| e-texts navigator |
| Wylie |
237a1 འདི་ནི་ཐམས་ཅད་དུ་གཞན་གྱིས་མི་ཐུབ་ཅིང་དོན་ཐམས་ཅད་ལ་འགྲུབ་པ་ལགས་ཀྱིས་སྐྱེ་བོ་མང་པོ་ལ་སྨན་པ་དང་། སྐྱེ་བོ་མང་པོ་ལ་བདེ་བ་སྩལ་བ་དང་། དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་རྣམས་ལ་སྨན་པ་གང་ལགས་པ་བདག་གིས
237a2 འདི་བཅོམ་ལྡན་འདས་ཀྱིས་བཞེས་སུ་གསོལ། སའི་སྟེང་གང་ན་བདུད་སྡིག་ཅན་གྱི་དབང་དུ་གྱུར་པ་དད་པ་མ་མཆིས་པ་འདོད་པ་ན་སྤྱོད་པའི་བར་གང་དག་བཅོམ་ལྡན་འདས་ཀྱི་བསྟན་པ་ལ་བགེགས་བགྱིད་པ་དེ་དག་གཞོམ་པའི་སླད་དུ་རིག་སྔགས་རྡོ་རྗེ་ལུ་གུ་རྒྱུད་ཅེས་བགྱི་བ་འདི
237a3 བགེགས་ཐམས་ཅད་རབ་ཏུ་ཞི་བར་བགྱིད་པ། ལས་ཐམས་ཅད་བགྱིད་པ། ཐམས་ཅད་གཞན་གྱིས་མི་ཐུབ་པའི་སྡིག་པ་ཐམས་ཅད་རབ་ཏུ་ཞི་བར་བགྱིད་པ་འདིའི་སླད་དུ་བཅོམ་ལྡན་འདས་ཀྱིས་བདག་ལ་ཐུགས་བརྩེ་བར་མཛད་དུ་གསོལ། དེ་ནས་ལག་ན་རྡོ་རྗེས་རིག་སྔགས་ཀྱི་ཚོགས
237a4 རྣམས་ལ་བལྟས་སོ། །དེ་ནས་རིག་སྔགས་རིག་སྔགས་ཀྱི་ཚོགས་ཀྱིས་བསྐོར་བའི་རིག་སྔགས་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ། དེའི་ཚེ་ཆེད་དུ་བརྗོད་པ་འདི་ཆེད་དུ་བརྗོད་དོ། །ནད་མེད་པ་ནི་རྙེད་པའི་མཆོག་།ཆོག
237a5 ཤེས་པ་ནི་ནོར་གྱི་མཆོག་། ཡིད་བརྟན་པ་ནི་གཉེན་གྱི་མཆོག་།མྱ་ངན་འདས་པ་བདེ་བའི་མཆོག་།དཀོན་མཆོག་གསུམ་ལ་ཕྱག་འཚལ་ལོ། །གསང་བ་པའི་བདག་པོ་ལག་ན་རྡོ་རྗེ་རྡོ་རྗེ་འཛིན་གནོད་སྦྱིན་གྱི་སྡེ་དཔོན་ཆེན་པོ་འཁོར་དང་བཅས་པ་གཡོག་དང་བཅས་པ། ཕྱི་བཞིན
237a6 འབྲང་བ་དང་བཅས་པ་ལ་ཕྱག་འཚལ་ལོ། །འཇིག་རྟེན་སྐྱོང་བ་བཞི་ལ་ཕྱག་འཚལ་ལོ། །དེ་ནས་རིག་སྔགས་ཀྱི་རྒྱལ་མོ་ཆེན་མོ་རྡོ་རྗེ་ལུ་གུ་རྒྱུད་བཤད་པར་བྱའོ། །རྡོ་རྗེ་ལུ་གུ་རྒྱུད་ལ་ཕྱག་འཚལ་ལོ། །རྡོ་རྗེ་མཆོག་འཛིན་པ་ལག་ན་རྡོ་རྗེ་ལ་ཕྱག་འཚལ་ལོ། །རྡོ་རྗེ་མཛེས་པ་ལག་ན
237a7 འཁོར་ལོ་དང་རྡོ་རྗེ་ཐོགས་པ་ལ་ཕྱག་འཚལ་ལོ། །རིག་སྔགས་རྡོ་རྗེའི་རིགས་སུ་གཏོགས་པ་ལ་ཕྱག་འཚལ་ལོ། །རྡོ་རྗེ་ཞགས་པ་དང་རྡོ་རྗེ་ལུ་གུ་རྒྱུད་ལ་ཕྱག་འཚལ་ལོ། །རྡོ་རྗེ་རྣམ་པར་རྒྱལ་བ་ལ་ཕྱག་འཚལ་ལོ། །རྡོ་རྗེ་དགའ་བར་བྱེད་པ་ལ་ཕྱག་འཚལ་ལོ། །ནོར་བུ་རྡོ་རྗེ
iiif viewer powered by OpenSeadragon
