| e-texts navigator |
| Wylie |
208a1 པའི་དགྲ་བོ་ལ། །ནད་ཀ་འབེབས་ཤིང་དལ་ཁ་སྒྱུར་བའི་རྟགས། །དོན་དམ་བཅུད་ཀྱི་རྟགས་སུ་ཞག་གི་ཟོར་རིས་བཏང་། །ཐུགས་རྗེ་ཆགས་པའི་རྟགས་སུ་རཀྟའི་ཐིག་ལེས་བརྒྱན། །འདུལ་བྱེད་ཕྲིན་ལས་རྟགས་སུ་ཐལ་བའི་མཚན་མས་བཏབ། །མ་མོ
208a2 འབུམ་ཕྲག་བྲན་དུ་འཁོལ་བ་ནི། །ཁམས་གསུམ་ཁྱབ་པར་ཕྲིན་ལས་མཛད་པའི་རྟགས། །མ་གཅིག་ཁ་ནས་མེ་འབར་རྒྱ་མཚོ་སྐེམས། །རྡོ་རྗེ་འཕྱར་བས་རི་རབ་ཚོགས་བོར་འཕེན། །བདག་གིས་བརྩོན་པར་ལྷ་མོ་ཁྱོད་ལ་བསྟོད། །དེ་ནས་ཡང་གཤིན་རྗེ་ནག
208a3 པོས་དཔལ་ལྷ་མོ་ལ་ཆེ་བའི་ཡོན་ཏན་གྱི་སྒོ་ནས་བསྟོད་པ། ལྷ་མོ་དཔལ་ལྡན་མཁའ་འགྲོ་ནག་མོ་ཁྱོད་ལ་ནི། །རྒྱུན་དུ་ཏིལ་མར་གྱིས་བྱུགས་ལན་བུ་གཅིག་མ་སྟེ། །རོ་ཉེ་རྣ་ཆས་བསྒྱིངས་ཤིང་ཆ་ལུགས་མང་པོ་འཆང་བྱེད་མ། །རྒྱན་དུ་རྐང་སྒྲོག་ལྕགས་ལ་བྱས་པ
208a4 གཅིག་གིས་རྐང་ལ་མཛེས་པར་བརྒྱན་པ་སྟེ། །མཚན་མོ་བོང་བུ་ཞོན་ནས་འགྲོ་བ་དེ་ནི་ནག་མོ་ཁྱོད་ཉིད་ཡིན་པར་ཤེས། །རལ་པས་བདག་ཉིད་མཛེས་པར་བརྒྱན་ཏེ་ཁྱོད་ཀྱི་སྤྱོད་པ་མཚོ་ཆེན་དོན་དག་སུ་ཡིས་ཤེས། །འཁོར་བ་འཇིག་པའི་ཚེ་ན་མི་རུས་དག་ལ་ཁྲག
208a5 དང་ཞག་འཛག་དུ་བ་ཐུལ་བ་ན། །ནག་མོ་མཆེ་བ་མི་བཟད་ཁྱོད་ཀྱི་ཞལ་དུ་འགྲོ་ཀུན་སྐད་ཅིག་ཙམ་དུ་ཞུགས་པར་འགྱུར། །ལྷ་མོ་ལག་ན་མི་ཐོད་ཐོགས་པ་ཁྱོད་ནི་རྣལ་འབྱོར་གྲུབ་པའི་རྣལ་འབྱོར་ཅན་དུ་དུར་ཁྲོད་དགྱེས། ཁྱོད་ནི་གཡོག་བཅས་མྱ་ངན་མེད་ཅིང་འཆི
208a6 བའི་འཇིགས་པ་མེད་པར་དྲིལ་བུའི་སྒྲ་ཡང་སྒྲོགས། །ཁྱོད་ནི་དཔའ་བོ་དག་གི་མགོ་བཅད་གཡུལ་དུ་མཚོན་གྱིས་བསད་པ་ཡི། །མགོ་ཕྲེང་ལག་ན་ཐོགས་ཤིང་གར་སྟབས་སྐོར་ཞིང་ལག་པ་བརྐྱང་བསྐུམ་ཆེ། །རྐུབ་ཚོས་ཆེ་ལ་ཀླུ་དབང་གཤིབས་པའི་སྐ་རགས་བཅིངས
208a7 ཤིང་ལག་ན་མདུང་དང་བ་དན་ཐོགས། །ཁྲག་གི་ཆང་གིས་ར་རོ་མྱོས་ཏེ་མིག་རྩ་དམར་པོར་བྱས་ནས་མཚན་མོ་དུར་ཁྲོད་རྒྱུ་བ་འབྱུང་པོ་ཕལ་ཆེན་ཀུན་གྱིས་མཐོང་། །རྐང་པའི་གོས་ནི་ཀོ་རློན་མཚན་པས་དྲངས་པས་སྣམ་གྱི་ཕྱེད་ནི་རེ་ལྡེས་དཀྲིས། །མི་ཡི་རྒྱུ་མ་སར
iiif viewer powered by OpenSeadragon
