| e-texts navigator |
| Wylie |
234b1 གཞན་གྱིས་མི་ཐུབ་པའི་ཆོ་ག་ལས་གདོན་ཐམས་ཅད་དབབ་པ་དང་། བཙས་པ་ཟ་བ་དང་གྲུལ་བུམ་བསལ་བ་དང་། མདངས་འཕྲོག་པ་དང་། གནོད་སྦྱིན་དང་འབྱུང་པོ་དང་སྲིན་པོ་དང་ཤ་ཟ་དང་ལ་སོགས་པ་བསལ་བ་དང་གཞིག་པར་བྱ་བ་ནི། ཨི་རཎྜའི་ཤིང་གིས་མེ
234b2 སྤར་ལ། །ེ་རཎྜའི་ཡམ་སྲེག་ཤིང་དང་ཡུངས་ཀར་མར་དང་སྦྱར་བས་ཅིག་ཤར་སྦྱིན་སྲེག་བྱའོ། །གདོན་གྱིས་མ་རུངས་པར་བྱས་པ་ལ་ནིམ་པའི་ཡམ་སྲེག་ཤིང་གིས་བྱའོ། །དབབ་པ་ལ་ནི་སེང་ལྡེང་གི་ཡམ་སྲེག་ཤིང་གིས་བྱ་སྟེ། །ཁྲག་གི་སྦྱིན་སྲེག་བྱའོ། །དེ་ནས
234b3 གདོན་ཁུས་འདེབས་ཤིང་གཏོར་བ་དང་འཕོ་བར་འགྱུར་རོ། །འབྱུང་པོའི་ཟས་ཀྱིས་ནི་སྤྱིར་ཡང་འབེབས་པར་འགྱུར་རོ། །གསང་བ་པ་དང་ཀླུ་ནི་ཟླ་བ་ཕྱེད་ཀྱིས་དབང་དུ་འགྱུར་རོ། །གནོད་སྦྱིན་མོ་ནི་ཞག་བདུན་གྱིས་སོ། །སྐྱེས་པ་ནི་ཞག་གསུམ་གྱིས་སོ། །བུད་མེད་ནི་ཟ
234b4 མ་བཞེས་དབང་དུ་འགྱུར་ཏེ། འདི་ལྟར་སྣ་མའི་མེ་ཏོག་དང་བེ་ཀངྐ་ཏའི་ཡམ་སྲེག་ཤིང་སྦྲང་རྩི་དང་མར་གྱི་ནང་དུ་སྨྱུགས་པས་སྦྱིན་སྲེག་བྱས་ལ་དུས་གསུམ་དུ་ལན་བརྒྱད་བརྒྱ་བཟླས་བརྗོད་བྱས་ཏེ་བདག་བསྲུང་བར་བྱའོ། །སེམས་ཅན་ཐམས་ཅད་ཁ་བཅིང་བར་བྱ་བ་ནི་མང
234b5 པོ་ཡང་རུང་། གཅིག་ལ་ཡང་རུང་། སྲད་བུ་ལ་མདུད་པ་བྱས་ཏེ་བཟླས་བརྗོད་ལན་བརྒྱད་བརྒྱ་དང་མདུད་པ་ལན་བརྒྱད་བརྒྱ་བྱའོ། །གཞིག་པ་ལ་ནི་ལན་ཚྭས་བྱའོ། །གདོན་གཞོམ་པ་ནི་ནིམ་པའི་ཡམ་སྲེག་ཤིང་གིས་བྱ་སྟེ། ཆོ་ག་སྔ་མ་བཞིན་དུ་བྱའོ། །རས་སྔོན་པོ་ལ་ལན
234b6 བདུན་བཟླས་བརྗོད་བྱས་ཏེ་རོ་སྨད་དུ་བཅིངས་ན་སུས་ཀྱང་མི་ཐུབ་པའི་རྒྱན་དུ་འགྱུར་རོ། །དེ་བཞིན་དུ་གཡུལ་འགྱེད་པ་དང་། འཁྲུག་པ་དང་། འཐབ་པ་དང་། རྩོད་པ་ཐམས་ཅད་ལ་བསྲུང་བའི་ཕྱིར་བཅིངས་ན་རྒྱལ་ཞིང་ཐེབས་པར་འགྱུར་རོ། །དུར་ཁྲོད་དུ་ལས་བྱ་བ
234b7 རྣམས་དང་། ཞི་བར་བྱ་བ་དང་རྒྱས་པར་བྱ་བ་དང་། གདོན་དགུག་པ་དང་། དམ་ཚིག་འཛིན་དུ་གཞུག་པར་བྱ་བ་ལ་ནི་ཆོ་ག་བཞིན་དུ་བཟླས་བརྗོད་དང་། རྡོ་རྗེའི་ཕྱག་རྒྱས་བྱའོ། །རྨི་ལམ་དུ་སྟོན་དུ་གཞུག་པ་ལ་ནི་གཙུག་ཕུད་དང་རས་ཀྱི་ཚར་ཚར་རམ་ཆོས་གོས་ཀྱི་གྲཝ་ལ་ལན
iiif viewer powered by OpenSeadragon
