| e-texts navigator |
| Wylie |
185a1 གེར་འདྲི་བ་དང་། ཡི་གེར་འདྲིར་འཇུག་པའི་རིགས་ཀྱི་བུ་དང་། རིགས་ཀྱི་བུ་མོ་དག་ནི་ཡོན་ཏན་དེ་དག་ཐམས་ཅད་ཐོབ་པར་འགྱུར་རོ། །དེ་ནས་དེའི་ཚེ་ས་ཆེན་པོ་འདི་རྣམ་པ་དྲུག་ཏུ་རབ་ཏུ་གཡོས་པ་དང་། ཇི་ལྟར་ལྷགས་པའི་འཁོར་དེ་དག་གིས་ཀྱང་དེ་བཞིན་གཤེགས་པའི
185a2 སྐུ་ལ་མེ་ཏོག་དང་། བདུག་སྤོས་དང་། སྤོས་དང་། མེ་ཏོག་ཕྲེང་དང་། ཕྱེ་མ་དང་། བྱུག་པ་དང་། རས་བཅོས་བུ་ཟུང་དག་གསོལ་ཏེ། ལེགས་སོ་ཞེས་བྱ་བ་གསོལ་ནས། བཅོམ་ལྡན་འདས་ལེགས་སོ་ལེགས་སོ། །གཟུངས་ཀྱི་གསང་སྔགས་གཞི་དེ་དག་གང་ལགས།
185a3 བཅོམ་ལྡན་འདས་ཀྱིས་བཀའ་སྩལ་པ། ན་མཿསརྦ་ཏ་ཐཱ་ག་ཏཱ་ནཱ་ན། ཏདྱ་ཐཱ། བུད་དྷེ། སུ་བུད་དྷེ། བུད་དྷ་མ་ཏེ། ལོ་ཀེ་བི་ལོ་ཀེ་ལོ་ཀ་། ཏི་ཀྲཱན་ཏེ། སཏྭ་ཨ་བ་ལོ་ཀི་ནི། སརྦ་ཏ་ཐཱ་ག་ཏ་ཨ་དྷིཥྛཱ་ན་ཨ་དྷིཥྛི་ཏེ། སརྦ་ཨཱ་ཤ་པ་རི་པཱུར་ཎེ། དྱུ་ཏི་ན་དྷ་རེ། ན་ར་དེ་བ
185a4 པཱུ་ཛི་ཏེ། ཏ་ཐཱ་ག་ཏ་ཛྙཱ་ན་ད་དེ། ཏ་ཐཱ་ག་ཏ་ཨ་དྷིཥྛཱ་ནེ་ན། སརྦ་ལོ་ཀ་མ་སུ་ཁཱི་བྷ་བ་ཏུ། པཱུརྦ་ཀརྨ་ཀྵཱ་པ་ཡ་ཏུ། རཀྵ་བྷ་བ་ཏུ། སརྦ་ཡེ་བྷྱསྟ་ཐཱ་ག་ཏ། ཨ་དྷིཥྛཱ་ནེན་སྭཱ་ཧཱ། ཀྱེ་རིགས་ཀྱི་བུ་དག་གཟུངས་ཀྱི་གསང་སྔགས་གཞི་འདི་དག་ནི་དེ་བཞིན་གཤེགས་པ་སུམ་ཁྲིས་གསུངས
185a5 ཤིང་བྱིན་གྱིས་བརླབས་པ་ཡིན་ནོ། །ངས་ཀྱང་ད་ལྟར་སེམས་ཅན་ཐམས་ཅད་ཀྱི་དོན་དང་། ཕན་པ་དང་། བདེ་བ་དང་། བསྲུང་བ་དང་། བསྐྱབ་པ་དང་། སྦ་བ་དང་། ནད་ཐམས་ཅད་རབ་ཏུ་ཞི་བར་བྱ་བ་དང་། སངས་རྒྱས་ཀྱི་ཞིང་དུ་སྐྱེ་བར་བྱ་བའི་ཕྱིར་བཤད་དེ། གྲོགས་པོ་དག
185a6 གང་ལ་ལ་ཞིག་འདི་སྙམ་དུ་བདག་གིས་ཇི་ལྟར་ན་དེ་བཞིན་གཤེགས་པས་གསུངས་པའི་ཡོན་ཏན་དེ་དག་ཐམས་ཅད་འཐོབ་པར་འགྱུར་སྙམ་དུ་སེམས་པ་དེས་ནང་པར་སྔར་ལངས་ཏེ། སེམས་ཅན་ཐམས་ཅད་ལ་སྙིང་བརྩེ་བའི་སེམས་དང་། སྙིང་རྗེའི་སེམས་དང་། བྱམས་པའི་སེམས
185a7 དང་། ཕྲག་དོག་དང་། ང་རྒྱལ་དང་། འཆབ་པ་དང་། ཁྲོ་བ་ཡོངས་སུ་སྤངས་པའི་སེམས་དང་། རྩེ་གཅིག་པའི་སེམས་ཀྱིས་སངས་རྒྱས་དང་བྱང་ཆུབ་སེམས་དཔའ་རྣམས་ལ་མཆོད་པ་ཤིན་ཏུ་རྒྱ་ཆེར་བྱས་ལ་ཕྱོགས་བཅུའི་དེ་བཞིན་གཤེགས་པ་ཐམས་ཅད་ལ་ཕྱག་བྱས་ཏེ། གང
iiif viewer powered by OpenSeadragon
