| e-texts navigator |
| Wylie |
229b1 ཡོངས་སུ་གཟུང་དུ་གསོལ། ཡོངས་སུ་བསྐྱང་དུ་གསོལ། ཞི་བ་དང་བདེ་ལེགས་སུ་འགྱུར་བར་མཛད་དུ་གསོལ། ཆད་པ་སྤོང་བར་མཛད་དུ་གསོལ། མཚོན་ཆ་སྤོང་བར་མཛད་དུ་གསོལ། མཚམས་གཅད་པར་མཛད་དུ་གསོལ། ས་བཅིང་བར་མཛད་དུ་གསོལ།
229b2 ཀུ་རུ་ཀུ་རུ་པཾ། མཀྵི། བི་དྷི་བི་དྷི་བི་དྷི། མཱརྒ་སཾ་པྲ་སྭ་ཏེ། ཨ་མྲྀ་ཏ་ཏེ་ཛ་བ་ཏི། གནོད་པ་ཐམས་ཅད་ལས་བདག་ལ་རྟག་པར་བསྲུང་དུ་གསོལ། །བསྲུང་དུ་གསོལ། མུ་ལུ་མུ་ལུ་མུ་ལུ། ཁུ་ཁུ་མེ། གྷོ་རི་གྷོ་རི། བ་ལེ་བ་ལེ། ཏ་ར་ཏ་ར། མུ་ཡ་མུ་ཡ། མུཉྩ་ནི། ཁ་ཁ་རེ།
229b3 དྷུ་ཧཱུ~ཾ་ཧཱུ~ཾ་ནི། དྷུ་ཧཱུ~ཾ་ནི། བདག་འཐབ་པ་དང་། འཐབ་མོ་དང་། རྩོད་པ་དང་། འགྱེད་པ་ཐམས་ཅད་ལས་བསྲུང་དུ་གསོལ། བསྲུང་དུ་གསོལ། ཛ་ཡཾ་ཀུ་རུ་ཀུ་རུ། ཕུ་རུ་ཕུ་རུ་སྭཱ་ཧཱ། ཨ་མ་ལེ་སྭཱ་ཧཱ། ཨ་མྲྀ་ཏེ་སྭཱ་ཧཱ། འཕགས་པ་ཕྱིར་ཟློག་པ་སྟོབས་ཅན་ཞེས་བྱ་བའི
229b4 གཟུངས་རྫོགས་སོ། ། @#། །དཔལ་ལྷ་མོ་སྒྲ་དབྱངས་ལ་བསྟོད་པ། ལམ་གང་གིས་ན་སངས་རྒྱས་འབྱུང་བ་དང་། །རྒྱལ་བ་སྲས་བཅས་ཆོས་ཀྱི་བླ་མར་གྱུར། །མཁྱེན་པའི་རིམ་པར་ས་རྣམས་བཀོད་པ་ཡི། །ཤེས་རབ་དཀྱིལ
229b5 འཁོར་མང་ལ་སྐྱབས་སུ་མཆི། །ཕྱག་འཚལ་དཔལ་ལྡན་ལྷ་མོ་དབྱངས་ཅན་མ། །འཇིག་རྟེན་ཁམས་འདིར་སྨྲ་ལ་དབང་བརྙེས་ཤེས། །དྲང་སྲོང་རིག་གསུམ་རིག་པའི་ཕ་རོལ་གཤེགས། །དེ་ནི་སྤྱོད་པ་རྒྱ་ཆེན་རྣམས་ལས་བྱུང་། །སེམས་ཅན་དོན་ཕྱིར
229b6 ཕྲིན་ལས་ཆེན་པོའི་ཁུར། །སྤྲོ་བར་དཀའ་བ་ཀུན་ཀྱང་ཁྱོད་ཀྱིས་མཛད། །ས་དང་ཕ་རོལ་ཕྱིན་པ་བཅུ་སྤྱད་པས། །དགེ་བའི་ཚོགས་བརྟན་ཡིད་བཞིན་ལུས་སུ་བསྒྱུར། །ཞལ་གྱི་དཀྱིལ་འཁོར་ཟླ་བ་དྲི་མེད་རྒྱས། །ཐུགས་རྗེའི་སྤྱན་གསལ་འགྲོ་བའི་མིག་འབྱེད
229b7 པ། །དུས་རིང་འཇིག་རྟེན་ཀུན་ལ་བདེ་བར་གཟིགས། །དེ་ལ་ལྷ་དབང་ཚངས་ཚོགས་ཤིན་ཏུ་འདུད། །བྱམས་ཤིང་བཟོད་ལྡན་སྙིང་རྗེ་སྐྱེད་པའི་མ། །ལྷ་མོ་མཆོག་སྟེ་འགྲོ་ཀུན་སྐྱོང་བར་དགྱེས། །ཐོར་ཚུགས་རི་བོ་རྩེ་འདྲ་སྤོབས་པ་འཕགས། །ཤེས་རབ་ཟབ་ཅིང
iiif viewer powered by OpenSeadragon
