| e-texts navigator |
| Wylie |
231a1 རོ། །དེ་ནས་བློ་གྲོས་རྡོ་རྗེ་མ་ཉི་ཚེའི་ཆོ་ག་བཤད་པར་བྱ་སྟེ། ཡར་གྱི་ངོ་ཚེས་གཅིག་ལ་བརྩམས་ལ་སྐུ་གདུང་དང་ལྡན་པའི་སྐུ་གཟུགས་བཞག་སྟེ། ཕོ་ཉ་མའི་རི་མོའི་གཟུགས་ཆོ་ག་བཞིན་དུ་ནུབ་ཕྱོགས་སུ་བསྟན་ནས་དེའི་མདུན་དུ་བ་ལང་གི་ལྕི་བའམ
231a2 ས་དཀར་གྱིས་དཀྱིལ་འཁོར་སྐྱོང་ནུལ་གྱིས་བྱུགས་ལ་དེའི་སྟེང་དུ་གུར་གུམ་དང་ཙནྡན་དཀར་པོས་བྱུགས་ཏེ། ཙནྡན་དཀར་པོའམ་ཡུངས་ཀར་གྱིས་རྡོ་རྗེ་བྲིའོ། །དེའི་ཕྱོགས་གཅིག་ཏུ་ཐབ་ཁུང་རྡོ་རྗེའི་དབྱིབས་འདྲ་བར་བྱས་ལ། དེ་ནས་ལས་བརྩམ་པར་བྱ་སྟེ། དུས
231a3 གསུམ་དུ་ཁྲུས་བྱེད་ཅིང་དུས་གསུམ་དུ་གོས་བརྗེ་བ་དང་། ཕྱི་རོལ་དུ་རྩཝ་དཱུར་བའི་སྟན་ལ་ཉལ་བ་དང་། གསོ་སྦྱོང་གི་ཡན་ལག་བརྒྱད་དང་ལྡན་པ་དང་། ཁ་ཟས་དུས་གཅིག་ཏུ་འོ་མ་དང་། འབྲས་སཱ་ལུའི་ཆན་བཟའ་ཞིང་དཀའ་ཐུབ་སྤྱོད་པས་ནང་དུ་ལྷ་བཤོས
231a4 དབུལ་བར་བྱའོ། །གཏོར་མ་ཡང་ཏིལ་ཟན་དང་། འབྱུང་པོའི་ཟས་སྦྱིན་པར་བྱའོ། །བདུག་པ་ནི་བཅོམ་ལྡན་འདས་ལ་ཨ་ག་རུ་དབུལ་ལོ། །ལག་ན་རྡོ་རྗེ་ལ་ནི་གུ་གུལ་དང་། ཐང་ཆུ་དབུལ་ལོ། །བཅོམ་ལྡན་འདས་ལ་ནི་མེ་ཏོག་དྲི་ཞིམ་པོ་རྣམས་དབུལ་ལོ། །
231a5 ལག་ན་རྡོ་རྗེ་ལ་ནི་ཀ་ར་བཱི་ར་དམར་པོ་དབུལ་ལོ། །མཚན་མོ་ནི་མར་མེ་གཉིས་དབུལ་བར་བྱ་སྟེ། དུས་གསུམ་དུ་ལན་བརྒྱད་བརྒྱ་བཟླས་བརྗོད་བྱས་ལ་སྦྱིན་སྲེག་ཀྱང་བྱའོ། །མཇུག་ཏུ་ཞག་གསུམ་སྨྱུང་བར་བྱས་ནས་ཟླ་བ་ཉ་ལ་མཆོད་པ་རྒྱས་པར་བྱས་ཏེ། ནམ
231a6 ཞིག་རང་བཞིན་གྱི་ཚུལ་གྱིས་འོང་བའམ། ཡང་ན་འོད་སྟོན་པའམ། ཡང་ན་རྨི་ལམ་ལེགས་པར་སྟོན་པའམ། ཡང་ན་གནོད་སྦྱིན་མོ་འམ། རིག་སྔགས་སམ། ཅི་འདོད་པ་ཐམས་ཅད་སྦྱིན་པར་འགྱུར་གྱི་བར་དུ་ཕོ་ཉ་མའི་བཟླས་བརྗོད་གྲངས་མེད་པར་བྱའོ། །བདུག
231a7 པའི་གསང་སྔགས་ལ། ན་མོ་བ་ར་མུ་ནི་བ་ར་མུ་ནི་བ་ར་མུ་ནི་པྲ་ཏཱིཙྪ་མེ་བྷ་ག་ཏྱོ་པ་ནི་ཏཾ་པུ་ཥྤ་གནྡྷ་མཱ་ལྱེ་པ་ཧ་ར་མ་ཨི་ལི་མི་ལི་ལི་མེ། ཨི་ལི་མི་ལི་ལི་མེ་སྭཱ་ཧཱ། འདིས་དུས་གསུམ་དུ་དྲི་དང་། བདུག་པ་དང་། མེ་ཏོག་གི་ཕྲེང་བའི་མཆོད་པ་དབུལ་བར
iiif viewer powered by OpenSeadragon
