| e-texts navigator |
| Wylie |
83a1 ཅན་རྣམས་ཀྱི། །ལྐོག་ཏུ་གྱུར་པ་གསང་བ་སྟེ། །བསྐལ་པ་བསམ་ཡས་དཔག་མེད་དུ། །བསླབ་དཀའ་ཡངས་ཟབ་རྒྱ་ཆེན་རྣམས། །སྔགས་དང་ཕྱག་རྒྱ་ཏིང་འཛིན་དུ། །ལུས་ངག་ཡིད་ལ་གང་གནས་པ། །དབྱེར་མེད་ཚུལ་དུ་སྐྱོབ་པས་ན། །སངས་རྒྱས་ཀུན་གྱིས
83a2 སྔགས་སུ་བརྗོད། །མཚན་དང་དཔེ་བྱད་ལྡན་པའི་སྐུ། །ཡོན་ཏན་མཐའ་དག་རྫོགས་པ་ནི། །བདེན་པ་གཉིས་ལ་གནས་པ་ཡི། །བྱང་ཆུབ་སེམས་དཔའ་རྣམས་ཀྱི་མགོན། །ལ་ལ་འཁོར་ལོས་སྒྱུར་བའི་གཟུགས། །ལ་ལར་དགེ་སྦྱོང་ཆེན་པོའི་གཟུགས། །ལ་ལར་སྲིན་པོ
83a3 སྲིན་མོའི་གཟུགས། །ལ་ལར་འགྲོ་བ་བཟང་པོའི་གཟུགས། །ཆོས་ཀྱི་འཁོར་ལོ་བསྐོར་བ་དང་། །སེང་གེ་ལྟར་གཟིགས་མཛད་ལ་སོགས། །སྣ་ཚོགས་དུ་མ་མཛད་པ་ནི། །རྐང་གཉིས་ལྷ་མིན་རྣམ་གཉིས་སོགས། །འགྲོ་བའི་མགོན་པོར་གྱུར་པའོ། །རྟག་དང་འདྲ
83a4 དང་ངེས་མེད་པའི། །གཙོ་བོ་བསམ་པས་གྱུར་པ་རྣམས། །འཇིག་རྟེན་ཕལ་པའི་མགོན་པོ་སྟེ། །གཟུགས་བྱད་ཁ་དོག་ཐ་དད་པ། །ཡུལ་དུས་རྣམ་པའི་བྱེ་བྲག་གིས། །གྲངས་མ་བྱུང་བ་མཆོད་འོས་སོ། །ཐུབ་པས་གསུངས་པའི་དེ་མ་ཐག་།རྡོ་རྗེ་ཅན་གྱིས་བཞེངས
83a5 ནས་ཀྱང་། །ཕྱག་འཚལ་བསྐོར་བ་བྱས་ནས་ནི། །སྤྱན་སྔར་འདུག་ནས་འདི་སྐད་གསོལ། །འདྲེན་པ་གཙོ་བོ་བཅོམ་ལྡན་འདས། །སྔགས་ཞེས་པ་ནི་གང་གང་ཡིན། །ཕྱག་རྒྱ་ཞེས་ནི་ཅི་ལྟ་བུ། །ཏིང་འཛིན་ཞེས་ནི་ཇི་ལྟར་བཤད། །ལུས་ངག་ཡིད་ལ་ཇི་ལྟར་གནས། །
83a6 དབྱེར་མེད་ཚུལ་དུ་ཇི་ལྟར་སྐྱོབ། །བདག་ལ་ཕན་པའི་དོན་ཕྱིར་དང་། །གཞན་ལ་བརྩེ་ཕྱིར་བཤད་དུ་གསོལ། །དེ་ནས་རྒྱལ་བ་གཙོ་མཆོག་ནི། །ལྗགས་ཀྱི་དབང་པོ་བཀྲམ་བྱས་ཏེ། །ཚངས་པ་ཆེན་པོའི་གསུང་སྙན་གྱིས། །རྣམ་རྟོག་ཟད་ཕྱིར་འདི་གསུངས་སོ། །སྙིང་པོ་ཉེ
83a7 སྙིང་རྩ་བའི་སྔགས། །ལས་ཀྱི་སྔགས་སུ་གྱུར་པ་སྟེ། །སྙིང་པོ་བརྗོད་དང་ས་བོན་ནོ། །ཉེ་སྙིང་ཡེ་ཤེས་མཆོག་དང་ནི། །གསང་བའི་སྙིང་པོ་ཞེས་གྲགས་སོ། །ལས་ཀྱི་སྔགས་ནི་གཉིས་ཡིན་ཏེ། །བདག་ཉིད་བརྟན་བྱེད་ལས་སྔགས་དང་། །སྦྱོར་ཚོགས་གྲུབ་པར་བྱེད
iiif viewer powered by OpenSeadragon
