| e-texts navigator |
| Wylie |
232b1 བ་ལ་བ་ལ། ར་ལ་ར་ལ། བཛྲེ། ཧ་ན་ཧ་ན་ཧ་ན། པ་ཙ་པ་ཙ་པ་ཙ། དཱུ་ཏི་བརྞ་ས་ཧ་སྲཾ་མེ་པྲ་ཡཙྪ་ཧུ་རུ་ཧུ་རུ། སིདྡྷ་ཤྩཎྜ་བཛྲ་པཱ་ཎི་རཱ་ཛྙཱ་པ་ཡ་ཏི་སྭཱ་ཧཱ། ཆོ་ག་ནི་ཡར་གྱི་ངོ་ཚེས་བཅུ་གསུམ་ལ་བརྩམས་ཏེ། གསོ་སྦྱོང་གི་ཡན་ལག་བརྒྱད་དང་ལྡན་པས་ཟས་མི་ཟ་བར་དུས་གསུམ
232b2 དུ་ལས་བྱའོ། །བཅོམ་ལྡན་འདས་ལ་མེ་ཏོག་དྲི་ཞིམ་པོ་དང་། ཨ་ག་རུའི་བདུག་པ་དང་། ལྷ་བཤོས་དཀར་པོ་དང་མར་གྱི་མར་མེ་རྣམས་ཕུལ་ཏེ། ལག་ན་རྡོ་རྗེའི་ཞབས་དྲུང་དུ་ཨ་ཤ་ཀུ་རའི་སྐྱོང་ནུལ་གྱིས་དཀྱིལ་འཁོར་བྱུགས་ཏེ། དེར་གུར་གུམ་མམ། ཙནྡན་དམར
232b3 པོས་རྡོ་རྗེ་བྲིའོ། །ལག་ན་རྡོ་རྗེ་དང་། རྡོ་རྗེ་ལ་ཡང་གུར་གུམ་དང་། ཙནྡན་དང་། མེ་ཏོག་དམར་པོ་དང་། ལྷ་བཤོས་དམར་པོ་དང་། སེར་པོ་དང་། དཀར་པོ་དང་། མར་གྱི་མར་མེ་རྣམས་དབུལ་ཞིང་། དུས་གསུམ་དུ་ཁྲུས་བྱས་ཏེ་ལས་དང་མཆོད་པ་བྱའོ། །དེ་ནས
232b4 རྡོ་རྗེའི་དྲུང་དུ་སྣོད་སར་པའམ། ཁམ་ཕོར་སར་པའི་ནང་དུ་མེ་སྦར་ཏེ། གུ་གུལ་གྱི་རིལ་བུ་བརྒྱད་བརྒྱ་ལ་ལན་རེ་རེ་བཟླས་བརྗོད་བྱས་པས་སྦྱིན་སྲེག་བྱ་སྟེ། ཞག་གསུམ་སྨྱུང་བར་བྱས་ནས། ཟླ་བ་ཉ་ལ་ལན་བརྒྱད་སྟོང་བྱའོ། །དེའི་མཇུག་ཏུ་དངོས་གྲུབ་ཀྱི་རྟགས་གཡོ་བར་འགྱུར
232b5 ཏེ། ཟླ་བ་དྲུག་ཚང་ནས་འབྲས་བུ་ཡོད་པར་འགྱུར་རོ། །དེ་ནས་བློ་གྲོས་རྡོ་རྗེ་མའི་ཆོ་ག་ཐ་དད་པར་བཤད་དེ་ཡར་གྱི་ངོ་ཚེས་གཅིག་ལ་བརྩམས་ཏེ། ཟས་སུ་དཀར་གསུམ་ཟ་ཞིང་། ལིག་བུ་མིག་གམ། ལྡོང་རོས་ལས་ཞོ་གཉིས་གཉིས་སམ། སྲང་རེ་རེ་བླངས་ཏེ་བཟླས་བརྗོད
232b6 བྱས་ཏེ། དུས་གསུམ་དུ་ཁྲུས་བྱེད་ཅིང་། དུས་གསུམ་དུ་གོས་བརྗེ་བ་དང་། རྩཝ་དཱུར་བའི་སྟན་ལ་ཉལ་ཞིང་དུས་གསུམ་དུ་བརྒྱད་བརྒྱ་བཟླས་བརྗོད་བྱས་ནས་བཅོམ་ལྡན་འདས་ལག་ན་རྡོ་རྗེ་ལ་མཆོད་པ་བྱས་ལ་མཇུག་ཏུ་ཞག་གསུམ་སྨྱུང་བར་བྱས་ཏེ། ཟླ་བ་ཉ་ལ་ཡང་བཅོམ་ལྡན
232b7 འདས་དང་། ལག་ན་རྡོ་རྗེ་ལ་མཆོད་པ་བྱས་ནས་ལིག་བུ་མིག་དང་ལྡོང་རོས་ཨ་ཤྲཏྠའི་ལོ་མ་བཞིའི་སྟེང་དུ་བཞག་ལ། གསུམ་གྱིས་བཀབ་ནས་ལག་པ་གཡས་པས་མནན་ཏེ། གཡོན་པས་ཙནྡན་དམར་པོའམ། བེ་ཀངྐ་ཏའམ། གྲོག་མཁར་གྱིས་ལས་བྱས་པའི
iiif viewer powered by OpenSeadragon
