| e-texts navigator |
| Wylie |
91b1 མ་ལུས་པ། །སྲེག་ཅིང་ཕྱེ་མ་རྡུལ་དུ་རློག་།སྙིང་ནང་སྙིང་པོ་བསྟན་པ་ནི། །འོད་འབར་འོད་ཀྱིས་སྡིག་པའི་ཚོགས། །དུ་མ་རྣམས་ཀྱང་ཟད་པར་མཛད། །ལུས་ངག་ཡིད་བརྟན་འཁོར་ལོ་སྔགས། །ོཾ་དང་ཨཱཿདང་ཧཱུཾ་སྦྱོར་གྱིས། །དཔལ་འཕེལ་དབང་ཕྱུག་བསྐྱེད་པ་དང་། །གོ་ཆ་ཆེན་པོ
91b2 བསྐོན་པར་བྱེད། །ན་མ་སྟྲཻ་ཡ་དྡྷཱི་ཀཱ་ནཱཾ། ཏ་ཐཱ་ག་ཏཱ་ནཱཾ་ཧཾ། གོ་ཆ་ཆེན་པོའི་གསང་སྔགས་འདི། །རྒྱལ་སྲས་རྣམས་ཀྱང་འདར་འགྱུར་ན། །བགེགས་རྣམས་སྲེག་པ་སྨོས་ཅི་དགོས། །ས་མ་ཡ་སྟྭཾ་ཨ་ཧཾ་གིས། །ཡེ་ཤེས་ལྷ་དང་འབྲེལ་པར་བྱ། །རྒྱལ་བས་དབང་བསྐུར་སྦྱོར་བས་ནི། །
91b3 ཡེ་ཤེས་དབུ་རྒྱན་བརྟག་པར་བྱ། །གཙོ་ལ་མི་བསྐྱོད་དབུ་རྒྱན་ཅན། །འཁོར་ཀུན་མི་གཡོས་རྒྱས་གདབ་བྱ། །བདག་ཉིད་ཡི་གེར་བྱས་ནས་སུ། །མེ་གཟུགས་ཤིན་ཏུ་ཕྲ་བས་ནི། །མཚན་མོ་དུས་སུ་ཉམས་པར་བྱ། །སྡང་བ་ཧཱུཾ་གི་སྒྲ་ལས་སོ། །འཕགས་པ་རྡོ་རྗེ་ཁྲོ་བོའི་རྒྱལ་པོའི
91b4 རྟོག་པ་བསྡུས་པའི་རྒྱུད་ལས་ལྷ་འབྱུང་བའི་ལེའུ་སྟེ་ལྔ་པའོ། ། །།དེ་ནས་ཡང་དག་བཤད་བྱ་བ། །སྔགས་སྤྱོད་ཚུལ་གྱི་ཆོ་ག་ཉོན། །དད་པ་དང་ཡང་མི་ལྡན་ཞིང་། །བྱང་ཆུབ་སེམས་ཀྱང་མ་བསྐྱེད་དེ། །དབང་བསྐུར་རྗེས་གནང་མ་ཐོབ་ལ། །སྡོམ་ཚུལ་དམ་ཚིག་བྲལ་བའི་མི། །
91b5 གསང་སྔགས་རང་ཉིད་ལེན་པ་ནི། །བྱིས་པ་ལྕགས་བསྲེགས་མིད་པ་འདྲ། །ཐོག་མ་མེད་སྒྲིབ་བཀྲུ་བའི་ཕྱིར། །རྡོ་རྗེ་སློབ་དཔོན་འདི་སྐད་བརྗོད། །ོཾ་སྔགས་མཆོག་ཏིང་འཛིན་རྣམ་དག་ཆུ། །བསྐལ་པ་དུ་མར་བསགས་པ་ཡི། །སྡིག་པའི་ཚོགས་རྣམས་དག་གྱུར་ནས། །རང་བཞིན་དག
91b6 པའི་སེམས་སུ་བྱེད། །ོཾ་སརྦ་ཏ་ཐཱ་ག་ཏ་བཛྲ་ཨ་དྷིཥྛཱ་ན་ཀཱ་ཡ་བཱ་ཀ་ཙིཏྟ་བི་ཤོ་དྷ་ན་ཨ་བྷི་ཥིཉྩ་ཧཱུཾ། ཨོཾ་སངས་རྒྱས་ཀུན་གྱིས་རབ་བསྔགས་པའི། །རིན་ཆེན་སྔགས་ལས་བྱུང་བ་ཡི། །དབུ་རྒྱན་ལྷ་རྫས་ཅོད་པན་འདིས། །དབང་བསྐུར་རིན་ཆེན་མཆོག་ཏུ་འགྱུར། །ོཾ་བཛྲ་དྷ་ར་ཤྲཱི་བཛྲ་ས་མ་ཡ་སྟྭཾ་ཨ་ཧཾ། རཏྣ
91b7 མུ་ཀུ་ཊ་ཨ་བྷི་ཥིཉྩ་ཧཱུཾ། རྡོ་རྗེ་ཆེན་པོ་བླ་ན་མེད། །བཟུང་བས་ཕྱོགས་ལས་རྒྱལ་གྱུར་ཏེ། །རྡོ་རྗེ་ལྟ་བུར་བརྟན་བྱེད་པས། །ཁྱོད་ཀྱིས་ཀྱང་ནི་རྟག་ཏུ་ཟུང་། །ོཾ་སརྦ་བཛྲ་ཨ་བྷི་ཥཉྩི་ཧཱུཾ། དྲིལ་བུ་དབྱངས་སྙན་བླ་ན་མེད། །སྐུ་ཡི་རྡོ་རྗེ་རབ་བསྐྱེད་པས། །ཁྱོད་ཀྱིས་ཀྱང་ནི་རྟག་ཏུ་ཟུང་། །ཁམས
iiif viewer powered by OpenSeadragon
