| e-texts navigator |
| Wylie |
91a1 ན་རའི་རྒྱན་བཅས་འཇིགས་བྱེད་སྐུ། །གྱེན་སྐྲ་ཁ་སྤུ་གྱོན་སེར་དམར། །པདྨ་ཟླ་བའི་སྟེང་དུ་ནི། །མེ་ཡི་ནང་བཞུགས་རྡོར་དྲིལ་འཆང་། །རྣམ་སྣང་འཛིན་དང་གཉིས་དང་པོ། །བཞི་པའི་ལྔ་པ་དེའི་གསུམ་པ། །ལྔ་པའི་ལྔ་པ་བདུན་པའི་བཞི། །མེ
91a2 ཡི་ས་བོན་དགུག་པས་མནན། །བདུན་པའི་དང་པོ་གསུམ་པ་ཡིན། །གསུམ་པས་བཏེག་གོ་ཧཱུ~ཾ་ཕཊ་བཅས། །གསང་སྔགས་རྒྱལ་པོ་བླ་མེད་འདི། །དགོས་པ་ཐམས་ཅད་འགྲུབ་པ་དང་། །ཁྱད་པར་དུ་ནི་འབྱུང་པོ་སེལ། །ཀླུ་འདུལ་བ་ནི་དཀར་པོ་ཆེ། །ནམ་མཁའ
91a3 ལྡིང་གི་ཆ་བྱད་ཆེ། །གྲུབ་པའི་གཏེར་གྱི་དོན་དུ་ནི། །སེར་པོ་འོད་དང་ལྡན་པ་ཡི། །དམར་པོ་དག་ནི་ལྗང་ནག་དག་།དྲག་པོའི་གདོན་རྣམས་སེལ་བ་དང་། །ཚེ་རིང་བ་ལ་ཤིས་པའོ། །ལྷག་པ་བསྐྱེད་པའི་སྐུ་མཆོག་ནི། །འབྱུང་བར་གྱུར་པ་དེ་མ་ཐག་།ས་སྟེང་ཐམས་ཅད
91a4 མུན་ནག་འཁྲིགས། །བདུད་རྣམས་ཐམས་ཅད་རབ་ཏུ་ཚིག་།ཡེ་ཤེས་མེ་འོད་ཆེན་པོ་འདི། །བཟོད་པར་སླ་ལ་གཅིག་མ་མཆིས། །བགེགས་ཆེན་ལོག་པར་འདྲེན་པ་རྣམས། །དོགས་པའི་སེམས་ཀྱི་ཐག་རིང་འབྲོས། །གསང་སྔགས་ཡི་གེ་ཧཱུ~ཾ་སྒྲ་ཅན། །གློག
91a5 འཁྲུག་པ་ཡི་འོད་ཟེར་འདྲ། །ཀླད་པར་ཡི་གེ་ཧ~ཾ་གི་གཟུགས། །གྲུ་གསུམ་མེ་ཡི་གཟུགས་བརྙན་ཅན། །འོད་དམར་ཚལ་པ་རབ་འཐོར་བས། །བགེགས་ཚོགས་སྲེག་ཅིང་བྲོས་པར་བྱེད། །བོང་བུ་རྔ་མོ་ཁྱི་སྤྲེའུ་གཟུགས། །རོ་ལངས་མ་ལུས
91a6 ཐམས་ཅད་ཀུན། །ཧ་ཧ་བརྗོད་ཅིང་བྲོས་པར་བྱེད། །རླུང་གིས་གཡེངས་པའི་རྡུལ་དང་མཚུངས། །གྱེན་ཐུར་ཧཱུ~ཾ་གི་འཕྲོ་འདུ་དང་། །ཁྲོ་བཅུ་ས་བོན་ཡི་གེ་ཧཱུ~ཾ། །མེ་དང་རླུང་གི་ཚུལ་དུ་འབར། །མངོན་སུམ་རྩཝ་ལ་མེ་བཞིན་དུ། །སྙིང་གི་ཧཱུ~ཾ་གིས་འདས
91a7 ནས་ཀྱང་། །ཀླད་པའི་ཧཱུ~ཾ་གིས་སྲེག་པར་བྱེད། །འོད་དང་ཕྱག་རྒྱ་ལྷ་ཡི་སྐུ། །བསྐྲད་དང་བཅིང་དང་མྱོས་བྱེད་བསམ། །སེང་གེ་དང་ནི་གླང་ཆེན་འབྲུག་།དྲག་པོའི་སྒྲ་སྐད་ཅི་འདྲ་བར། །རྩ་བའི་གསང་སྔགས་ཟློས་པ་ནི། །བགེགས་དང་ལོག་འདྲེན
iiif viewer powered by OpenSeadragon
