| e-texts navigator |
| Wylie |
188a1 རིགས་ཀྱི་བུ་སེམས་ཅན་གང་དག་སྡིག་པ་ཀུན་ཏུ་སྤྱོད་པ་དང་། བཟའ་བ་དང་། བཏུང་བ་དང་། བྲོ་གར་ལ་མངོན་པར་དགའ་བ་དང་། མི་སྡུག་པ་ལ་སྡུག་པར་འདུ་ཤེས་པ་དང་། འདོད་པ་དང་། ཁྲོ་བ་དང་། གནོད་སེམས་མང་བ་དང་། མི་བདེ་བ་ལ་བདེ་བར་འདུ་ཤེས་པ
188a2 དང་། མཚོན་ཆ་དང་། སྤྱོ་བ་དང་། བསྡིགས་པ་དང་། རྡེག་པ་ལ་མངོན་པར་དགའ་བ་དང་། ཤེས་པར་མི་འགྱུར་བ་དང་། ཡིད་ལ་བྱེད་པར་མི་འགྱུར་བ་དེ་དག་ནི་སྡིག་པའི་ལས་ཀྱི་གཞི་དེ་དང་། མི་ཤེས་པ་དེས་མི་དགེ་བའི་བཤེས་གཉེན་གྱིས་ཡོངས་སུ་ཟིན་ཅིང་རྒ་བ་དང་། ན
188a3 བ་དང་། མྱ་ངན་དང་། འཆི་བས་ཡོངས་སུ་ཟིན་པས་འཆི་བའི་ཚེ་ན་ཡོངས་སུ་གདུང་བར་འགྱུར་ཏེ། དམིགས་པ་ན་སོ་སོ་ནས་དུར་ཁྲོད་དང་འདྲ་བ་ཁོ་ནར་མཐོང་ཞིང་། དགེ་བའི་སེམས་བསྐྱེད་པར་ཡང་མི་འགྱུར་ལ། དད་པ་མི་ཕྱེད་པ་ཐོབ་པར་ཡང་མི་འགྱུར་ཏེ། དེ་དག་དེ་ནས
188a4 ཤི་འཕོས་ནས་ཀྱང་། སྡུག་བསྔལ་དག་ཉམས་སུ་མྱོང་བར་འགྱུར་བས་ན་ལུང་བསྟན་པའི་དགེ་བའི་རྩ་བ་མེད་པ་དང་། དེ་བཞིན་གཤེགས་པ་མ་མཐོང་བ་དང་། ལུང་བསྟན་པ་མ་ཐོབ་པ་དག་གིས་ནི་ཆོས་ཀྱི་རྣམ་གྲངས་འདི་མཉན་པ་དང་། རི་མོར་བྱ་བ་དང་། མཆོད་པར་བྱ་བ་དང་།
188a5 གཟུང་བ་དང་། ཡི་གེར་འདྲི་བ་དང་། ཡི་གེར་འདྲིར་གཞུག་པ་དང་། དད་པར་ཡང་མི་ནུས་ལ། ཆོས་སྨྲ་བ་དེ་ལ་ཡང་བསྙེན་བཀུར་བྱ་བ་དང་། བླ་མར་བྱ་བ་དང་། རི་མོར་བྱ་བ་དང་། མཆོད་པར་བྱ་བར་ཡང་མི་ནུས་སོ། །རིགས་ཀྱི་བུ་གང་དུ་ཆོས་ཀྱི་རྣམ་གྲངས་འདི་རབ་ཏུ་སྤྱོད
188a6 པར་འགྱུར་བའི་ཡུལ་དེར་ནི་དེ་བཞིན་གཤེགས་པའི་མཛད་པ་འབྱུང་བར་འགྱུར་རོ། །དེ་ནས་ཇི་ལྟར་ལྷགས་པའི་འཁོར་དེ་དག་གིས་བཅོམ་ལྡན་འདས་ལ་ལེགས་སོ་ཞེས་བྱ་བ་གསོལ་ཏོ། །བཅོམ་ལྡན་འདས་ལེགས་སོ་ལེགས་སོ། །བཅོམ་ལྡན་འདས་བདག་ཅག་གིས
188a7 ཀྱང་ཆོས་སྨྲ་བ་དེ་དང་། ཆོས་ཉན་པ་དེ་དག་ལ་དེ་བཞིན་གཤེགས་པའི་མཛད་པས་བསྙེན་བཀུར་བགྱི། བླ་མར་བགྱི། རི་མོར་བགྱི། མཆོད་པར་བགྱི་ཞིང་བདེ་བའི་ཡོ་བྱད་ཐམས་ཅད་ཀྱང་ཉེ་བར་བསྒྲུབ་པར་བགྱི་ལགས་སོ། །ཆོས་ཀྱི་རྣམ་གྲངས་འདི་ཡང་རྒྱས་པར་བགྱི།
iiif viewer powered by OpenSeadragon
