| e-texts navigator |
| Wylie |
182a1 ཕྲག་དུ་མ་དག་གི་རེ་བ་ཐམས་ཅད་ཡོངས་སུ་རྫོགས་པར་འགྱུར་ཞིང་ཡེ་ཤེས་ཆེན་པོ་ཡང་འཐོབ་པར་འགྱུར་གྱིས། རིགས་ཀྱི་བུ་དེའི་ཕྱིར་ཁྱེད་ཀྱིས་སེམས་ཅན་ཐམས་ཅད་ལ་སྙིང་རྗེ་སྐྱེད་ལ། ཕན་པ་དང་། བདེ་བ་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ
182a2 ལ་དགོད་པར་བྱ་བའི་བར་གྱི་ཕྱིར། དེ་བཞིན་གཤེགས་པ་ལ་ཡོངས་སུ་ཞུས་ཤིག་།རིགས་ཀྱི་བུ་ཕྱི་མའི་དུས་ཕྱི་མའི་ཚེ་ན་སེམས་ཅན་སྡིག་པ་བྱེད་པ། དབུལ་བ། ཉམ་ཆུང་བ། ལུས་མདོག་ངན་པ། རྒ་བ་དང་ན་བས་ཡོངས་སུ་གཟིར་བ། ལོངས་སྤྱོད་ཆུང་བ་ལུས་ཡོངས་སུ་མ
182a3 བསྒོམས་པ། ཚེ་ཐུང་བ། བློ་ཆུང་བ། འདོད་ཆགས་དང་། ཞེ་སྡང་དང་། གཏི་མུག་གིས་ཡོངས་སུ་གཟིར་བ་དག་འབྱུང་བ་ཡོད་དེ། རིགས་ཀྱི་བུ་དེ་དག་གི་དོན་དུ་ཆོས་བསྟན་པར་བྱ་བའི་ཕྱིར། དེ་བཞིན་གཤེགས་པ་ལ་གསོལ་བ་ཐོབ་ཤིག་དང་། རིགས་ཀྱི་བུ་དེའི་ཕྱིར་ཁྱོད་ཀྱིས་ཡུན་རིང་པོར་སེམས
182a4 ཅན་རྣམས་ཀྱི་དོན་དང་། ཕན་པ་དང་། བདེ་བ་དང་། ནད་ཐམས་ཅད་རབ་ཏུ་ཞི་བར་བྱ་བ་དང་། སྡིག་པ་ཐམས་ཅད་བཟློག་པར་བྱ་བ་དང་། སྡིག་པ་ཐམས་ཅད་རབ་ཏུ་ཞི་བར་བྱ་བ་དང་། རེ་བ་ཐམས་ཅད་ཡོངས་སུ་རྫོགས་པར་བྱ་བ་དང་། བླ་ན་མེད་པའི་ཡོངས་སུ་མྱ་ངན་ལས་འདའ་བའི
182a5 བར་དག་བྱས་པར་འགྱུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་ཕྱོགས་བཅུར་རྣམ་པར་བལྟས་ཏེ། དེ་བཞིན་གཤེགས་པ་བྱེ་བ་ཕྲག་གང་གཱའི་ཀླུང་གི་བྱེ་མ་སྙེད་དག་ཡིད་ལ་བྱས་ནས། བཅོམ་ལྡན་འདས་ག་ལ་བ་དེ་ལོགས
182a6 སུ་ཐལ་མོ་སྦྱར་བ་བཏུད་དེ། ལན་གསུམ་བསྐོར་བ་བྱས་ནས་ཡན་ལག་ལྔས་ཕྱག་འཚལ་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་སླད་མའི་དུས་སླད་མའི་ཚེ་ན་སེམས་ཅན་རྒ་བ་དང་། ན་བ་དང་། འཆི་བ་དང་། མྱ་ངན་གྱིས་ནོན་པར་གྱུར་པ།
182a7 དུས་མ་ལགས་པར་འགུམ་པས་ཡོངས་སུ་གཟིར་བ། ཉམ་ཆུང་བ། མདོག་ངན་པ། ཚེ་ཐུང་བ། ལོངས་སྤྱོད་ཆུང་བ། ལུས་ཡོངས་སུ་མ་བསྒོམས་པ་དག་འབྱུང་བར་མཆིས་ཏེ། དེ་དག་ནི་སེར་སྣ་དང་། འཆལ་པའི་ཚུལ་ཁྲིམས་ཀྱི་སེམས་ཀྱིས་གཅིག་ལ་གཅིག་འགུམ་པར་འགྱུར
iiif viewer powered by OpenSeadragon
