| e-texts navigator |
| Wylie |
236a1 བདུག་པ་དང་། མེ་ཏོག་དང་དྲི་ཕུལ་ནས་བུ་མོ་གཞོན་ནུས་བཀལ་བའི་སྐུད་པ་ཕྲ་མོ་ཉིས་བལྟབ་ཏུ་བྱས་པ་སོར་བཞི་པ་གཉིས་བྱས་ལ། དེ་ནས་ལན་བདུན་བཟླས་བརྗོད་བྱས་ཏེ་དཀྱིལ་འཁོར་དེའི་སྟེང་དུ་བཞག་ལ་དེ་ནས་རིག་སྔགས་བརྗོད་པར་བྱ་སྟེ། འདི་སྐད་དུ་ཅི་སྟེ་དོན་འདི
236a2 འགྲུབ་པ་ལྟ་ན་གཅིག་ལ་གཅིག་འཁྲི་བར་གྱུར་ཅིག་། མི་འགྲུབ་པ་ལྟ་ན་སོ་སོར་གྱེས་པར་གྱུར་ཅིག་ཅེས་བྱའོ། །དེ་ནས་ཡང་དག་པ་ཇི་ལྟ་བ་བཞིན་དུ་ལྟས་སྟོན་པར་འགྱུར་ཏེ། གཙང་ཞིང་ཚངས་པར་སྤྱོད་པ་དང་། སྨྱུང་བར་བྱས་པས་བྱའོ། །སྐྱེས་པ་དང་བུད་མེད་དབང་དུ་བྱ་བར་འདོད་ན
236a3 དེའི་མིང་དང་ལྡན་པར་རིག་སྔགས་བརྗོད་པར་བྱ་སྟེ། མ་ད་ནའི་ཤིང་ལས་གཟུགས་བྱས་ནས་ཚ་བ་གསུམ་གྱིས་བཀང་ལ་ཚིགས་བདུན་དུ་མ་ད་ནའི་ཚེར་མ་བདུན་གྱིས་བཏབ་ནས། ཟངས་ཀྱི་ཐུར་མ་རྐུབ་ཏུ་བཙུགས་ཏེ་སྤྱི་བོར་ཕྱུང་ལ་སེང་ལྡེང་གི་མདག་མའི་དུགས་ཀྱིས་བདུག་ཅིང་། ཞག
236a4 བདུན་གྱི་བར་དུ་ཁ་ཤར་ཕྱོགས་སུ་བསྟན་ཏེ་དུས་གསུམ་དུ་ལན་བརྒྱད་བརྒྱ་བཟླས་བརྗོད་བྱས་ནས་མཇུག་ཏུ་ལན་སྟོང་བྱས་ན་འགྲུབ་པར་འགྱུར་རོ། །དེ་ནས་གཞིག་པར་འདོད་ན་ཡུངས་ནག་གི་འབྲུ་ལས་གཟུགས་བྱས་ལ་རྐང་པ་གཡས་པ་ནས་བརྩམས་ཏེ། སེང་ལྡེང་གི་མེའི་ནང་དུ་དུས
236a5 གསུམ་དུ་སྦྱིན་སྲེག་བྱས་ན་ཞག་བདུན་གྱིས་འཇིག་པར་འགྱུར་རོ། །དེ་ནས་མར་གྱི་ངོ་ཞག་བརྒྱད་ལ་གསོ་སྦྱོང་དང་ལྡན་པས་རོ་བསྲེགས་པའི་སོལ་བ་བླངས་ཏེ། ལན་བརྒྱད་སྟོང་བཟླས་བརྗོད་བྱས་ནས་དགྲའི་གཟུགས་བྲིས་ལ་རྟག་ཏུ་མགོ་བོ་དང་། སྙིང་ག་དང་ལག་པ་གཉིས་དང་། རྐང་པ
236a6 གཉིས་སུ་ལྕགས་ཀྱི་ཕུར་བུ་རེ་བཏབ་ན་ལྕེ་འཆིངས་པར་འགྱུར་རོ། །དེ་མིང་ནས་སྨོས་ཤིང་དེའི་རྐང་པའི་དྲུང་དུ་ནིམ་པའི་བུད་ཤིང་ཁྲག་གི་ནང་དུ་སྨྱུགས་པས་མེ་བུས་པ་ཡུངས་ནག་དང་ལན་ཚྭ་དང་ཏིལ་ནག་པོ་བསྲེགས་ཏེ། ཁྲག་དང་སྦྱར་བས་དུས་གསུམ་དུ་ལན་ཉི་ཤུ་རྩ་རེ་རེ་སྦྱིན་སྲེག
236a7 བྱས་ན་ཞག་ཉི་ཤུ་རྩ་གཅིག་གིས་འཇིག་པར་འགྱུར་རོ། །བདག་ཉིད་ཀྱི་མཐུ་བ་སྐྱེད་པར་འདོད་ན་སྐུ་གདུང་དང་ལྡན་པའི་མཆོད་རྟེན་གྱི་དྲུང་དུ་བདུག་པ་དང་། མེ་ཏོག་དང་དྲི་ཕུལ་ལ་བུམ་པ་སར་པ་ཆུས་བཀང་སྟེ། སྨན་ཐམས་ཅད་དང་ས་བོན་ཐམས་ཅད་དང་དབྱིག་རྣམས་བླུགས་ལ་ལན
iiif viewer powered by OpenSeadragon
