| e-texts navigator |
| Wylie |
92a1 གསུམ་སྲིད་པའི་རྒྱལ་པོར་འགྱུར། །ོཾ་ས་མ་ཡ་གྷཎྚ་བཛྲ་ཨ་བྷི་ཥིཉྩ་ཧཱུཾ། ཨོཾ་སྙིང་རྗེ་ཤེས་རབ་དབྱེར་མེད་རྒྱ། །གང་གིས་ཐོས་པ་ནང་གི་སུ། །དེ་ཡི་མིང་མཚན་བདག་པོར་འགྱུར། །རྟག་པའི་ངང་གནས་བླང་བར་མཛོད། །ོཾ་བཛྲ་ནཱ་མ་ཨ་བྷི་ཥེ་ཀ་ཏ། ཐོག་མཐའ་མེད
92a2 པའི་སེམས་དཔའ་ནི། །རྡོ་རྗེ་སེམས་དཔའ་དགའ་བ་ཆེ། །ཀུན་ཏུ་བཟང་པོ་ཀུན་བདག་ཉིད། །རྡོ་རྗེ་སྙེམས་བདག་བདག་མཛོད་ཅིག་།སངས་རྒྱས་ཀུན་གྱི་དྲིལ་བུ་རྒྱ། །ཤེས་རབ་དབྱངས་ཀྱི་རྗེས་འགྲོར་བཤད། །རྟག་ཏུ་ཁྱོད་ཀྱིས་བཟུང་བྱས་ན། །བྱང་ཆུབ་མཆོག་ཐོབ་རྒྱལ་བས
92a3 གསུངས། །ོཾ་ཤེས་རབ་རལ་གྲི་བླ་ན་མེད། །གང་གིས་འཆང་བ་རྒྱལ་འགྱུར་ཏེ། །བདུད་ཀྱི་དཔུང་ནི་གཤེགས་ནས་ཀྱང་། །མཁའ་ལ་ཡེ་ཤེས་འོད་འབར་འགྱུར། །ོཾ་སརྦ་ཏ་ཐཱ་ག་ཏཱ་བཛྲ་ཛྙཱ་ན་ཁཌྒ་ཨ་བྷི་ཥིཉྩ་ཧཱུཾ། ཨ་རྡོ་རྗེ་ཞགས་པ་ཐུགས་རྗེ་ཅན། །ཉོན་མོངས་སྲིད་པའི་སྡོང་པོ
92a4 རྣམས། །ཐབས་ཀྱི་ཞགས་པས་བཅིངས་ནས་ཀྱང་། །སྲིད་པའི་འཆིང་བ་ལས་གྲོལ་མཛོད། །ོཾ་སརྦ་ཏ་ཐཱ་ག་ཏཱ་བཛྲ་པཱ་ཤེ་ན་ཨ་བྷི་ཥིཉྩ་ཧཱུཾ། དབང་དང་རྗེས་གནང་མ་ཐོབ་ཅིང་། །དམ་ཚིག་སྡོམ་པ་མི་ལྡན་ལ། །བླ་མ་མཉེས་པར་མི་བྱེད་ན། །སྒྲུབ་པ་འབྲས་མེད་ངན་སོང་འགྲོ། །
92a5 ལོག་ལྟ་ཅན་གང་བླ་མ་འཚེ། །དམྱལ་བའི་གནས་སུ་འགྲོ་བར་ངེས། །འདིར་ཉམས་པས་ནི་ནད་ཡམས་དང་། །དགྲ་བོ་མུ་གེས་རྟག་ཏུ་འཚེ། །དཀྱིལ་འཁོར་ས་གཞི་ཉམས་དགའ་བ། །ཆུ་ཀླུང་མཚོ་འགྲམ་རི་ལྗོངས་དང་། །འབྲས་བུ་མེ་ཏོག་སྐྱེད་མོས་ཚལ། །ཀུན་དགའ་ར་བ་ཁང
92a6 མཆོག་། བཞི་མདོ་རི་སུལ་ཤིང་གཅིག་དྲུང་། །ཕྱུགས་ལྷས་ཁང་བརྩེགས་གླང་ཆེན་བྲེས། །གཙུག་ལག་ཁང་དང་དགོན་པ་དང་། །ཆུ་གླིང་མཚེའུ་འགྲམ་ནེའུ་གསིང་དུ། །བསྙེན་དང་དབང་བསྐུར་བྱེད་པ་དང་། །དུར་ཁྲོད་སོགས་སུ་ལས་རྣམས་བསྒྲུབ། །ལས་ཀྱི་དཀྱིལ་འཁོར་ཁྲུ
92a7 གང་སྟེ། །དབང་གི་དཀྱིལ་འཁོར་ཆེན་པོ་ལ། །ཐུབ་པའི་དཀྱིལ་འཁོར་གྲུ་བཞི་པ། །ཡང་ན་དྲུག་གམ་བརྒྱད་ཀྱང་བྱ། །གཞན་ནི་ཁྲུ་གསུམ་ཚད་དུ་བྱ། །ཡང་ན་ལྔའམ་བདུན་དུ་བྱ། །གཟའ་ཡི་དཀྱིལ་འཁོར་ཁྲུ་གཉིས་ཏེ། །ཡང་ན་ཕྱེད་དང་གསུམ་པར་བྱ། །ཀུན་དུ་བཞི་ཆ་ཕོ་བྲང
iiif viewer powered by OpenSeadragon
