| e-texts navigator |
| Wylie |
61b1 ཤྭ་ལི་ཙི་ནི་ཀུ་ཤེ་སམྦྷ་བེ་སྭཱ་ཧཱ། ཀུན་དགའ་བོ་འདི་ལྟ་སྟེ། བྱང་ཕྱོགས་ན་རིའི་རྒྱལ་པོ་གངས་ཞེས་བྱ་བ་དེ་ན་སཱ་ལའི་ཤིང་རྣམ་པར་རྒྱལ་བྱེད་ཅེས་བྱ་བ་དེའི་མེ་ཏོག་གསུམ་ཡོད་དེ། གཅིག་ནི་འཕེལ་བ་ཞེས་བྱ། གཉིས་པ་ནི་འཇམ་པ་ཞེས་བྱ། གསུམ་པ་ནི་སྐམ་པོ་ཞེས་བྱ་སྟེ། ཇི་ལྟར
61b2 དེ་བསྐམས་པ་དེ་བཞིན་དུ་སེམས་ཅན་རྣམས་ཀྱི་རླུང་གི་འབྲུམ་བུ་བསྐམས་པར་གྱུར་ཅིག་། མཁྲིས་པའི་འབྲུམ་བུ་བསྐམས་པར་གྱུར་ཅིག་།བད་ཀན་གྱི་འབྲུམ་བུ་བསྐམས་པར་གྱུར་ཅིག་།མི་གཙང་བའི་འབྲུམ་བུ་བསྐམས་པར་གྱུར་ཅིག་།ཁྲག་གི་འབྲུམ་བུ་བསྐམས་པར་གྱུར
61b3 ཅིག་། འདུས་པའི་འབྲུམ་བུ་བསྐམས་པར་གྱུར་ཅིག་།དེ་བཞིན་དུ་བདག་དང་སེམས་ཅན་ཐམས་ཅད་ཀྱི་བད་ཀན་གྱི་འབྲུམ་བུ་བསྐམས་པར་གྱུར་ཅིག་།མི་གཙང་བའི་འབྲུམ་བུ་བསྐམས་པར་གྱུར་ཅིག་།ཁྲག་གི་འབྲུམ་བུ་བསྐམས་པར་གྱུར་ཅིག་།འདུས་པའི་འབྲུམ་བུ་བསྐམས
61b4 པར་གྱུར་ཅིག་། སྣའི་འབྲུམ་བུ་བསྐམས་པར་གྱུར་ཅིག་།འཕྱང་བའི་འབྲུམ་བུ་བསྐམས་པར་གྱུར་ཅིག་།ཏདྱ་ཐཱ། ཤ་མེ་ཤ་མཱ་ནེ། ཤ་མེ་ཤ་མཱ་ནེ་སྭཱ་ཧཱ། ན་བར་མ་གྱུར་ཅིག་།རེངས་པར་མ་གྱུར་ཅིག་།སྒྲ་འབྱུང་བར་མ་གྱུར་ཅིག་།འཛག་པར་མ་གྱུར་ཅིག་།སྡུག་བསྔལ
61b5 བར་མ་གྱུར་ཅིག་། རབ་ཏུ་སྡུག་བསྔལ་བར་མ་གྱུར་ཅིག་།ཟག་པར་མ་གྱུར་ཅིག་།རབ་ཏུ་ཟག་པར་མ་གྱུར་ཅིག་།འདི་ཉིད་དུ་ཟད་པ་དང་། ཡོངས་སུ་ཟད་པ་དང་། མེད་པར་གྱུར་ཅིག་།སའི་འོག་ཏུ་སོང་ཤིག་།ན་མོ་བྷ་ག་བ་ཏེ། བུདྡྷ་ཡ་ས་ཏྱ་བཱ་ཏཱི་ན~ཾ། སིདྡྷྱནྟུ་མནྟྲ་པ་དེཿསྭཱ་ཧཱ།
61b6 བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་ཀུན་དགའ་བོ་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །དེ་ལ་ཆོ་ག་ནི་འདི་ཡིན་ཏེ། བཀླགས་པས་གྲུབ་པ་འདི་སྲད་བུ་དམར་པོ་ལ་ལན་བདུན་བཟླས་པ་བྱས་ལ། མདུད་པ་བདུན
61b7 བོར་ཏེ་མགུལ་དུ་གདགས་སོ། །འཕགས་པ་གཞང་འབྲུམ་རབ་ཏུ་ཞི་བར་བྱེད་པའི་མདོ་རྫོགས་སོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ཞུ་ཆེན་གྱི་ལོ་ཙྪ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པ།། །།
iiif viewer powered by OpenSeadragon
