| e-texts navigator |
| Wylie |
138a1 སྙེད་ཀྱི་སྔ་རོལ་ན་དེ་བཞིན་གཤེགས་པ་པདྨ་བརྒྱའི་སྤྱན་གཙུག་གིས་ཆགས་པའི་དུས་འཇོམས་པའི་འོད་ཟེར་གྱི་རྒྱལ་པོ་ཞེས་བགྱི་བ་བྱུང་སྟེ། བདག་དྲང་སྲོང་དུ་གྱུར་པས་དེ་བཞིན་གཤེགས་པ་དེ་ལས་འདི་མནོས་ལགས་ཏེ། ཐོས་མ་ཐག་ཏུ་ཕྱོགས་བཅུའི་དེ་བཞིན
138a2 གཤེགས་པ་ཐམས་ཅད་མངོན་དུ་གྱུར། མི་སྐྱེ་བའི་ཆོས་ལ་བཟོད་པ་ཡང་ཐོབ་སྟེ། དེ་ལྟར་བདག་གི་སྙིང་པོ་འདི་ནི་གཅེས་སྤྲས་བགྱིད་པ་ལགས་སོ། །དེ་ལྟར་ལགས་པས་རིགས་ཀྱི་བུའམ་རིགས་ཀྱི་བུ་མོ་དད་པ་དང་ལྡན་པས་གུས་པར་བགྱིས་ལ་སྙིང་པོ་འདི་བརྗོད་པར་བྱའོ། །
138a3 གཞན་ཡིད་ལ་མི་བགྱིད་པར་རྟག་ཏུ་བརྗོད་པར་བགྱིའོ། །ནང་པར་ལངས་ནས་བརྒྱ་རྩ་བརྒྱད་བཏོན་ན་ཚེ་འདི་ལ་ཡོན་ཏན་བཅུ་ཡོངས་སུ་འཛིན་པར་འགྱུར་ཏེ། བཅུ་གང་ཞེ་ན། བྲོ་ནད་མ་མཆིས་པར་འགྱུར་བ་དང་། དེ་བཞིན་གཤེགས་པ་ཐམས་ཅད་ཀྱིས་ཡོངས་སུ་གཟུང་བར
138a4 འགྱུར་བ་དང་། དེས་བསྒྲིམ་མི་འཚལ་བར་ནོར་དང་འབྲུ་དང་དབྱིག་རྣམས་རྙེད་པར་འགྱུར་བ་དང་། དགྲ་ཐམས་ཅད་ཁུགས་ཤིང་ཐུལ་བར་འགྱུར་བ་དང་། རྒྱལ་པོའི་ཚོགས་རྣམས་གསོང་པོར་སྨྲ་བར་སེམས་པར་འགྱུར་བ་དང་། ལུས་ལ་དུག་གིས་མི་ཚུགས་པ་དང་། དབྱིག་དུག
138a5 གིས་མི་ཚུགས་པ་དང་། རིམས་ཀྱིས་མི་ཚུགས་པ་དང་། མཚོན་གྱིས་མི་ཚུགས་པར་འགྱུར་བ་དང་། ཆབ་ཀྱིས་འགུམ་པའི་དུས་བགྱིད་པར་མི་འགྱུར་བ་དང་། ཞུགས་ཀྱིས་འགུམ་པའི་དུས་བགྱིད་པར་མི་འགྱུར་བ་དང་། དུས་མ་ལགས་པར་འགུམ་པས་འགུམ་པའི་དུས
138a6 བགྱིད་པར་མི་འགྱུར་བ་ལགས་སོ། །གཞན་ཡང་ཡོན་ཏན་བཞི་ཡོངས་སུ་འཛིན་པར་འགྱུར་ཏེ། འགུམ་པའི་དུས་ཀྱི་ཚེ་དེ་བཞིན་གཤེགས་པ་མཐོང་བར་འགྱུར་བ་དང་། ངན་སོང་རྣམས་སུ་སྐྱེ་བར་མི་འགྱུར་བ་དང་། ཡ་ང་བ་མ་སྤངས་པས་འགུམ་པའི་དུས་བགྱིད་པར་མི
138a7 འགྱུར་བ་དང་། འདི་ནས་ཤི་འཕོས་ནས་ཀྱང་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་བ་ལགས་སོ། །བཅོམ་ལྡན་འདས་བདག་གིས་དྲན་ལགས་ཏེ། འདི་ནས་བསྐལ་པ་གང་གཱའི་ཀླུང་བཅུའི་བྱེ་མ་སྙེད་དག་གི་སྔ་རོལ་གྱི་ཡང་ཆེས་སྔ་རོལ་ན་དེ་བཞིན་གཤེགས་པ
iiif viewer powered by OpenSeadragon
