| e-texts navigator |
| Wylie |
234a1 ག་བཤད་པར་བྱ་སྟེ། རས་མཉམས་པ་ལ་ཚོན་རྩི་སྦྱིན་མེད་པས་བཅོམ་ལྡན་འདས་ཀྱི་གཟུགས་འདྲིར་གཞུག་སྟེ། གཡོན་ལོགས་སུ་ནི་ལག་ན་རྡོ་རྗེ་བྲིའོ། །གཡས་ཕྱོགས་སུ་ཕོ་ཉ་མ་རྒྱན་ཐམས་ཅད་ཀྱིས་བརྒྱན་པ་བཅོམ་ལྡན་འདས་ལ་ཐལ་མོ་སྦྱར་བ་བྲིའོ། །
234a2 དེ་ནས་སྐུ་གདུང་དང་ལྡན་པའི་མཆོད་རྟེན་ནམ་སྐུ་གཟུགས་ཀྱི་དྲུང་དུ་རས་ཀྱི་སྐུ་གཟུགས་ཁ་ནུབ་ཕྱོགས་སུ་བསྟན་ནས། དེའི་མདུན་དུ་དཀྱིལ་འཁོར་བ་ལང་གི་ལྕི་བའི་སྐྱོང་ནུལ་གྱིས་བྱུགས་ལ་དེའི་སྟེང་དུ་མཆོད་པ་བྱ་ཞིང་དེའི་སྟེང་དུ་དྲིས་ཀྱང་བྱུགས་ཏེ་དེའི་སྟེང་དུ་ཡུངས་ཀར་ལས
234a3 སྟེགས་བུ་རྡོ་རྗེའི་དབྱིབས་འདྲ་བ་བྱས་ནས་དེའི་སྟེང་དུ་ཙནྡན་དམར་པོ་ལས་བྱས་པའི་རྡོ་རྗེ་ཤར་ཕྱོགས་སུ་བསྟན་ཏེ་གཞག་གོ། །བཅོམ་ལྡན་འདས་དང་ལག་ན་རྡོ་རྗེ་ལ་ཡང་མཆོད་དེ། དུས་གསུམ་དུ་ཀ་ར་བཱི་ར་དམར་པོའི་མེ་ཏོག་བརྒྱད་བརྒྱ་ལ་ལན་རེ་རེ་བཟླས་བརྗོད་བྱས་པས་རྡོ
234a4 རྗེ་ལ་བསྣུན་པར་བྱའོ། །དེའི་མཇུག་ཏུ་ཟ་མ་བཞི་སྨྱུང་བ་བྱས་ལ་ཟླ་བ་ཉ་ལ་མཆོད་པ་ཤིན་ཏུ་རྒྱས་པ་བྱས་ཏེ། གཏོར་མ་ལ་སོགས་པ་ཡང་བྱས་ནས་མར་གྱི་མར་མེ་གཉིས་སྤར་ལ། ལྷག་མ་ནི་ཅི་འབྱོར་པས་བྱ་སྟེ། ནམ་དངོས་གྲུབ་ཀྱི་རྟགས་འོད་སྟོན་པའམ། རང་བཞིན
234a5 གྱི་ཚུལ་གྱིས་འོང་བའམ། བཅོམ་ལྡན་འདས་ལ་ཕུལ་བའི་མར་མེ་མེ་ལྕེ་ཆེན་པོར་གྱུར་པའམ། རྨི་ལམ་དུ་སྟོན་པར་གྱུར་གྱི་བར་དུ་རྡོ་རྗེ་ལ་བསྣུན་ན་དེ་ནས་ལས་ཐམས་ཅད་བྱེད་པར་འགྱུར་རོ། །མིའི་གཙོ་བོའམ་མི་ཆེན་པོ་སྐྱེས་བུའི་ཁྱད་པར་འདི་གཉིས་དབང
234a6 དུ་བྱ་བར་འདོད་ན་ཡར་གྱི་ངོ་ཚེས་བརྒྱད་ལ་བརྩམས་ཏེ་གསོ་སྦྱོང་གི་ཡན་ལག་བརྒྱད་དང་ལྡན་པས་ཟས་སུ་དཀར་གསུམ་བཟའ་ཞིང་སྦྱིན་སྲེག་བྱ་སྟེ། བཻ་ཀངྐ་ཏའི་བུད་ཤིང་ངམ། དེ་མ་རྙེད་ན་པ་ལ་ཤའི་བུད་ཤིང་གིས་མེ་སྤར་ནས་སྦྲང་རྩི་དང་། མར་དང་ལན་ཚྭས
234a7 སྦྱིན་སྲེག་བྱས་ན་མིའི་གཙོ་བོའམ་མི་ཆེན་པོ་དབང་དུ་འགྱུར་རོ། །དུས་གསུམ་དུ་ཡུངས་ཀར་མར་དང་སྦྱར་བའི་སྦྱིན་སྲེག་བྱ་བ་ནི་ལྷག་པར་ཡང་གཙུག་ནས་བྱུང་བའི་ཆོ་གའི་ཁྱད་པར་གྱི་ཐབས་ཡིན་ནོ། །རྡོ་རྗེ་ནག་མོའི་ཆོ་ག་རྫོགས་སོ།། །།
iiif viewer powered by OpenSeadragon
