| e-texts navigator |
| Wylie |
90b1 ཚོགས་དུར་ཁྲོད་རྒྱན་རྣམས་ནི། །རྩུབ་ཅིང་བློ་ལྡན་རབ་ཏུ་ཁྲོས། །ན་བཟའ་རློན་པ་ཁྲག་ཅན་ནི། །སྟེང་གི་ཁྱམས་སུ་ཡོད་པར་མཛད། །ཧ་ཧ་ཧཱུཾ་ཧཱུཾ་ཕཊ་ཕཊ་ཀྱི། །ངར་སྐད་འབྲུག་སྒྲ་སྤྱུགས་གླུ་ནི། །རི་རབ་འབུམ་བསྙིལ་ཆལ་ཆོམ་ལྟར། །ལུས་རབ་ལྟོས་འགྲོས
90b2 བརྒྱན་པ་ནི། །གཟི་ལྡན་འཁྱུད་ཅིང་ཕུཊ་སྒྲ་འདོན། །འཕྲོ་འདུ་འོད་ཀྱི་དཀྱིལ་འཁོར་ནི། །ཉི་འབུམ་དུས་མེའི་བསྐལ་པ་འདྲ། །རབ་གདུག་མཚོན་ཆ་དུ་མ་ནི། །ལྷ་མིན་དུས་ཀྱི་འཁྲུག་པའི་ཆ། །ཁྲོ་བོ་ཁྲོ་མོའི་ཚོགས་འབྱུང་བ། །ཐམས་ཅད་ཡི་གེ་ཧཱུཾ་སྒྲ་ཅན། །
90b3 མ་མོ་དང་ནི་མཁའ་འགྲོ་རྣམས། །བྷྱོ་ཡིག་དྲག་པོའི་བདག་ཉིད་ཅན། །ཐུབ་པ་ཡི་གེ་མུ~ཾ་ལས་བསྐྱེད། །རྒྱལ་སྲས་རིག་མ་ཉན་ཐོས་དང་། །འཇིག་རྟེན་སྐྱོང་རྣམས་སྔགས་འདིས་བསྐྱེད། །ན་མཿསརྦ་ཏ་ཐཱ་ག་ཏེ་བྷྱཿ། ས་པ་རི་པཱུ་ར་ཀེ་བྷྱཿ། སརྦ་ཐཱ། ཨོཾ་སརྦ་སཾ་སྐ་ར
90b4 པ་རི་ཤུདྡྷེ། དྷརྨ་ཏེ་ག་ག་ན་ས་མུད་ག་ཏེ་སྭ་བྷཱ་བ་པ་རི་ཤུདྡྷེ། མ་ཧཱ་ན་ཡ་པ་རི་ཝཱ་རེ་སྭཱ་ཧཱ། རང་གི་ལུས་ལ་སེམས་བཅུག་ནས། །སྡིག་པ་ཐམས་ཅད་རབ་ཏུ་ཞི། །ངང་ཚུལ་བཟང་པོར་ཡང་དག་བྱུང་། །རིག་པར་གྱུར་པའི་སེམས་ལྡན་ནས། །དྲང་སྲོང་རྫུ་འཕྲུལ
90b5 ཅན་དུ་འགྱུར། །གཞན་ཡང་སྡུག་བསྔལ་ཞི་ནུས་ན། །རང་གི་བདེ་ཐོབ་སྨོས་ཅི་དགོས། །རང་རང་རིགས་ཀྱི་ལྷ་རྣམས་ཀྱི། །གཟུགས་བརྙན་ཕྱག་མཚན་ཁ་དོག་ནི། །དཀྱིལ་འཁོར་རམ་ནི་རིས་མ་ལས། །གསུང་བ་ཇི་ལྟར་བསྒོམ་པར་བྱ། །དེ་ནས
90b6 མི་གཡོ་ཁྲོ་བོ་ཆེ། །རྡོ་རྗེ་འཛིན་པ་ཕྱག་འཚལ་ནས། །དག་ཅིང་གསལ་ལ་སྙན་པ་ཡིས། །ཚིག་གི་ཡང་ནི་འདི་གསོལ་ཏོ། །རྡོ་རྗེ་འཛིན་པ་བཅོམ་ལྡན་འདས། །གཏུམ་མོ་མཚན་ཉིད་རབ་ལྡན་པའི། །ང་ཡི་མཚན་ཉིད་ཁྱོད་བཤད་ནས། །དེ་ཚེ་རྡོ་རྗེ
90b7 འཛིན་རྒྱལ་པོས། །གཏུམ་མོའི་ཆ་བྱད་ལྡན་བྱས་ནས། །རང་གཟུགས་སྔགས་དང་བཅས་པ་ཡིས། །གསང་ཆེན་བརྡ་འདི་བཀའ་སྩལ་ཏོ། །དག་པའི་སེམས་ཉིད་ཧཱུཾ་རྡོ་རྗེ། །མཐིང་གའི་མདོག་ལས་རྡོ་རྗེ་འཛིན། །མཐིང་ག་བརྐྱང་བསྐུམ་ཁྲོ་སེམས་ཅན། །
iiif viewer powered by OpenSeadragon
