་བཏུང་ནས་ཉལ། །དེ་ལྟར་སྔགས་པ་སྡིག་པ་མཐའ་དག་ཟད་པར་བྱ། །འཕགས་པ་དབུང་བཟང་གིས་ཞུས་པའི་ལེའུ་གསུམ་པའོ།། །།སྒྲུབ་པ་པོ་ཡིས་ངེས་པར་བཅང་བ་ཡི། །རྡོ་རྗེ་དེ་དག་གང་ཡིན་བཤད་པར་བྱ། །སོར་བཅུ་བཅུ་གཉིས་བཅུ
iiif viewer powered by OpenSeadragon
