| e-texts navigator |
| Wylie |
94b1 སྤོང་བ་དང་། །ཉེས་མཛད་གྲོགས་གཅུགས་མཐུན་འདོད་དང་། །མུ་གེ་དགྲ་ཆོམ་བྲལ་བདེ་དང་། །ཟས་སྐོམ་གོས་རྒྱན་ལོངས་སྤྱོད་རྟག་།བདེ་བསྐྱེད་དཔལ་འབྱོར་ཐོབ་པ་དང་། །མྱུར་དུ་སངས་རྒྱས་འདོད་པ་ཡི། །གསང་སྔགས་ཐབས་ལ་མྱུར་བརྩོན་བསྒྲུབས། །ཇི་ལྟར་དུས
94b2 གསུམ་མགོན་པོ་རྣམས། །བྱང་ཆུབ་ཏུ་ནི་ངེས་མཛད་པའི། །བྱང་ཆུབ་སེམས་ནི་བླ་མེད་པ། །དམ་པ་བདག་གིས་བསྐྱེད་པར་བྱ། །སྡོམ་པ་ཡི་ནི་ཚུལ་ཁྲིམས་དང་། །དགེ་བའི་ཆོས་ནི་སྡུད་པ་དང་། །སེམས་ཅན་དོན་བྱེད་ཚུལ་ཁྲིམས་གསུམ། །དེང་ནས་མཆོག་ཏུ་བརྟན་པར་བཟུང་། །འགྲོ
94b3 ལ་ལྷག་པའི་སེམས་བསྐྱེད་ནས། །བླ་མ་ལ་ནི་ཡོན་ཕུལ་ཞུ། །ཡིད་བཞིན་ནོར་འདྲ་བླ་མེད་སྐུ། །ཞི་བ་སངས་རྒྱས་གོ་འཕང་ཐོབ། །སྲོག་གཅོད་རྐུ་མི་ཚངས་སྤྱོད། །མྱོས་བྱེད་འཐུང་དང་གླུ་གར་རོལ། །རྒྱན་བྱུག་མལ་ཆེན་མཐོ་བ་དང་། །ཕྱི་དྲོ་ཁ་ཟས་སྤངས་པ་སྟེ། །བརྒྱད་དང་བཅུ
94b4 གཅིག་བཅོ་ལྔ་དང་། །ཁྱད་པར་དུ་ནི་གནམ་སྟོང་ལ། །དལ་འབྱོར་ཐོབ་པ་ཤིན་ཏུ་དཀོན། །སངས་རྒྱས་བསྟན་པ་ཤིན་ཏུ་དཀོན། །སྡོམ་པ་བླངས་ནས་སྲོག་བཞིན་དུ། །གཡེང་མེད་བསྡམས་ཏེ་བསྲུང་བར་བྱ། །གསུམ་ལ་རྟག་ཏུ་སྐྱབས་འགྲོ་བྱ། །ལྷ་མི་བདེ་ལྡན་ལུས་ཐོབ་ནས། །དམྱལ་བ་དུད་འགྲོ་ཡི
94b5 དགས་གནས། །ཐོབ་ནས་སྤང་དཀའ་དེ་དག་ནི། །ནམ་ཡང་ཐོབ་པར་མི་བྱའོ། །བདག་ནི་དཔའ་བོ་རལ་གྲི་འཆང་། །གསང་བའི་འཁོར་ལོ་སྦྱོར་བྱེད་པས། །བཀའ་ལས་འདས་པའི་གདུག་ཅན་རྣམས། །དུམ་བུ་ཕྱེ་མར་འགས་པར་འགྱུར། །སློབ་མ་གཟུང་ཕྱིར་ཐོག་མར་ནི། །བསྙེན་པས་སྔགས་ཀྱི་མཐུ
94b6 བསྐྱེད་བྱ། །ལོངས་སྤྱོད་འཕེལ་ཕྱིར་གཏོར་མ་གཏང་། །བསོད་ནམས་འདོད་ཕྱིར་མཆོད་པ་བརྩོན། །བླ་མ་ཐོས་བསམ་སྒོམ་ལ་གནས། །གཏོང་ཕོད་དུལ་ཞིང་ཆོས་སྤྱོད་མཁས། །ནད་མེད་བཟོད་དེས་སྙིང་རྗེ་ཆེ། །སྔགས་སྒྲུབ་བརྩོན་དཔའ་ཤེས་རབ་ཅན། །བརྟགས་ནས་སློབ་མ་ལྔ་འམ་བདུན། །དད་བརྩོན
94b7 ཞི་དུལ་བླ་མ་བཀུར། །སྡིག་འཇིགས་ནད་མེད་དབང་པོ་ཚང་། །དབྱིབས་སྡུག་སྙིང་རྗེར་ལྡན་པ་གཟུང་། །འཕགས་པ་རྡོ་རྗེ་ཁྲོ་བོའི་རྒྱལ་པོའི་རྟོག་པ་བསྡུས་པའི་རྒྱུད་ལས་སྐྱེ་བོ་གཟུང་བའི་ཐབས་ཀྱི་ལེའུ་སྟེ་དྲུག་པའོ།། །།དེ་ནས་ཡང་དག་བཤད་བྱ་བ། །རིག་འཛིན་པ་ཡི་དངོས་གྲུབ་ཆེ། །གཞན་དུ་མེད
iiif viewer powered by OpenSeadragon
