| e-texts navigator |
| Wylie |
204a1 རིམ་པར་སྒོམ་པ་ལ། །མཐར་ཕྱིན་པ་ལ་གཤེགས་པའི་དོན་མཆོག་ལགས། །དེ་བས་ལྷ་མོ་ཁྱོད་ཀྱི་མཚན་ཉིད་ནི། །འདི་ལྟར་རབ་ལྡན་ཁྱོད་ཀྱི་ཁྱད་པར་ཏེ། །དང་པོའི་ཚོགས་ལས་ཡང་དག་རབ་བསགས་པས། །དང་པོའི་ས་ལས་སྦྱོར་བའི་ཏིང་འཛིན
204a2 བརྙེས། །རབ་ཏུ་དགའ་བའི་ས་ལ་དོན་དམ་ནི། །རྣམ་པར་མི་རྟོག་སྐྱེ་མེད་ཚུལ་གྱིས་གཟིགས། །དཔལ་ལྡན་བྱང་ཆུབ་སེམས་དཔའི་ཁྱད་པར་ནི། །རང་སེམས་ས་གཉིས་དག་ལ་རབ་བརྟེན་ནས། །དེ་བཞིན་ས་གསུམ་དག་པའི་ཕ་རོལ་སོན། །རང་སེམས་བཞི་བའི་ས
204a3 ལ་ཆེར་བསྒོམས་པས། །ལྔ་པའི་ས་ལ་བསམ་གཏན་ཕ་རོལ་སོན། །རང་སེམས་དྲུག་པའི་ས་ལ་ཆེར་སྦྱངས་པས། །བདུན་པ་ལ་ནི་ཐབས་ཀྱི་ཕ་རོལ་སོན། །རང་སེམས་བརྒྱད་པ་ཉིད་ལ་ཆེར་བསྒོམས་པས། །དཔལ་ལྡན་ལྷ་མོ་ནག་མོ་སྨོན་ལམ་ཉིད། །དགུ་པ་ལ
204a4 ཡང་སྟོབས་ཀྱི་ཡོན་ཏན་སྒྲུབ། །དེ་ཡི་སྟོབས་ཀྱིས་ཡེ་ཤེས་འཕེན་པར་འགྲུབ། །འདི་དག་རྣམ་པར་རྫོགས་པར་བྱས་ནས་ནི། །སངས་རྒྱས་ས་ལ་སྨིན་པའི་སྨོན་ལམ་ཅན། །ས་བརྒྱད་ནོན་པས་གཞོན་ནུའི་ཚུལ་འཆང་མ། །འགྲོ་བ་འདུལ་ཕྱིར་དྲག་མོའི་ཚུལ་སྟོན
204a5 ཅིང་། །གདུག་པ་འདུལ་མཛད་ཁྱོད་ལ་ཕྱག་འཚལ་བསྟོད། །བདག་ཀྱང་ཁྱོད་ཀྱི་ལམ་ལྟར་མྱུར་འགྲུབ་ཤོག་།དེ་ནས་མིའམ་ཅིའི་རྒྱལ་པོ་ལྗོན་པ་རྟ་མགོ་ཅན་གྱིས་དཔལ་ལྷ་མོ་ནག་མོ་ཆེན་མོ་ལ་གཉིས་སུ་མེད་པའི་སྒོ་ནས་བསྟོད་པ། དཔལ་ལྡན་ལྷ་མོ་གཉིས
204a6 སུ་མེད་པ་སྟེ། །དོན་དམ་སྤྲོས་བྲལ་ཆོས་ཉིད་འདི་ལས་བཙལ། །དོན་དམ་ཀུན་རྫོབ་གཉིས་སུ་མེད་པས་བདེན། །འཁོར་བ་མྱང་འདས་གཉིས་སུ་མེད་པས་ཟབ། །སེམས་ཅན་སངས་རྒྱས་གཉིས་སུ་མེད་པས་འཕགས། །ལས་དང་རྣམ་སྨིན་གཉིས་སུ་མེད
204a7 པས་བསྟོད། །རྒྱུ་དང་འབྲས་བུ་གཉིས་སུ་མེད་པས་སྨིན། །ཡུལ་དང་ཡུལ་ཅན་གཉིས་མེད་གཅིག་གི་དང་། །སྤྲོས་དང་སྤྲོས་མེད་དོན་དམ་དབྱིངས་ཀྱིས་བསྡུས། །བསོད་ནམས་ཡེ་ཤེས་གཉིས་མེད་ཚོགས་ཆེན་ཏེ། །མཐོང་དང་དམ་པ་གཉིས་མེད་དག་པས་བསྟོད། །
iiif viewer powered by OpenSeadragon
