| e-texts navigator |
| Wylie |
210b1 དཀར་སེར་ལྗང་ནག་དམར་ཡང་སྟོན། །རྣམ་པ་བརྒྱད་ཀྱི་དབྱིབས་ཀྱང་འབྱུང་། །འགྲོ་བ་དྲུག་པོའི་ཚུལ་ཡང་སྟོན། །ཕུང་པོ་ལྔ་ཡང་བརྗོད་པར་ནུས། །དབང་པོ་ཚིམ་བྱེད་ཡུལ་ལྔའང་སྟོན། །རྟེན་ཅིང་འབྲེལ་བའི་སྤྱོད་པ་མཁས། །ཡུལ་ཅན་རྣམས་ནི་གསོད་ལ་མཁས། །དེ
210b2 བཞིན་ངག་རྣམས་གསོད་པ་དང་། །ལུས་ཅན་རྣམས་ནི་གསོད་ལ་བརྩོན། །སེམས་ནི་གསོད་པ་མེད་ལ་མཁས། །འཁོར་བ་ལས་ནི་རིང་དུ་སོང་། །དེ་བཞིན་གཤེགས་པས་ལུང་བསྟན་ཏེ། །བྱང་ཆུབ་སེམས་དཔའི་མཚན་རྣམས་དང་། །འཇིག་རྟེན་སྐྱོང་མཛད་དཔལ
210b3 ལྡན་མ། །དམ་ཆོས་འཛིན་པ་རྣམས་ལ་བྱམས། །ོཾ་ཨཱཿཧཱུ~ཾ་ཤྲཱི་དེ་བི་ཀཱ་ལི་ས་མ་ཡ་ཛཿཌཱ་གི་ནཱ+ེ་ཌཱ་ཡ་ས་མ་ཡ་སྭཱ་ཧཱ། མིང་བརྒྱ་རྩ་བརྒྱད་གང་འཛིན་པ། །ཡོན་ཏན་བརྒྱ་རྩ་བརྒྱད་ཀྱང་འཐོབ། །དམྱལ་བའི་སྡུག་བསྔལ་མྱོང་མི་འགྱུར། །གནས་སུ་མི་སྐྱེ་ཞིང་། །
210b4 བྱོལ་སོང་སྐྱེ་བས་ཐོགས་མི་འགྱུར། །ལུས་འཕགས་གནས་སུ་སྐྱེས་པ་ན། །ཐོག་ལ་སོགས་པ་མི་འབབ་ཅིང་། །སྒྲ་མི་སྙན་དུ་རླུང་གིས་མིན། །དེ་བཞིན་བ་ལང་སྤྱོད་དུ་ཡང་། །ཆུ་དང་རླབས་ཀྱིས་ཁྱེར་མི་ནུས། །འཛམ་བུའི་གླིང་དུ་གང་སྐྱེས་པ། །སྣ་ཚོགས
210b5 གནོད་པས་ཉེན་མི་འགྱུར། །འདོད་པའི་ལྷ་རྣམས་གནས་སུ་ཡང་། །སྐྱེས་ནས་ཆོས་ལ་དགའ་བར་འགྱུར། །བསམ་གཏན་བཞི་ཡི་སྐྱེ་གནས་སུ། །ཚད་མེད་བཞི་ནི་འཕེལ་བར་འགྱུར། །གཟུགས་མེད་གནས་ནི་བཞི་པོར་ཡང་། །དོན་མེད་ན་ནི་མི་སྐྱེ་སྟེ། །འདུ
210b6 ཤེས་མེད་པར་ནམས་ཀྱང་མིན། །འཕགས་པ་བཞུགས་པའི་གནས་རྣམས་སུ། །ཁམས་གསུམ་ཚུལ་གྱིས་བདག་དོན་སྤྱོད། །རྟག་ཏུ་ཡུལ་ལ་ཆགས་མི་འགྱུར། །སེམས་ལ་འཛིན་པར་མི་བྱེད་དེ། །ཉོན་མོངས་རྩ་བ་དྲུག་པོ་དང་། །དེ་བཞིན་ཉེ་བ་ཉི་ཤུ
210b7 དང་། །མཚམས་མེད་ལྔ་ཡང་བྱང་བར་འགྱུར། །བསྐལ་པ་གྲངས་མེད་མང་པོར་ཡང་། །མི་ཁོམ་བརྒྱད་དུ་སྐྱེ་མི་འགྱུར། །མུ་སྟེགས་རྩོད་པ་བཟློག་པ་དང་། །མཐུ་སྟོབས་ཕུན་སུམ་ཚོགས་ལྡན་ཞིང་། །ཚེ་རིང་ནད་མེད་དཔལ་དང་ལྡན། །སྡུག་མེད་བསྐལ་པ་མང
iiif viewer powered by OpenSeadragon
