| e-texts navigator |
| Wylie |
235b1 བརྗེ་བ་དང་། མི་སྨྲ་བ་བསྒྲུབ་པར་བྱའོ། །དེའི་མཇུག་ཏུ་ཞག་གསུམ་སྨྱུང་བ་བྱས་ཏེ། ཟླ་བ་ཉ་ལ་མཆོད་པ་རྒྱས་པར་བྱས་ནས་བསྒྲུབ་ཅིང་ལག་པས་རྡོ་རྗེ་མནན་ཏེ་ནམ་དྲོ་བར་གྱུར་པ་དང་། དུད་པ་འཐུལ་བ་དང་། འབར་བར་གྱུར་པ་དང་། ནམ་མཁའ་ལ་འཕགས་པར་གྱུར་གྱི་བར་དུ་བཟླས
235b2 བརྗོད་བྱའོ། །དེ་ནས་བླངས་ན་ལག་ན་རྡོ་རྗེ་དང་མཐུ་མཉམ་པར་འགྱུར་ཏེ་ཚེ་བསྐལ་པར་ཐུབ་ཅིང་མངོན་པར་ཤེས་པ་ལྔ་དང་ལྡན་ལ། དམོད་པ་འདོར་བ་དང་། ཕན་འདོགས་ནུས་པར་འགྱུར་རོ། །སྨྱུང་བར་འདུག་པའི་ཉིན་མོ་ནི་རྟག་ཏུ་མནན་ཏེ་བཟླས་བརྗོད་བྱའོ། །ལག་ན་རྡོ་རྗེ་དང་འཇིག
235b3 རྟེན་སྐྱོང་བ་རྣམས་ལ་ཡང་ཕྱོགས་ཐམས་ཅད་ཀྱང་ལྷ་བཤོས་རྒྱས་པ་དབུལ་ལོ། །སྒོ་རེ་རེར་ཡང་མར་གྱི་མར་མེ་གཉིས་དབུལ་ལོ། །ནང་དུ་མར་གྱི་མར་མེ་བཞི་དབུལ་ལོ། །ཐོག་མ་ནི་དཀྱིལ་འཁོར་གྱི་གནས་བ་ལང་གི་ལྕི་བས་སྐྱོང་ནུལ་བྱུགས་ལ་དྲི་བྱུགས་ནས་གདོད་བྲི་བར་བྱའོ། །འདི་ནི་ཕོ་ཉ་མ་ཐམས
235b4 ཅད་ཀྱི་རྡོ་རྗེ་བསྒྲུབ་པ་སྤྱིའི་ཆོ་ག་ཡིན་ཏེ་ལས་ཐམས་ཅད་ཀྱང་ལས་ཀྱི་རྡོ་རྗེ་ལག་ན་ཐོགས་པར་བྱའོ། །དེ་ནས་མེ་ཏོག་གི་ཆུན་པོ་འགུལ་བར་འགྱུར་རོ། །དེ་ལྟར་གྲུབ་ནས་ཕྱི་དེ་ཉིན་པར་མཆོད་པ་ཤིན་ཏུ་རྒྱས་པར་བྱའོ། །བློ་གྲོས་རྡོ་རྗེ་མ་བསྒྲུབ་པའི་ཆོ་ག་གསུམ་པ་ནི་རས་མཉམས་པ་ལ་ཚོན
235b5 རྩི་སྦྱིན་མེད་པས་བློ་གྲོས་རྡོ་རྗེ་མ་པདྨའི་མདོག་ཅན་ལག་ན་པདྨ་ཐོགས་ཤིང་པདྨ་ལ་འདུག་པ་བྲིའོ། །དེ་ནས་ཞག་ལྔའི་བར་དུ་བ་གཅིན་དང་། ཕྱེའི་འདེ་གུ་ཟ་ཞིང་དུས་གསུམ་དུ་ཁྲུས་བྱ་ཞིང་དུས་གསུམ་དུ་གོས་བརྗེ་བ་དང་། རྩཝ་དཱུར་བའི་སྟན་ལ་ཉལ་བས་དུས་གསུམ་དུ་པདྨ་བརྒྱད་བརྒྱ་ལ་ལན
235b6 རེ་བཟླས་བརྗོད་བྱས་ཏེ་དབུལ་ལོ། །ཟླ་བ་ཉ་ལ་ཉིན་མཚན་དུ་སྨྱུང་བར་བྱས་ཏེ་མཆོད་པ་རྒྱས་པར་བྱས་ནས་ལྷ་བཤོས་ཀྱང་ཕུལ་ལ་ནུབ་གསུམ་པདྨ་བརྒྱད་སྟོང་ཕུལ་ན་འགྲུབ་པར་འགྱུར་རོ། །འདོད་པ་ཐམས་ཅད་སྦྱིན་པར་འགྱུར་རོ། །བློ་གྲོས་རྡོ་རྗེ་མའི་ཆོ་ག་རྫོགས་སོ།། །།ན་མོ
235b7 རཏྣ་ཏྲ་ཡཱ་ཡ། ན་མོ་བཛྲ་པཱ་ཎ་ཡེ། མ་ཧཱ་ཡཀྵ་སེ་ནཱ་པ་ཏ་ཡེ། ནི་རི་ནི་རི། པཱ་ཤྱེ་བཱ་ཤྱེ་ནེ་སྭཱ་ཧཱ། འདི་ཕོ་ཉ་མ་ལྟ་བ་མ་ཞེས་བྱ་བ་སྟེ། འདི་ནི་ལས་ཐམས་ཅད་རྒྱས་པར་བཤད་པར་བྱའོ། །གསལ་སྣང་གི་ཆོ་ག་བྱ་བར་འདོད་ན་ནི་རི་མོའི་གཟུགས་ཀྱི་མདུན་དུ་དཀྱིལ་འཁོར་སྐྱོང་ནུལ་གྱིས་བྱུགས་ཏེ།
iiif viewer powered by OpenSeadragon
