| e-texts navigator |
| Wylie |
230b1 ཟ་ཧག་བཅུ་བཞི་ལ་ལམ་གྱི་བཞི་མདོའམ་ཚན་གཅིག་པུ་འདུག་པར་ཀ་ར་བཱི་ར་དམར་པོའི་མེ་ཏོག་ཁ་མ་བྱེ་བ་ལ་བཟླས་བརྗོད་བྱ་སྟེ་ནུབ་མོ་ནས་གཞག་ལ་ཕྱི་དེ་ཉིན་བར་གྱི་དུས་མཚམས་དང་པོར་ལན་བདུན་བདུན་བཟླས་བརྗོད་བྱས་ནས་དགྲ་ལ་བལྟས་ཏེ་བོར་ན་གདོན་གྱིས་ཐེབས་པར
230b2 འགྱུར་རོ། །དགྲོལ་བ་ལ་ནི་ཀ་ར་བཱི་རའི་མེ་ཏོག་དཀར་པོས་བྱའོ། །ཆོ་ག་དེ་དག་ཉིད་ཀྱིས་སུག་སྨེལ་དང་། ཤུ་དག་དང་། ལིག་བུ་མིག་དང་། ཐིང་རིལ་གྱི་སྒོ་ངའི་ཤུན་ལྤགས་རྣམས་ཆ་བསྙམས་ཏེ་ཞག་གསུམ་སྨྱུང་བ་བྱས་ནས་བརྒྱ་སྟོང་བཟླས་བརྗོད་བྱའོ། །དེ་ལྟར་བྱས་ན
230b3 ལུས་མི་སྣང་བར་འགྲུབ་པར་འགྱུར་རོ། །དེ་བཞིན་དུ་བྱ་གང་དང་། བྱ་གར་དང་། ནེ་ཙོ་དང་། བྱ་ཙ་ཤ་རྣམས་ལས་གང་ཡང་རུང་བ་གཅིག་གི་སྒོ་ངའི་ཤུན་ལྤགས་དང་། ཉ་རོ་ཧི་ཏའི་སྒོ་ངའི་ཤུན་ལྤགས་དང་། ཡུང་བ་དང་། པུ་ཙེ་ཤེལ་དང་། ཉ་མཁྲིས་རྣམས
230b4 སྦྱར་བས་ཀྱང་ལུས་མི་སྣང་བར་བྱེད་དོ། །ཀྲྀཥྞ་བ་ལི་དང་། ཀུ་བེ་ར་དང་། ཀུ་བེ་ར་ཀྵི་རྣམས་ཆར་པའི་ཆུ་དང་བཏགས་པའི་རིལ་བུས་ལུས་བསྐུས་ན་རྒྱལ་པོའི་ཕོ་བྲང་དུ་འོངས་པ་དང་། སྐལ་བ་བཟང་པོ་དང་ལྡན་ཞིང་བཟའ་བ་དང་བཏུང་བ་དང་ལྡན་པར་འགྱུར་རོ། །ལུས
230b5 མི་སྣང་བ་བསྒྲུབ་པ་ནི་ཞག་གསུམ་སྨྱུང་བ་བྱས་ཏེ། མར་གྱི་ངོ་ཞག་བཅུ་བཞི་ལ་ལུས་བསྐུ་བར་བྱའོ། ། ཤོ་ཨ་ཀ་དང་། སྤོ་ར་དང་། ཤ་བྷ་རའི་རྩ་བ་དང་། གཟེ་མ་དང་། འབྲས་དང་། རིམ་པ་འདི་དག་ནི་གདོན་གྱིས་མི་ཚུགས་པའི་སྦྱར་སྨན་ཡིན་ནོ། །གུར
230b6 གུམ་དང་། རྒྱ་སྤོས་དང་། རུ་རྟ་དང་། སྤོས་དང་། ཀི་རི་ཀི་ར་ཎི་ནི་ཀ་དང་། ཨི་དྲ་བ་ནུ་ནིའི་རྩ་བ་དང་། ཨ་མྲྀ་ཏ་ལྔའི་འཇིམ་པ་རྣམས་ཀྱི་སྦྱར་སྨན་ནི་གདོན་གྱིས་འཇིགས་པ་ལ་ལུས་བསྐུ་བར་བྱའོ། །རིལ་བུའི་སྦྱོར་བ་ཐམས་ཅད་ནི་ཞག་གསུམ་སྨྱུང་བར་བྱས་ཏེ་མར
230b7 གྱི་ངོ་ཞག་བཅུ་བཞི་ལ་ལན་བརྒྱད་སྟོང་བཟླས་བརྗོད་བྱས་ན་དེས་འགྲུབ་པར་འགྱུར་རོ། །ལན་ཚྭ་ལས་དུག་མའི་གཟུགས་བྱས་ལ་དེའི་རྐང་པའི་དྲུང་དུ་སྦྱིན་སྲེག་བྱས་ཏེ་རོ་བསྲེགས་པའི་སོལ་བས་གཟུགས་བྲིས་ལ་འཇིམ་པ་ལས་རྡོ་རྗེ་བྱས་པས་བཀབ་ན་དབུགས་ཆད་པར་འགྱུར
iiif viewer powered by OpenSeadragon
