| e-texts navigator |
| Wylie |
208b1 པའི་སྦུབས་ཀྱིས་ཞལ་གྱི་ཟླ་བ་བརྒྱན་ཅིང་ཁྲག་དང་ཞག་གི་ཚོམ་བུས་ཐིག་ལེར་བརྒྱན། །མི་ཡི་ཤ་ལ་སོ་སོར་ཆེམ་ཆེམ་ཟ་ཡིན་མི་རོ་དག་གི་ཅོད་པན་མགོ་ལ་བརྒྱན་པ་སྟེ། །བདག་ལ་སྐྱོབ་པའི་དྲག་མོ་མི་ཤ་ཐོགས་པ་ཁྱོད་ནི་སྔ་ནས་མ་མཐོང་གཟོད་མཐོང
208b2 ན། །བདུད་དང་སྲིན་མོ་མ་མོ་རྣམས་ཀྱང་མིག་རྩ་རིག་རིག་དངང་ཞིང་ཁྱོད་ལ་འདུད། །ལྷ་མོ་བཟང་མོ་ལུས་མདོག་གནག་ཅིང་བཟོད་པར་དཀའ་བ་ཁྱོད་ལ་བརྒྱ་བྱིན་ལ་སོགས་པས། །བསྟོད་པ་བྱེད་པའི་གཤིན་རྗེའི་རྒྱལ་པོ་ཉིད་ཀྱང་རྟག་ཏུ་འདུད། །ལྷ་རྣམས
208b3 དང་ནི་འགྲོ་བ་མ་ལུས་འཇུག་བརྟུལ་བས་ན་རྣ་བ་ཡ་གཅིག་ལ། །བྲང་གིས་འགྲོ་བ་སྦྲུལ་མགོ་གདེངས་ཀ་སྟོང་དང་ལྡན་ཞིང་གཅིག་གིས་རྒྱབ་ནས་རྒྱན་དུ་བྱས། །ཡ་གཅིག་ལ་ནི་སེང་གེ་མཚུངས་མེད་ཐོགས་ཤིང་རྒྱ་མཚོ་བསྐོར་ཞིང་ས་གཞི་གནོན་པ་ས་སྟེང་གི། །ཕྱོགས
208b4 ནས་རྒྱུ་བའི་ཉི་མ་ཟླ་བ་ལྷ་མོ་ཁྱོད་ཀྱི་ལྟེ་ནས་འཆར་ཞིང་སྲིད་གསུམ་ཟིལ་གྱིས་གནོན། །རྒྱ་མཚོ་ཀློང་ནས་མེ་འབར་ཆུ་རྣམས་སྐེམས་པར་བྱེད་པར་ནུས་པའི་བུད་མེད་ཐམས་ཅད་ཞི་མཛད་མ། །ལྷ་ཆེན་སྐུ་དང་འཚམ་པར་བཞུགས་པའི་དཀའ་ཟློག་ནག་མོ་མི་ནད་ཕྱུགས
208b5 ནད་ཀུན་ལ་འཇིགས་པ་མེད། །མ་གཅིག་ཁྱོད་ཉིད་ལ་ནི་བདག་ནི་གུས་པར་ཕྱག་འཚལ་མཆོད་ཅིང་བསྟོད་པར་བགྱི། །དེ་ནས་དཔལ་ལྷ་མོ་ནག་མོ་ལ་བྲམ་ཟེ་མཆོག་སྲེད་ཀྱིས་ཀུན་རྫོབ་ཀྱི་བདེན་པ་བརྟེན་པར་བསྟོད་པ། མ་གཅིག་ལྷ་མོ་དཔལ་ལྷ་མོ། །
208b6 རྡོ་རྗེ་ལྷ་མོ་ནག་མོ་ཆེ། །མཐུ་ཆེན་ཁྱོད་ལ་ཕྱག་འཚལ་བསྟོད། །བདག་གིས་བཙུན་པར་ཁྱོད་བསྟོད་ཀྱིས། །བཀྲ་ཤིས་མཆོག་གྲུབ་སེམས་གཏེར་གནས། །ཡིད་མྱུར་གཟུགས་ཆེན་ཀུན་དུ་གྲགས། །མ་མོར་གྲགས་ཤིང་འཇིག་རྟེན་སྐྱོང་། །དཔའ་བརྟུལ་དྲག
208b7 སྤྱོད་བརྩོན་འགྲུས་ཆེ། །འཐབ་མོ་གཡུལ་ལས་རྟག་ཏུ་རྒྱལ། །གཤིན་རྗེའི་སྲིང་མོ་ཡིན་པར་བསྟོད། །གོས་སུ་དར་གོས་སྔོན་པོ་གསོལ། །སྡུག་དང་མི་སྡུག་ཆ་ལུགས་འཆང་། །སྤྱན་མིག་མཐོང་ན་མི་སྡུག་ཀུན་དུ་སྡང་། །དད་ཅིད་ཚོགས་པའི་མི་རྣམས་སྡུད། །
iiif viewer powered by OpenSeadragon
