| e-texts navigator |
| Wylie |
236b1 བརྒྱད་བརྒྱ་བཟླས་བརྗོད་བྱས་ནས་རས་མ་ཉམས་པས་སྨད་གཡོགས་བྱས་ཏེ། ཁྲུས་བྱས་ན་སྡིག་པ་ཐམས་ཅད་རབ་ཏུ་བཅོམ་པར་འགྱུར་རོ། །དེ་ནས་མིག་སྨན་བསྒྲུབ་པར་འདོད་ན་ཨུཏྤ་ལ་དམར་པོ་དང་། པདྨ་སྐྱོན་མེད་པ་དང་། པད་མོཏྟ་ར་དང་། ས་ཧ་ཙ་ར་དང་། གིའུ་ཝང
236b2 དང་། རྡོ་ཕ་བང་ལོང་བུ་དང་། མིག་སྨན་གྱི་གཙོ་བོ་འདི་དག་གླང་པོའི་རྡུལ་དང་སྦྱར་ནས་རྒྱུན་མ་ཆད་པར་ལན་སྟོང་སྦྱིན་སྲེག་བྱ་སྟེ། སྐར་མ་རྒྱལ་ལ་མིག་བསྐུས་ནི་དེ་མ་ཐག་ཏུ་འཇིག་རྟེན་ཐམས་ཅད་ལ་དབང་སྒྱུར་བར་འགྱུར་རོ། །དེ་ནས་ལུས་མི་སྣང་བར་འདོད་ན་མིག་སྨན་གོང་མ
236b3 དེ་ཉིད་ལྕགས་ལས་མིའི་གཟུགས་བྱས་པའི་སྤྱི་བོ་ཕུག་ལ་དེའི་ལྟོ་བ་མིག་སྨན་གྱིས་བཀང་སྟེ། ལྕགས་ཀྱི་ཕུར་བུས་བཏབ་ནས་ཞག་གསུམ་སྨྱུང་བར་བྱས་ལ་མར་གྱི་ངོ་ཞག་བཅུ་བཞིའི་ནུབ་མོ་བཟླས་བརྗོད་བྱས་ཏེ། རོ་བསྲེགས་པའི་མེ་འབར་བའི་ནང་དུ་བོར་ནས་འབྱུང་པོའི་གཏོར
236b4 མ་ཐམས་ཅད་ཕུལ་ལ་གྲངས་ངེས་པ་མེད་པར་བཟླས་བརྗོད་བྱའོ། །དེ་ནས་རྨི་ལམ་དུ་མི་ནག་པོ་མཐོང་བར་འགྱུར་ཏེ་གྲུབ་ཟིན་ནོ་ཞེས་ཟེར་བ་དང་ནང་པར་ལངས་ཏེ་དེས་མིག་བསྐུས་ན་ལུས་མི་སྣང་བར་འགྱུར་རོ། །རྡུལ་ལ་ལན་བརྒྱད་བརྒྱ་བཟླས་བརྗོད་བྱས་ཏེ། གདོང་བསྐུས་ན་རྒྱལ
236b5 པོའི་ཕོ་བྲང་དང་རྩོད་པའི་ནང་དུ་རྒྱལ་བར་འགྱུར་ཏེ། དོན་ཡང་གྲུབ་པར་འགྱུར་རོ། །གསལ་སྣང་བྱ་བར་འདོད་ན་སྨྱུང་བ་བྱས་ལ་བདུག་པ་དང་མེ་ཏོག་དང་། དྲི་དང་ལྷ་བཤོས་ཕུལ་ཏེ་མཐེ་བོང་རྒྱ་སྐྱེགས་ཀྱི་ཁུ་བས་མདོག་བསྒྱུར་ནས་དྲི་ཞིམ་པོས་བགོས་པའི་ཏིལ་མར་གྱིས་བསྐུས་ཏེ།
236b6 བྱིས་པ་བྱད་བཟང་ལ་མདོག་གནག་པ་བྱེད་དུ་བཅུག་ནས། རིག་སྔགས་བཟླས་བརྗོད་བྱས་ན་ངེས་པར་རྟོགས་པར་འགྱུར་རོ། །ཡང་ན་མེ་ལོང་ལ་ཡང་བྱ་སྟེ། མིག་ལ་སྔགས་ཀྱིས་གདབ་བོ། །གོས་དང་རྒྱན་ཐམས་ཅད་ལ་ཡང་སྔགས་ཀྱིས་གདབ་བོ། །ལྟ་བ་མའི་ཆོ་ག་རྫོགས
236b7 སོ། ། །།དེ་ནས་ལྷ་ཀུན་ལུ་གུ་རྒྱུད། །ལག་ན་རྡོ་རྗེའི་གཡུང་དྲུང་ལས། །རྡོ་རྗེ་ལུ་གུ་རྒྱུད་གྲགས་པ། །བདག་གིས་རབ་ཏུ་བཤད་པར་བྱ། །དེ་ནས་ལག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་རིག་སྔགས་ཀྱི་རྒྱལ་མོ
iiif viewer powered by OpenSeadragon
