| e-texts navigator |
| Wylie |
187b1 ཀྱིས་བཀའ་སྩལ་པ། རིགས་ཀྱི་བུ་ངས་དང་པོ་སེམས་བསྐྱེད་པ་ནས་ཉེ་བར་བཟུང་སྟེ། སྦྱིན་པའི་ཕ་རོལ་ཏུ་ཕྱིན་པ་དང་། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་དང་། ཤེས་རབ་ཀྱི
187b2 ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱས་པ་གང་ཡིན་པ་དང་། མགོ་དང་། ལག་པ་དང་། རྐང་པ་དང་། མིག་དང་། ལུས་དང་། སྡུག་པའི་བུ་དང་། བུ་མོ་དང་། ཆུང་མ་དང་། བྲན་དང་། བྲན་མོ་དག་ཡོངས་སུ་བཏང་བར་གྱུར་པ་གང་ཡིན་པ་བསོད་ནམས་མངོན་པར་འདུ་བྱ་བ་དང་། དགེ
187b3 བའི་རྩ་བ་མངོན་པར་འདུ་བྱ་བ་སྔ་མ་འདི་ནི། ཆོས་ཀྱི་རྣམ་གྲངས་འདི་ལ་མཆོད་པ་བྱེད་པ་དང་། བསྙེན་བཀུར་བྱེད་པ་དང་། ཡི་གེར་འདྲི་བ་དང་། ཡི་གེར་འདྲིར་འཇུག་པ་དང་། ཀློག་པ་དང་། འཛིན་པའི་བསོད་ནམས་མངོན་པར་འདུ་བྱ་བ་དང་། གཞན་དག་ལ་ཡང
187b4 ཡང་དག་པར་སྟོན་པར་བྱེད་པའི་བསོད་ནམས་མངོན་པར་འདུ་བྱ་བ་གང་ཡིན་པ་དང་། ཆོས་སྨྲ་བ་དེ་དག་ལ་ཡང་མཆོད་པ་བྱེད་པ་དང་། བསྙེན་བཀུར་བྱེད་པའི་བསོད་ནམས་མངོན་པར་འདུ་བྱ་བ་གང་ཡིན་པ་དེའི་བརྒྱའི་ཆར་ཡང་ཉེ་བར་མི་འགྲོའོ། །རིགས་ཀྱི་བུ་ངས་ཀུན་ཆུབ་པར
187b5 བྱས་ཤིང་། བཤད་པའི་ཆོས་དེ་དག་ཐམས་ཅད་ལ་བསྙེན་བཀུར་བྱེད་པ་དང་། བླ་མར་བྱེད་པ་དང་། རི་མོར་བྱེད་པ་དང་། མཆོད་པ་བྱེད་པ་དང་། བསྙེན་བཀུར་བྱས་ཏེ་ཡི་གེར་འདྲི་བ་དང་། ཡི་གེར་འདྲིར་འཇུག་པ་གང་ཡིན་པ་དེ་བས་ནི་གང་ཞིག་ཆོས་ཀྱི་རྣམ་གྲངས་འདི་ཡི
187b6 གེར་འདྲི་བ་དང་། ཡི་གེར་འདྲིར་འཇུག་པ་དང་། ཀློག་པ་དང་། མཆོད་པ་བྱེད་པ་དང་། ཡང་དག་པར་སྟོན་པར་བྱེད་པ་དང་། ཉན་པར་བྱེད་ན་དེ་ལས་བསོད་ནམས་མངོན་པར་འདུ་བྱ་བ་ཆེས་མང་དུ་ཡོངས་སུ་སྡུད་པར་འགྱུར་ཏེ། དེས་ན་དེ་བཞིན་གཤེགས་པས་བླ་ན་མེད་པ་ཡང
187b7 དག་པར་རྫོགས་པའི་བྱང་ཆུབ་ཏུ་ལུང་སྟོན་ཏོ། །དེ་ཅིའི་ཕྱིར་ཞེ་ན། ཆོས་ཀྱི་རྣམ་གྲངས་འདི་ཉན་པ་དང་། འཛིན་པ་དང་། འཆང་བ་དང་། ཀློག་པ་དང་། མཆོད་པ་དང་། ཡི་གེར་འདྲི་བ་དང་། ཡི་གེར་འདྲིར་འཇུག་པའི་བསོད་ནམས་ནི་དེ་ལྟར་དཀའ་བ་ཡིན་པའི་ཕྱིར་རོ། །
iiif viewer powered by OpenSeadragon
