| e-texts navigator |
| Wylie |
95b1 ཆར་འབེབས་ཆུན་འཕྱང་སྒྲེང་། །དེ་རྗེས་རིག་འཛིན་མ་ལུས་དང་། །འཇིག་རྟེན་སྐྱོང་བས་རབ་བསྐོར་ནས། །ཁྲོ་རྒྱལ་བྱོན་ནས་གསུང་སྙན་གྱིས། །ཅི་འདོད་བུ་ཁྱོད་གསུང་བར་འགྱུར། །རིག་འཛིན་རྒྱལ་པོ་མི་སྣང་སོགས། །ཅི་འདོད་པར་ནི་སྨྲ་བར་བྱ། །འགྲུབ་ནས་བརྒྱད་གཉིས་ཆ་བྱད་ཅན། །
95b2 རྒྱན་བཟང་ལག་ན་རལ་གྲི་ཐོགས། །ལྷ་ཡི་བཞོན་པ་ལ་བཅིབས་ནས། །རིག་འཛིན་ཚོགས་མང་ལྷན་ཅིག་ཏུ། །སངས་རྒྱས་ཞིང་མང་ཕྱིན་པའི་ཚེ། །རྒྱལ་སྲས་རྣམས་ཀྱིས་ཕྱག་བྱས་ནས། །མཆོད་པ་ཆེན་པོ་ཐོབ་འགྱུར་ཏེ། །བསྐལ་པ་དུ་མར་ཚེ་གནས་འགྱུར། །ུཏྤལ་སྔོན
95b3 པོ་ལིག་བུ་མིག་། རུ་རྟ་ཟངས་སྣོད་རིལ་བུ་གཞག་།ཟླ་བ་གཟས་ཟིན་པར་བཟླས་ནས། །མིག་བསྐུས་འདོད་པའི་ཁམས་གསལ་འགྱུར། །བདག་ནི་སུས་ཀྱང་མི་མཐོང་ངོ་། །གནམ་ལྕགས་རྡོ་རྗེ་སོར་བཅུ་དྲུག་།ངོས་གཉིས་རྩེ་གསུམ་དབྱིབས་ཅན་ཏེ། །ཙནྡན་དམར་དང་དྲི
95b4 བྱུག་། ཆོ་འཕྲུལ་ཚེས་གཉིས་ཉ་ཡི་བར། །མཆོད་ཅིང་བཟླས་ན་ཐ་མར་ནི། །མར་མེ་བརྒྱ་སོགས་ཀྱིས་མཆོད་དེ། །ཀུ་ཤ་ཁྲེས་ཀྱི་སྟེང་འདུག་ནས། །རྡོ་རྗེ་ལག་གཉིས་གཟུང་མ་ཐག་།དུད་འཐུལ་འོད་དུ་འབར་ནས་ཀྱང་། །འཁོར་བཅས་རིག་པ་འཛིན་པ་ཡི། །འཁོར་ལོས་སྒྱུར
95b5 བ་ཐོབ་པར་འགྱུར། །འཁོར་ལོ་བདུན་སོགས་མཚོན་ཆ་དང་། །གསེར་དང་མལ་ལྷམ་ཚངས་སྐུད་སོགས། །དགོས་པ་ཐམས་ཅད་དེ་ལྟར་སྒྲུབ། །སྔོན་གྱི་ཚུལ་དུ་དངོས་གྲུབ་འབྱུང་། །ཚེས་གཅིག་ཉིན་པར་སྐུ་གཟུགས་ཀྱི། །མཐེ་བོར་ཛ་ཏི་སྔགས་བརྗོད་བརྡེག་།སྟོང་ཕྲག་བརྒྱད
95b6 ཀྱིས་མཐེ་བོ་ལས། །འོད་ཟེར་ཕྱུང་ནས་རེག་མ་ཐག་།དབུ་སྐྲ་ལྕང་ལོ་འཁྱིལ་གྱུར་ནས། །འཁོར་བཅས་རིག་འཛིན་རྒྱལ་པོ་འཐོབ། །སུས་ཀྱང་མི་ཐུབ་ལུས་གྲུབ་འགྱུར། །ཚེ་ནི་བསྐལ་པའི་བར་དུ་གནས། །ས་ལ་པད་འདབ་བརྒྱད་པ་བྲི། །བུམ་པ་སྐུད་པ་ནག་པོས་དཀྲི། །ཙནྡན་གྱིས
95b7 བྱུགས་དྲིས་ཀྱང་དགང་། །པདྨའི་སྟེང་བཞག་པད་སྟེང་འདུག་།སྟོང་ཕྲག་བརྒྱད་བཟླས་ས་གཞི་གས། །པདྨར་སྣང་ཞིང་ས་གཞིར་སྣང་། །ཆུ་དེས་གཏོར་ལ་ཁྲུ་གང་བརྐོ། །བླངས་པས་བསྐལ་བའི་ཚེ་ཚད་འཐོབ། །གྲོག་མཁར་ས་ལ་སེང་གེ་བྱ། །གིའུ་ཝང་གིས་བྱུགས་དཀྱིལ་འཁོར
iiif viewer powered by OpenSeadragon
