| e-texts navigator |
| Wylie |
207b1 གྱིས་གནོན་པའི་རྟགས། །གཡོན་ན་སྦྲུལ་མགོའི་གདེངས་ཀ་འཕྱར་བ་ནི། །ཞེ་སྡང་མ་སྤངས་དབྱིངས་སུ་དག་པའི་རྟགས། །སྙན་ཆ་གསེར་གྱི་དྲིལ་བུ་འཁྲོལ་བ་ནི། །སངས་རྒྱས་ཀུན་ལ་བསྙེན་སྒྲུབ་བྱེད་པའི་རྟགས། །སྤྱན་རྩ་དམར་ལ་སྡང་མིག
207b2 བགྲད་པ་ནི། །སྲིད་གསུམ་རྣལ་འབྱོར་དམ་ཚིག་གཟིགས་པའི་རྟགས། །ཞལ་གྱི་དྲག་པོ་ཧོམ་ཁུང་གདེངས་པ་ནི། །བསྟན་པ་འཇིག་པའི་རུ་དྲ་སྒྲོལ་བའི་རྟགས། །རྣོ་གདུག་མཆེ་བ་ཟུར་གསུམ་གཙིགས་པ་ནི། །བསྒྲལ་བའི་ཞིང་བཅུ་ས་ལ་སྒྲོལ་བའི
207b3 རྟགས། །སྐུ་ལ་ཞིང་ལྤགས་གཡང་གཞི་གསོལ་བ་ནི། །ཡང་དག་ཆོས་དང་དོན་དང་ལྡན་པའི་རྟགས། །གླང་ཆེན་ཀོ་རློན་སྣམ་ཕྱེད་དཀྲིས་པ་ནི། །ཐེག་པ་མཆོག་གི་དོན་དང་ལྡན་པའི་རྟགས། །རེ་ལྡེ་ནག་པོ་སྣམ་ཕྱེད་དཀྲིས་པ་ནི། །འཇིག་རྟེན་འདི་ན་ཆེ་བཙན
207b4 ལྡན་པའི་རྟགས། །ལྟེ་བའི་ཁུང་ནས་ཉི་མ་འཆར་བ་ནི། །སྡུག་བསྔལ་རྒྱ་མཚོ་གཏིང་ནས་སྐེམས་པའི་རྟགས། །སྤྱི་བོ་གཙུག་ནས་ཟླ་བ་འཆར་བ་ནི། །དུག་གསུམ་མ་རིག་མུན་པ་སེལ་བའི་རྟགས། །ཞབས་ལ་དབང་གི་ལྕགས་སྒྲོག་འཁྲིལ་བ་ནི། །ཐབས
207b5 དང་ཤེས་རབ་ཟུང་དུ་འབྲེལ་བའི་རྟགས། །ཕྱག་གཡས་ཤང་ལང་ནག་པོ་བསྣམས་པ་ནི། །སྡུག་བསྔལ་སྐྱེ་ཤི་རྩད་ནས་གཅོད་པའི་རྟགས། །ཕྱག་གཡོན་ཐོད་རློན་དམར་ཆེན་འཐུང་བ་ནི། །འཁོར་བའི་སྡུག་བསྔལ་ཁྲག་ལྟར་འཐུང་བའི་རྟགས། །བོང་བུ་གྭ
207b6 པ་ཕྱིན་ཕྱོགས་ཞོན་པ་ནི། །ལོག་པར་ལྟ་བའི་སེམས་ཅན་སྒྲོལ་བའི་རྟགས། །སྲིན་པོའི་ཨོག་མས་སྔ་རུ་བྱས་པ་ནི། །སྲིན་ཡུལ་ལང་ཀ་པུ་ར་འདུལ་བའི་རྟགས། །སྦྲུལ་ནག་ཆུན་པོས་གོང་སྨེད་བྱས་པ་ནི། །ཞེ་སྡང་དབང་གིས་བགེགས་རིགས་འཇོམས་པའི
207b7 རྟགས། །རུ་སྦལ་ནག་པོའི་ཕོག་བུ་བཏང་བ་ནི། །ཀླུ་བདུད་ནག་པོ་དམ་ལ་བཏགས་པའི་རྟགས། །སྔ་ཤ་གཡས་པ་བདུད་ཀྱི་ཁྲམ་བམ་ནི། །དམ་ཚིག་ཉམས་པ་ཁྲམ་ལ་འདེབས་པའི་རྟགས། །ཕྱི་ཤར་ནད་ཀྱི་རྐྱལ་པ་བཏགས་པ་ནི། །བསྟན་པ་འདི་ལ་གནོད
iiif viewer powered by OpenSeadragon
