| e-texts navigator |
| Wylie |
232a1 པར་འགྱུར་རོ། །ཟླ་བ་གཅིག་གིས་ནི་འདོད་ཆགས་དང་བྲལ་བ་དང་། ཤི་བ་མ་གཏོགས་པར་སེམས་ཅན་ཐམས་ཅད་ཇི་ལྟ་ཇི་ལྟར་འདོད་པ་བཞིན་དུ་དབང་དུ་ཁུགས་པར་འགྱུར་རོ། །བློ་གྲོས་རྡོ་རྗེ་མའི་ཆོ་ག་གཉིས་པ་ནི་མར་གྱི་ངོ་ཞག་བརྒྱད་ལ་བརྩམས་ཏེ།
232a2 ཟས་སུ་འོ་མ་དང་འབྲས་ཆན་ཟ་ཞིང་ལག་ན་རྡོ་རྗེའི་མདུན་དུ་ཐབ་ཁུང་གྲུ་བཞི་པ་བྱས་ཏེ། །སེང་ལྡེང་གི་མེ་སྤར་ལ། །ུ་དུམ་བཱ་རའི་ཡམ་སྲེག་ཤིང་བརྒྱད་བརྒྱད་སྦྲང་རྩིའི་ནང་དུ་སྨྱུགས་པས་དུས་གསུམ་དུ་སྦྱིན་སྲེག་བྱའོ། །ཐབ་ཁུང་དུ་ཡང་རྩཝ་ཀུ་ཤས་བསྐོར་བར་བྱའོ། །ཡུངས
232a3 ཀར་གྱིས་ཀྱང་བསྲུང་བར་བྱའོ། །སྣ་མའི་མེ་ཏོག་གིས་ཀྱང་སངས་རྒྱས་ཀྱི་གཟུགས་རྣམས་ལ་མཆོད་པར་བྱའོ། །སྣ་མའི་མེ་ཏོག་གིས་མཆོད་པ་བྱས་ནས་སྣ་མའི་མེ་ཏོག་གི་ཕྲེང་བ་ཡང་ཕྱག་དུ་དབུལ་ལོ། །ལག་ན་རྡོ་རྗེ་ལ་ཡང་ཟླ་བ་ཉ་ལ་ཞག་གཅིག་སྨྱུང་བ་བྱས་ཏེ་མཚན
232a4 མོ་ཀུ་རན་ཏས་ལེན་བརྒྱད་སྟོང་སྦྱིན་སྲེག་བྱས་ན་ལས་རྣམས་འགྲུབ་པར་འགྱུར་ཏེ། མེ་ཏོག་གི་ཕྲེང་བ་འབུལ་བར་འགྱུར་རོ། །དེ་ལྟར་འགྲུབ་པར་གྱུར་ན་ཕྱི་དེ་ཉིན་པར་མཆོད་པ་ཤིན་ཏུ་རྒྱས་པའོ། །དེ་ནས་རྡོ་རྗེ་བློ་གྲོས་མ་དེའི་བསྒྲུབ་པའི་ཆོ་ག་ཡིན་ཏེ། རས་མ་ཉམས་པ་ལ་ཚོན
232a5 རྩི་སྦྱིན་མེད་པས་བློ་གྲོས་རྡོ་རྗེ་མ་པདྨའི་མདོག་འདྲ་མ་ལག་ན་པདྨ་ཐོགས་ཤིང་པདྨ་ལ་འདུག་པ་བྲིའོ། །དེ་ནས་ཞག་ལྔའི་བར་དུ་ནི་བ་གཅིན་དང་། ཕྱེའི་འདེ་གུ་ཟ་ཞིང་དུས་གསུམ་དུ་ཁྲུས་བྱས་པ་དང་། དུས་གསུམ་དུ་གོས་བརྗེ་བ་དང་། རྩཝ་དཱུར་བའི་སྟན་གྱི་སྟེང་དུ་ཉལ
232a6 བར་བྱ་སྟེ། དུས་གསུམ་དུ་པདྨ་བརྒྱད་བརྒྱ་ལ་ལན་རེ་རེ་བཟླས་བརྗོད་བྱས་ཏེ་དབུལ་ལོ། །མཇུག་ཏུ་ཟླ་བ་ཉ་ལ་ཞག་གཅིག་སྨྱུང་བ་བྱས་ཏེ། མཆོད་པ་ནི་རྒྱས་པར་བྱས་ནས་ལྷ་བཤོས་ཀྱང་ཕུལ་ལ་མཚན་མོ་པདྨོ་བརྒྱད་སྟོང་ཕུལ་ན་འགྲུབ་པར་འགྱུར་རོ། །འདོད་པ་ཐམས
232a7 ཅད་སྦྱིན་པར་འགྱུར་རོ། །མཆོད་པ་ཡང་ཅི་འབྱོར་པས་བྱའོ། །འདི་ནི་བློ་གྲོས་རྡོ་རྗེ་མ་དེའི་ཆོ་ག་ཡིན་ནོ། །ན་མོ་བུདྡྷཱ་ཡ། ན་མོ་དྷརྨཱ་ཡ། ན་མཿསཾ་གྷཱ་ཡ། ན་མཤྩཎྜ་བཛྲ་པཱ་ཎ་ཡེ། མ་ཏི་བཛྲོ་བཛྲི་ནི། བཛྲ་བཛྲི་ནི་སྨ་ར་ས་མཱ་ཡཾ། བྷི་རི་བྷི་རི། ཀི་རི་ཀི་རི། བནྡྷ་བནྡྷ། ཀ་ལ་ཀ་ལ།
iiif viewer powered by OpenSeadragon
