| e-texts navigator |
| Wylie |
210a1 དཔའ་སེང་གེའི་བརྩོན་འགྲུས་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔའ་སྲིན་མོའི་ཆ་ལུགས་ཀྱིས་འཇིག་རྟེན་པའི་དོན་མཛད་པའི་མཚན་གྱི་རྣམ་གྲངས་ཇི་ལྟ་བུ་ལགས་ཞེས་གསོལ་པ་དང་། བཅོམ
210a2 ལྡན་འདས་ཀྱིས་བྱང་ཆུབ་སེམས་དཔའ་སེང་གེ་བརྩོན་འགྲུས་ལ་དགོངས་ནས་དཔལ་ལྷ་མོ་ནག་མོ་ལ་གཟིགས་ཏེ་འདི་སྐད་ཅེས་གསུངས་སོ། །ཐོས་བསམ་སྒོམ་ལ་ཆེར་གནས་པའི། །རྒྱུ་འབྲས་རྐྱེན་གྱི་བདག་ཉིད་ཅན། །འགྲོ་ལ་ཕན་མཛད་མཁས་པའི་མཆོག་།
210a3 དཔལ་ལྡན་ལྷ་མོ་ནག་མོ་འཕགས། །བྱང་ཆུབ་སེམས་དཔའ་སྤྲུལ་པ་སྟེ། །ས་ལྟར་བརྟན་པའི་གཞིར་གྱུར་པ། །ཡོན་ཏན་སྡུད་བྱེད་ཆུ་དང་འདྲ། །བྱང་ཆུབ་སྨིན་བྱེད་མེ་ལྟ་བུ། །དགེ་བའི་འདུ་བྱེད་རླུང་ལྟར་གཡོ། །ཤེས་རབ་རྣམ་དག་ནམ་མཁའ་སྟེ། །ཁྱོད་ནི
210a4 འབྱུང་བ་ཆེན་པོ་འདྲ། །འབྱུང་པོ་ཕལ་ཆེན་རྣམས་ཀྱིས་བསྟོད། །བསོད་ནམས་ཡེ་ཤེས་རབ་བསགས་པའི། །ལས་དང་རྣམ་སྨིན་དག་ལ་མཁས། །ང་རྒྱལ་གཟུགས་ཀྱིས་འདུལ་བ་གོམས། །ཤེས་རབ་སྙིང་རྗེའི་ལམ་དུ་འགྲོ། །ཁྱོད་ནི་བུམ་པ་བཟང་ལྟ་བུ། །
210a5 དཔེར་ན་ཡིད་བཞིན་ནོར་བུའི་ཆུ། །ཀུན་ལ་ཕན་པའི་དཔག་བསམ་ཤིང་། །ཉི་མ་འདྲ་བར་ཁྱོད་ལ་གསལ། །ཟླ་ལྟར་གསལ་བའི་ཐུགས་མངའ་ཞིང་། །མིང་ནི་རི་བོང་རྭ་དང་འདྲ། །རང་གི་རྒྱུད་ནི་འཁོར་ལོ་འདྲ། །ུ་དུམ་བཱར་ལྟར་ཁྱོད་དཀོན་ཡང་། །བདུད་རྩི་ལྟ་བུར
210a6 ཡོངས་ཚིམ་མཛད། །འགྲོ་བ་ཀུན་གྱི་བདག་མོ་ལགས། །རང་བཞིན་མེད་པའི་ཆོས་ཀྱང་སྟོན། །ཆུ་དང་ནམ་མཁའི་ཚུབ་མ་ལྟར། །གདུལ་བྱའི་སྲིད་གསུམ་ཅིས་ཀྱང་འདུལ། །དུས་གསུམ་རྒྱལ་བའི་བསྟན་པ་སྐྱོང་། །དམ་པ་རྣམས་དང་ཡང་དག་གཅིག་།དམ
210a7 པ་རྣམས་ཀྱི་ལམ་དུ་འགྲོ། །ལྷ་མོ་མ་མོ་གནོད་སྦྱིན་མོ། །སྲིན་མོ་ཀླུ་མོ་ཤ་ཟ་མོ། །གདུག་མོ་འབྱུང་མོ་གྲུལ་བུམ་མོ། །དྲག་མོ་རྔམ་ཚུལ་གློག་འགྱུ་མ། །རླུང་མོ་ནག་མོ་འཇིགས་བྱེད་མ། །མཁའ་འགྲོ་གཏུམ་མོ་ཞིང་སྒྲོལ་མ། །ཞི་རྒྱས་དབང་དང་དྲག་པོས་འདུལ། །
iiif viewer powered by OpenSeadragon
