| e-texts navigator |
| Wylie |
230a1 དེ་བཞིན་དུ་མིའི་གཙོ་བོའམ། མི་ཆེན་པོའམ། གནོད་སྦྱིན་དང་། མི་འམ་ཅི་ཡང་དབང་དུ་ཁུགས་པར་འགྱུར་ཏེ། ཅི་ནུས་ཀྱིས་སྨྱུང་བ་བྱའོ། །བྲམ་ཟེ་ལ་ནི་ཞག་གསུམ་རྒྱལ་རིགས་ལ་ནི་ཞག་གཉིས་རྗེའི་རིགས་ལ་ཞག་གཅིག་སྨྱུང་བར་བྱའོ། །དམངས
230a2 རིགས་ལ་ནི་སྨྱུང་བ་བྱ་མི་དགོས་པར་ནིམ་པའི་ཡམ་སྲེག་ཤིང་གིས་བྱའོ། །གཞིག་པ་ལ་ནི་དུག་དང་ཁྲག་དང་འབྱུང་པོའི་ཟས་ཀྱིས་སྦྱིན་སྲེག་བྱའོ། །གདོན་གྱིས་ཐེབས་སུ་གཞུག་པ་ལ་ནི་ཨེ་རཎྜས་བྱའོ། །འཁྲུག་པར་བྱ་བ་ལ་ནི་བའི་མར་གྱིས་བྱའོ། །དབྱེ
230a3 བ་ལ་ནི་སྦྲུལ་གྱི་པགས་པ་བརྗེས་པར་བྱའོ། །དབང་དུ་བྱ་བ་ལ་ནི་མར་དང་ནེའུ་ལེའུ་སྦུས་བྱའོ། །སྙིང་པོ་གཅད་པ་ལ་ནི་ལན་ཚྭ་དང་ཀ་རས་སྦྱིན་སྲེག་བྱའོ། །གདོན་དགུག་པ་ལ་ནི་གུ་གུལ་གྱི་བདུག་པས་བྱའོ། །དབབ་པ་ལ་ནི་གུ་གུལ་དང་ཏུ་ལ་སིའི་ལི་མས་བྱའོ། །
230a4 ཉའི་སྦྱིན་སྲེག་གིས་ནི་རྨི་ལམ་དུ་སྟོན་པར་འགྱུར་རོ། །བསྲུང་བའི་ལས་ལ་ནི་སྐུད་པའམ་ཐལ་བའམ་ཆུས་བྱའོ། །གཙུག་ཕུད་བཅིང་བ་ལ་ནི་ཆུས་བྱའོ། །དུག་ཞི་བར་བྱ་བ་ལ་ནི་བཟླས་བརྗོད་ཀྱིས་བྱའོ། །གདོན་དང་རྨི་ལམ་གྱི་འཇིགས་པ་ལ་ནི་ལན་ཚྭས་བྱའོ། །
230a5 སྒོ་ལྕགས་དབྱེ་བ་དང་། གདོན་དབང་དུ་བྱ་བ་དང་། སྐྱེས་པ་དང་བུད་མེད་དབང་དུ་བྱ་བ་དང་། གདོན་དབབ་པ་དང་། བརྡེག་པ་དང་། སྨྲར་གཞུག་པ་དང་། གཟིར་དུ་གཞུག་པ་ནི་རའི་གཟུགས་བྱའོ། །མར་གྱིས་བསྐུས་ན་ཕྱིར་འཚོ་བར་འགྱུར་རོ། །སྨྲར
230a6 གཞུག་པ་དང་། ཁུས་འདེབས་སུ་གཞུག་པ་དང་། གར་བྱེད་དུ་གཞུག་པ་དང་། དུར་གཞུག་པ་དང་། ཆོ་རིགས་བྲི་བ་དང་། བྱི་བ་ཟར་གཞུག་པ་དང་། བུང་བ་ཟར་གཞུག་པ་ལ་ཡང་རའི་གཟུགས་བྱའོ། །མར་གྱིས་བསྐུས་ན་ནི་ཕྱིར་འཚོ་བར་འགྱུར
230a7 རོ། །ལས་འདི་དག་དང་གཞན་ཡང་གྲངས་མེད་པ་དག་བྱེད་པར་འགྱུར་ཏེ། བརྡེག་པ་ནི་གཏུན་ཤིང་ངམ་སྐྲའི་ཐག་གུས་བྱའོ། །རོ་བསྲེགས་པའི་སོལ་བས་གཟུགས་བྲིས་ལ་ས་ལས་བྱས་པའི་རྡོ་རྗེས་བཀབ་ན་གདོན་དབུགས་ཆད་པར་འགྱུར་རོ། །མར་གྱི་ངོ
iiif viewer powered by OpenSeadragon
