| e-texts navigator |
| Wylie |
186a1 དུ་བཅོམ་ལྡན་འདས་ཀྱིས་བདག་ལ་རྗེས་སུ་གནང་བ་སྩོལ་ཅིག་དང་། བདག་གིས་ཆོས་སྨྲ་བ་དང་། ཆོས་ཉན་པ་དེ་དག་གི་དོན་དུ་ཉན་པ་རྣམས་དང་། རི་མོར་བགྱིད་པ་རྣམས་དང་། མཆོད་པར་བགྱིད་པ་རྣམས་དང་། འཛིན་པར་བགྱིད་པ་རྣམས་ཀྱི་རེ་བ་ཐམས་ཅད་ཡོངས
186a2 སུ་རྫོགས་པར་བགྱིད་པ། བྱང་ཆུབ་སེམས་དཔའ་རྣམས་ཀྱི་དམ་བཅའ་བའི་ཕྱག་རྒྱ་དག་སྩལ་བར་བགྱིའོ། །ན་མཿསརྦ་ཏ་ཐཱ་ག་ཏཱ་ནཱ་ན། སརྦ་བོ་དྷི་ས་ཏྭཱ་ནཱ་ན། ཨར་ཧཱ་ཏཱ་ན། ཏདྱ་ཐཱ། ཨོ~ཾ་བཛྲ་དྷ་ར། བཛྲ་ཀཱ་ཡ། བཛྲ་བ་ལ། བཛྲ་ཏེ་ཛ། ཧཱུ~ཾ་ཧཱུ~ཾ། བཛྲ་པཱ་ཎི། ཏ་ཐཱ་ག་ཏ་ཨཱ་ཛྙཱ་མ་པ་ལཱ
186a3 ཡ། སྨ་ར་པྲ་ཏི་ཛྙཱ་མ། སརྦ་བྱཱ་དྷཱི་ན་སརྦ་པཱ་བཱ་ན་ནཱ་ཤ་ཡ། དེ་ཧི་མེ། ཡ་ཐཻ་བ་སི་ཏ་མ་བ་ར་མ། ཡ་ན་ཡ་མེ་བ་ཨ་བྷི་པྲཱ་ཡ་ན་ཡཱ་ཙ་མི་ཏན་ཏ་མེ་བ་ས་མྲྀ་དྷ་ཏུ། ཧེ་ཧེ། ཏུ་རུ་ཏུ་རུ། ཨཱ་གཙྪ་ཨཱ་གཙྪ་མཱ་བི་ལམ་བ། དརྵ་ཡ། བཛྲ་ཀཱ་ཡ་མ། དརྵ་ཡ། བཛྲ་ཀཱ་ཡ་མ། བུད་དྷ་ཨ
186a4 དྷིཥྛཱ་ནེ་ན་སྭཱ་ཧཱ། གཟུངས་འདི་བརྗོད་པ་ན་ས་ཆེན་པོ་འདི་མཐོ་བ་དང་དམའ་བར་གྱུར་ཏོ། །གནོད་སྦྱིན་དང་། སྲིན་པོ་ཐམས་ཅད་ཀྱང་རབ་ཏུ་དངངས་སོ། །ལྷ་ཐམས་ཅད་དང་། མི་དང་མི་མ་ཡིན་པའི་བར་དག་ཀྱང་ངོ་མཚར་དུ་གྱུར་ནས་སེམས་ཅན་ཆེན་པོར་རབ་ཏུ་གྲུབ་པར་བྱེད
186a5 པའི་གཟུངས་ཀྱི་གསང་སྔགས་གཞི་འདི་དག་བཤད་པ་ནི་ལེགས་སོ་ལེགས་སོ་ཞེས་བྱ་བ་བྱིན་ནོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་གང་ལ་ལ་ཞིག་བྱང་ཆུབ་སེམས་དཔའི
186a6 སའམ། ནོར་དང་། འབྲུ་དང་། ལོངས་སྤྱོད་ཀྱི་དབང་ཕྱུག་གམ། རྒྱལ་སྲིད་ཀྱི་དབང་ཕྱུག་གམ། རིག་སྔགས་འཆང་བ་ཉིད་དམ། ཚེ་དང་། སྟོབས་དང་། མདོག་དང་། བརྩོན་འགྲུས་དང་། ཚེ་རིང་པོ་ཉིད་འཚལ་བ་དེས་སྔ་ནས་བསྙེན་པར་བགྱིས་ལ་དགུང་ཟླ་ཡར
186a7 གྱི་ངོ་ཚེས་བརྒྱད་ལ་ཙནྡན་དཀར་པོ་ལས་རྡོ་རྗེ་འཛིན་པ་རྟ་གད་དུ་དགོད་ཅིང་རྒྱན་ཐམས་ཅད་ཀྱིས་བརྒྱན་པ། སྙིང་གར་སྐུ་གདུང་སྩལ་བ། སྐུ་གདུང་དང་བཅས་པའི་རྡོ་རྗེ་འཛིན་པ་རིག་སྔགས་འཆང་ཡང་དག་པར་དབུགས་འབྱིན་པར་བགྱིད་པ་བགྱིས་ལ། གཙང་མས་བདུག་སྤོས
iiif viewer powered by OpenSeadragon
