| e-texts navigator |
| Wylie |
206a1 རྣམ་དག་དྲག་པོའི་གཞལ་ཡས་ཁང་། །རཀྟ་ཁྲག་གི་རྒྱ་མཚོ་འཁྱིལ་པ་ལས། །ཀེང་རུས་ཐོད་ཕྲེང་ཞིང་གི་པགས་པས་བརྒྱན། །སྐུ་མདོག་གནག་ལ་རབ་འཇིགས་ཁྲོ་མོ་རྒྱལ། །སྔོན་མོ་རལ་པ་འཛིངས་མའི་སྤྲུལ་པ་འགྱེད། །སྐུ་ཡི་སྤྲུལ་པ
206a2 དཔལ་ལྡན་རེ་མ་ཛུ། །གྲུ་གསུམ་སེར་ནག་ཞལ་གྱི་དབྱིངས་སུ་བཞེངས། །ཡོན་ཏན་རྒྱས་མཛད་སེར་མོ་མཁའ་ལ་བཞད། །ཕྲིན་ལས་རྒྱས་པ་ཐམས་ཅད་ཉེ་བར་མཛོད། །གསུང་གི་སྤྲུལ་པ་དཔལ་ལྡན་རེ་མ་ཏི། །གྲུ་གསུམ་དམར་ནག་ཞལ་གྱི་དབྱིངས་ནས་བཞེངས། །
206a3 དམར་མོ་ཆེན་མོ་དམར་ཆེན་གཏུམ་མ་སྟེ། །དབང་གི་ཕྲིན་ལས་ཐམས་ཅད་གྲུབ་པར་མཛོད། །སྐུ་གསུང་ཐུགས་ལྡན་སྤྲུལ་པ་རྒྱ་མཚོ་མ། །དྲག་པོ་འཇོམས་མཛད་བདུད་དཔུང་ཟིལ་གྱིས་གནོན། །འགྲོ་དྲུག་སྒྲོལ་མཛད་སེམས་ཅན་ཀུན་གྱི་མ། །བསྟན་པ
206a4 རྒྱས་མཛད་མ་ལ་ཕྱག་འཚལ་བསྟོད། །བདག་གི་ལུས་ངག་ཡིད་གསུམ་བྱིན་གྱིས་རློབས། །དེ་ནས་དཔལ་ལྷ་མོ་ལ་ལྷ་མ་ཡིན་གྱི་རྒྱལ་པོ་ཐགས་ཟངས་རིས་ཀྱིས་དོན་དམ་པའི་སྒོ་ནས་བསྟོད་པ། སྤྲོས་བྲལ་འོད་གསལ་ཡང་དག་ཞི་བའི་ངང་། །ཐུགས་ཀྱི
206a5 ཐུགས་མཆོག་རྣམ་དག་བདེན་པའི་ཡུམ། །གདོད་ནས་གཉིས་མེད་ནམ་མཁའི་སྙིང་པོ་ནི། །དཔལ་ལྡན་ཁྱོད་ཀྱི་རང་བཞིན་ཁྱད་པར་གསལ། །འདི་ལྟར་རྣམ་དག་བརྗོད་མེད་ངོ་བོ་ལ། །བྱིས་པ་རྣམས་ཀྱིས་བསྟོད་པ་བྱེད་པ་ལྟུང་། །བླུན་པོ་རྣམས་ཀྱིས་དངོས་པོར
206a6 རབ་བརྟགས་ནས། །གཟུགས་ཅན་ཚུལ་དུ་གང་ཞིག་བསྟོད་པའི་ཚིག་།རྒྱལ་བའི་དོན་ཡང་ཐུགས་ཆུད་ཁྱོད་ཉིད་ལ། །ཚིག་དང་ཡི་གེའི་སྒོ་ནས་བསྟོད་པ་རྣམས། །ནམས་ཀྱང་གྲོལ་བར་འགྱུར་བའི་ཆོས་ཉིད་མིན། །གདོད་ནས་གཉིས་མེད་བདེ་ཆེན་མ་རྟོགས
206a7 པར། །ཁྱོད་ཀྱི་སྨོན་ལམ་རྟགས་ཀྱི་ཆོ་འཕྲུལ་ལ། །དོན་དུ་བཟུང་ནས་གང་ཞིག་བསྟོད་པ་རྣམས། །ཁྱོད་ལ་བརྟེན་ནས་ཐམས་ཅད་ལྟུང་བར་འགྱུར། །གང་ཞིག་སྐྱེ་བ་མེད་པར་ཤེས་པ་དང་། །གདོད་ནས་གཉིས་མེད་སྙིང་པོ་བསྒོམས་ནུས་ན། །གང་ཟག་དེས
iiif viewer powered by OpenSeadragon
