| e-texts navigator |
| Wylie |
233b1 འབྲས་མ་བརྡུངས་པ་མར་དང་སྦྱར་བའི་ཡུལ་མ་ག་དྷཱའི་བྲེ་ཚད་གཅིག་ཙམ་གྱི་སྲེག་བླུགས་ཆོ་ག་གོང་མ་བཞིན་ཞག་བདུན་སྦྱིན་སྲེག་བྱས་ལ་བརྒྱད་བརྒྱ་རྫོགས་ཤིང་དགང་བླུགས་ཕུལ་ན་ཉིན་རེ་ཞིང་བྲེ་རེ་རེ་ཐོབ་པར་འགྱུར་རོ། །དེ་བཞིན་དུ་འབྲུ་ཐམས་ཅད་དབུལ་བར་བྱ་སྟེ། དཱུར་བའི
233b2 མྱུ་གུ་སྦྱིན་སྲེག་བྱའོ། །མར་འཐུང་བར་འདོད་པས་ནི་མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བར་བྱས་ཏེ། །གུ་གུལ་སྲང་གཅིག་སེང་ལྡེང་གི་ཐང་ཆུ་དང་བཅས་པ་ལ་ལན་བརྒྱད་སྟོང་བཟླས་བརྗོད་བྱས་ནས་མར་དང་སྦྱར་ཏེ། འཐུངས་ན་ནད་ཐམས་ཅད་མེད་པར་འགྱུར
233b3 རོ། །ཟླ་བ་ཉ་ལ་ཞག་གཅིག་སྨྱུང་བ་བྱས་ཏེ། ཡུངས་ཀར་སྲང་གཅིག་ཨ་ཤྭཏྠའི་ལོ་མ་བཞིའི་སྟེང་དུ་བཞག་ནས་གསུམ་གྱིས་བཀབ་སྟེ། ལག་པས་མནན་ལ་ལན་བརྒྱད་སྟོང་བཟླས་བརྗོད་བྱས་ན་ལས་ཐམས་ཅད་དང་འཇིགས་པ་ཐམས་ཅད་དང་། ཅི་ཡང་རུང་བ་ཐམས་ཅད་ལ
233b4 མགོ་བོར་གདགས་པར་བྱའོ། །མར་གྱི་ངོ་ཞག་བཅུ་བཞི་ལ་སྐུད་པ་ནག་པོ་ལ་ལན་བརྒྱད་བརྒྱ་བཟླས་བརྗོད་བྱས་ཏེ་མདུད་པ་བོར་ན་འཇིགས་པ་ཐམས་ཅད་བསྲུང་བ་རྣམས་ལ་སུ་ཡང་འགལ་བར་མི་བྱེད་དོ། །རིག་སྔགས་ཞུ་དག་པར་འདོད་ན་ཡར་གྱི་ངོ་ཚེས་གཅིག་ལ་བརྩམས་ཏེ།
233b5 ཟས་སུ་དཀར་གསུམ་ཟོས་ལ་རིག་སྔགས་ཞུ་དག་པར་འདོད་པ་དེ་གྲོ་ག་ལ་བྲིས་ནས་སྨྱུ་གུ་དང་སྣག་ཚ་དང་བཅས་པར་བུམ་པ་སར་པའི་ནང་དུ་གཞུག་གོ། །དེ་ཡང་བུམ་པ་མི་གནག་ཅིང་རྩ་བ་མེད་པའི་ནང་དུ་གཞུག་པར་བྱའོ། །མར་གྱི་མར་མེ་ཡང་སྦྱར་ལ་ལྷ་བཤོས་སུ་ཁུ
233b6 བཅུད་དབུལ་བར་བྱའོ། །དེ་ནས་དུས་གསུམ་དུ་ལན་བརྒྱད་བརྒྱ་བཟླས་བརྗོད་བྱེད་ཅིང་ཐང་ཆུའི་བདུག་པ་བསྲེགས་ལ། གཙང་མས་གོས་གཙང་མ་བགོས་ནས་དེ་ཉིད་ཀྱི་དྲུང་དུ་ས་ལ་ཉལ་བར་བྱའོ། །མཇུག་ཏུ་ཟ་མ་བཞི་སྨྱུང་བར་བྱས་ལ་ཟླ་བ་ཉ་ལ་མཆོད་པ་ཤིན་ཏུ་རྒྱས་པར་བྱས
233b7 ཏེ། གྲངས་ངེས་པ་མེད་པས་བཟླས་བརྗོད་བྱས་ལ་ཚེས་བཅུ་དྲུག་ལ་ཁ་ཕྱེ་ན་ཐམས་ཅད་ཞུ་དག་པར་འགྱུར་རོ། །ཡང་ན་ལས་ཐམས་ཅད་ལ་རྡོ་རྗེ་ལག་ཏུ་བླངས་ཏེ་སྔར་བསྙེན་པ་བྱའོ། །བློ་གྲོས་རྡོ་རྗེ་མའི་ཆོ་ག་རྫོགས་སོ།། །།དེ་ནས་རྡོ་རྗེ་ནག་མོའི་ཆོ
iiif viewer powered by OpenSeadragon
