| e-texts navigator |
| Wylie |
67b1 པར་བྱས་སོ། །རེངས་པར་བྱས་སོ། །ཇི་ལྟར་རྫ་མཁན་གྱི་འཁོར་ལོ་བསྐོར་བའམ། ཇི་ལྟར་རྫ་མཁན་གྱི་འཁོར་ལོ་ཡོངས་སུ་བསྐོར་བ་ལྟར་མི་རྒོད་རྣམས་འདར་བར་གྱུར་ཅིག་།རེངས་པར་གྱུར་ཅིག་།མགོ་རྨོངས་པར་གྱུར་ཅིག་།མདུད་པ་མ་གྲོལ་བའི་བར་དུ་མཆི་བར
67b2 མ་གྱུར་ཅིག་། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་ཀུན་དགའ་བོ་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །ཆོ་ག་ནི་ཤིང་ཀུན་དང་། བོང་བུའི་སྤུ་བསྲེས་ཏེ། བུ་མོ་གཙང་མས་བཀལ་བའི་སྲད་བུ་ལ
67b3 ལན་ཉི་ཤུ་རྩ་གཅིག་བཟླས་བརྗོད་བྱའོ། །ཡང་ན་གོས་ཀྱི་མཐའ་མ་ལ་མདུད་པ་བོར་ཏེ། བདེ་བར་ཕྱིན་ནས་དགྲོལ་བར་བྱའོ། །འདི་ནི་གྲུབ་པའོ། །འཕགས་པ་མི་རྒོད་རྣམ་པར་འཇོམས་པ་ཞེས་བྱ་བའི་གཟུངས་རྫོགས་སོ།། །།
67b4 @#། །རྒྱ་གར་སྐད་དུ། ཨཱརྱ་སརྦ་ཨནྟ་ར་ས~ཾ་གྲཱ་ས་དྷཱ་ར་ཎཱི་མནྟྲ། བོད་སྐད་དུ། འཕགས་པ་བར་དུ་གཅོད་པ་ཐམས་ཅད་སེལ་བའི་གཟུངས་སྔགས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །བཅོམ་ལྡན་འདས་ཀྱིས་བྱང་ཆུབ་སེམས་དཔའ
67b5 སེམས་དཔའ་ཆེན་པོ་ཕྱག་ན་རྡོ་རྗེ་ལ་བཀའ་སྩལ་པ། ཕྱག་ན་རྡོ་རྗེ་གཟུངས་སྔགས་འདི་སུ་འཛིན་པ་དང་། འཆང་བ་དང་། བཟླས་བརྗོད་བྱེད་པ་དེ་ལ་ནི་དུག་དང་། མཚོན་གྱིས་འཆི་བ་དང་། ལྟོགས་པ་དང་། མཚོན་བརྒྱབ་པ་དང་། གཅན་གཟན་མ་རུངས་པས་ཟ་བ་དང་།
67b6 མེས་ཚིག་པ་དང་། ཆུར་འཆི་བ་དང་། འགོ་བའི་རིམས་གཞན་ཡ་ང་བ་དང་། མཛེའི་ནད་དང་། གསོར་མི་རུང་བའི་ནད་ཡ་ང་བ་དང་། གཡང་ལ་ལྷུང་བ་དང་། གཞན་གྱི་བྱད་དང་། ཟས་ཀྱིས་བརྣངས་པ་དང་། བདག་རང་གིས་གསོད་པ་དང་། དེ་ལྟར་གཤིས་ངན་དུ་འཆི་བ
67b7 བཅུ་གསུམ་གྱིས་རྐྱེན་བྱེད་པར་མི་འགྱུར་རོ། །ཕྱག་ན་རྡོ་རྗེ་གཟུངས་སྔགས་འདི་སུ་འཛིན་པ་དང་། འཆང་བ་དང་། བཟླས་བརྗོད་བྱེད་པ་དེ་ལ་ནི་ས་དང་ནམ་མཁའ་ལ་གནས་པའི་བགེགས་དྲེགས་པ་ཅན་མ་རུངས་པ་རྣམས་ཀྱིས་ཀྱང་གླགས་རྙེད་པར་མི་འགྱུར་རོ། །ཕྱག་ན
iiif viewer powered by OpenSeadragon
