| e-texts navigator |
| Wylie |
88a1 དྲག་བརྗོད་བརྗིད་གནོན་རྒྱ། །རྐང་གཉིས་པུས་འཁྱུད་ལག་པ་གཉིས། །གྲུ་མོ་བསྒྱུར་ན་ཐིག་གིས་མནན། །བགེགས་བསྐྲད་ཕྱིར་ནི་འབྲུ་ཚུགས་བལྟ། །རྩེ་གཅིག་རྡོ་རྗེ་སྟབས་སུ་བཅད། །རྐང་པ་གཡས་གཡོན་རེས་ཀྱིས་བསྐོར། །ལྷོ་བྱང་གཡོན་ཏེ་ཤར་ནུབ་གཡས། །
88a2 བརྐྱང་ཞིང་དྲག་ཏུ་བརྡབ་པར་བྱ། །རྒྱབ་ནས་དྲང་དང་ཐོ་བ་དང་། །རྡོ་རྗེ་དང་ནི་ཞགས་པའི་རྒྱ། །ཕྱོགས་བཞིར་བྱ་སྟེ་འཁོར་ལོའི་སྟབས། །ཕྱག་རྒྱ་དང་ནི་སྟང་སྟབས་ཀྱིས། །ཕྱོགས་སྐྱོང་རྣམས་ཀྱང་སྐྲག་བྱེད་ན། །འབྱུང་པོའི་ཚོགས་འཇོམས་སྨོས་ཅི་དགོས། །ཐམས་ཅད་དབང
88a3 དུ་སྡུད་པར་བྱེད། །དེ་ནས་ཕྱོགས་བཅུ་བཅིང་བ་ཡི། །རྐང་སྟབས་ཁྱད་པར་བཤད་པར་བྱ། །ཤར་དུ་རྐང་པ་མཉམ་པ་ཡིས། །རྡོ་རྗེ་ཐལ་མོ་གྱེན་དུ་བརྡེག་།ལྷོར་ནི་རྐང་རྟིང་སྤྲད་དེ་ག་དང་། །ཧཱུཾ་སྒྲོགས་ཐལ་མོ་མདུན་རྒྱབ་སྦྱར། །ནུབ་ཏུ་རྐང་སྤྲད་ལག་པ་གཉིས། །སོ་སོར་སྡིགས
88a4 མཛུབ་གྱེན་དུ་བརྐྱང་། །བྱང་དུ་རལ་གྲིའི་ཕྱག་རྒྱ་དང་། །རྐང་པ་ཡ་གཅིག་ས་ལ་བསྒྲེང་། །ཁུ་ཚུར་མཛུབ་སྦྱར་དཔྲལ་བར་བཟློག་།རྐང་གཉིས་མཉམ་བྱས་རེས་ཀྱིས་ཕྱར། །མཆེ་གཙིགས་ཧཱུཾ་སྒྲགས་ཁྲོ་གཉེར་བལྟ། །བྱང་ཤར་ཐིག་ལེར་གྲགས་པའི་རྒྱ། །ཁུ་ཚུར་མཐེའུ
88a5 ཆུང་མཆེ་བའི་རྒྱ། །རྐང་པ་རེས་བཏེག་ཤར་ལྷོར་ཕྱེ། །ལྷོ་ནུབ་རྐང་གཉིས་རེས་ཀྱིས་བརྡབ། །ཞགས་པས་འདེབས་དང་རལ་གྲིས་གཅོད། །ནུབ་བྱང་རྐང་གཉིས་བརྡབ་པ་དང་། །ལག་གཉིས་མཐེབ་སྤྲད་འཁོར་ལོ་བསྐོར། །ཡང་ན་ཚེ་གཅིག་ཕྱག་རྒྱས་གདབ། །
88a6 སྟང་སྟབས་ཐམས་ཅད་ཧ་ཧཱུཾ་སྒྲོགས། །དེ་ནས་རིག་སྔགས་བཟློག་པ་ཡི། །ཕྱག་རྒྱ་ཆོ་ག་བཤད་པར་བྱ། །ཁུ་ཚུར་གུང་མོ་བརྐྱང་རྩེ་སྤྲད། །མཛུབ་གཉིས་དེ་ཡི་འགྲམ་དུ་བཅང་། །སྔགས་དང་ཕྱག་རྒྱ་ཐམས་ཅད་ཀྱིས། །ལྷ་ཀླུ་སྲིན་པོ་གནོད་སྦྱིན་དང་། །མཁའ
88a7 འགྲོ་འབྱུང་པོ་མི་མ་ཡིན། །གསོད་དང་སྐྲོད་དེ་མེ་ལྟར་མཛད། །འཕགས་པ་རྡོ་རྗེ་ཁྲོ་བོའི་རྒྱལ་པོའི་རྟོག་པ་བསྡུས་པའི་རྒྱུད་ལས་སྔགས་དང་ཕྱག་རྒྱའི་ལེའུ་སྟེ་གསུམ་པའོ།། །།བླ་ན་མེད་པའི་རས་རིས་སྐུ། །ཆོ་ག་དེ་ནས་བཤད་པར་བྱ། །བྲིས་སྐུ་འདོད་པས
iiif viewer powered by OpenSeadragon
