| e-texts navigator |
| Wylie |
235a1 བདུན་བཟླས་བརྗོད་བྱས་ཏེ་མདུད་པ་བྱའོ། །གཞན་གྱིས་མི་ཐུབ་པའི་ཆོ་ག་རྫོགས་སོ།། །།རིག་སྔགས་ཐམས་ཅད་ཀྱི་སྤྱིའི་ཆོ་ག་བཤད་པར་བྱ་སྟེ། ས་གཞི་མདོག་སྡུག་ཅིང་གསེག་མ་དང་རུས་པ་དང་། སྲོག་ཆགས་ཀྱི་གནས་མེད་པར་བཀྲ་ཤིས
235a2 པའི་ཕྱོགས་སུ་མར་གྱི་ངོ་ཞག་བརྒྱད་ལས་ཡོངས་སུ་སྦྱང་བ་བརྩམས་ནས་དཀྱིལ་འཁོར་ཁྲུ་བཅུ་དྲུག་གྲུ་བཞི་པ་བྱས་ནས། མར་གྱི་ངོ་ཞག་བཅུ་བཞི་ལ་ཚོན་རྩི་སྣ་ལྔས་བྲི་བར་བྱ་སྟེ། སྒོ་བཞི་གདོད་པར་བྱའོ། །ཚོན་རྩི་འབྱུང་ཁུངས་ནས་བྱུང་བའི་ཚོན་གྱིས་བྲི་བར་བྱ་སྟེ། དཀྱིལ་འཁོར་གྱི
235a3 དབུས་སུ་ལག་ན་རྡོ་རྗེ་གནས་པའི་སྟེགས་བུ་བྱས་ལ་དེའི་ཕྱོགས་གཅིག་ཏུ་གུར་གུམ་གྱིས་རྡོ་རྗེ་སོར་བརྒྱད་ཙམ་བྲིའོ། །དེའི་སྟེང་དུ་ཡང་ཡུངས་ཀར་གྱིས་རྡོ་རྗེ་བྱའོ། །དེའི་སྟེང་དུ་ཡང་ཙནྡན་དམར་པོ་ལས་རྡོ་རྗེ་སོར་བརྒྱད་པ་བྱས་ལ་གཞག་གོ། །དཀྱིལ་འཁོར་གྱི་ཕྱི་རོལ་ཤར་ཕྱོགས་ཀྱི་སྒོར་ནི་རྡོ་རྗེ་དང་འཁོར
235a4 ལོ་གཞག་གོ་ལྷོ་ཕྱོགས་སུ་ནི་རྡོ་རྗེ་དང་དབྱུག་པ་གཞག་གོ། །ནུབ་ཕྱོགས་སུ་ནི་རྡོ་རྗེ་དང་ཞགས་པ་གཞག་གོ། །བྱང་ཕྱོགས་སུ་ནི་རྡོ་རྗེ་དང་བེ་ཅོན་གཞག་གོ། །དཀྱིལ་འཁོར་ཟླུམ་པོའི་ནང་དུ་ཕྱོགས་བཞི་ནས་རྡོ་རྗེ་ཐམས་ཅད་གཞག་གོ། །དེ་དག་གི་ཕྱི་རོལ་དུ་ཁྲུ་གང་ཙམ་གྱིས་དཔག་སྟེ།
235a5 དཀྱིལ་འཁོར་གྱི་མཚམས་ཀྱིས་བསྐོར་ནས་ཚེས་གཅིག་ལ་བརྩམས་ཏེ་བསྒྲུབ་པར་བྱའོ། །སྒོ་བཞིར་ནི་བུམ་པ་མི་གནག་ཅིང་རྩ་བ་མེད་པ་བཞི་འོ་མས་བཀང་སྟེ་གཞག་གོ། །ཉིན་གཅིག་བཞིན་དུ་མཚན་མོ་མར་གྱི་མར་མེ་ཡང་དབུལ་ལོ། །ལྔ་པ་སྟེ་ལག་ན་རྡོ་རྗེ་དང་བཅོམ་ལྡན
235a6 འདས་ལ་ཡང་དབུལ་ལོ། །སྟེགས་བུ་དེར་སྐུ་གདུང་དང་ལྡན་པའི་སྐུ་གཟུགས་བཞག་ལ་དེའི་མདུན་དུ་ལྷ་དང་རྡོ་རྗེ་དྲི་ཐམས་ཅད་ཀྱིས་ལེགས་པར་བྲི་བར་བྱ་སྟེ་ཁྲུ་གང་ཚུན་དུ་བྱའོ། །དེའི་ཕྱོགས་གཅིག་ཏུ་ཐབ་ཁུང་རྡོ་རྗེའི་དབྱིབས་འདྲ་བར་བྱས་ལ་དེར་ཤིང་འོ་མ་ཅན་གྱི་ཡམ་སྲེག་ཤིང
235a7 གིས་མེ་སྤར་ཏེ་དགང་བླུགས་ཕུལ་ནས། ཞོ་དང་སྦྲང་རྩི་དང་། འོ་མ་དང་། ཡུངས་ཀར་གྱིས་སྦྱིན་སྲེག་བྱས་ལ་དེ་ནས་བཟླས་བརྗོད་ལན་བརྒྱད་སྟོང་བྱའོ། །ཟས་སུ་འོ་མ་དང་ཕྱེའི་འདེ་གུ་ཟ་ཞིང་དུས་གསུམ་དུ་བདུག་པ་དང་མེ་ཏོག་གི་ཕྲེང་བ་ལ་སོགས་པས་མཆོད་དེ་དུས་གསུམ་དུ་གོས
iiif viewer powered by OpenSeadragon
