| e-texts navigator |
| Wylie |
203b1 བདེན་པར་གསུང་བ་ཁྱོད་ལ་ཕྱག་འཚལ་བསྟོད། །ཕྲ་མའི་སྐྱོན་སྤངས་མི་ཕྱེད་འཁོར་དང་ལྡན། །ཉིད་ལ་རྣམ་པར་དུལ་བའི་འཁོར་གྱིས་བསྐོར། །ལྷ་དང་ལྷ་མིན་བདེན་པས་འདུལ་མཛད་མ། །དཀར་མོའི་འཁོར་ཚོགས་ཁྱོད་ལ་ཕྱག་འཚལ་བསྟོད། །ངག་འཁྱལ་སྤངས
203b2 པའི་ཡོན་ཏན་སྦྱིན་པ་ཡིས། །ཏིང་འཛིན་རྩེ་གཅིག་མི་གཡོ་བར་ཆད་སྤངས། །དགོས་འབྲེལ་ཚུལ་གྱིས་བསྟན་པ་སྐྱོང་མཛད་མ། །བྱིས་པ་འདུལ་མཛད་ཁྱོད་ལ་ཕྱག་འཚལ་བསྟོད། །ང་རྒྱལ་ཁེངས་སེམས་སྤངས་པའི་ཡོན་ཏན་གྱིས། །ཞི་བའི་ཚིག་འཇམ་ལྷ་མོ་དབྱངས
203b3 སྙན་མ། །ཚིག་རྩུབ་གཤེ་བའི་གཉེན་པོ་བྱེད་པ་སྟེ། །ངག་རྩུབ་འདུལ་མཛད་ཁྱོད་ལ་ཕྱག་འཚལ་བསྟོད། །རང་སེམས་བརྣབ་སེམས་སྤངས་པའི་ཁྱད་པར་ནི། །འཛིན་པའི་རྣམ་རྟོག་རྣམ་པར་སྤངས་པའི་རྟགས། །བདག་མེད་རྟགས་སུ་སེང་གེས་རྣ་བ་བརྒྱན། །
203b4 བརྣབ་སེམས་སྤངས་པ་ཁྱོད་ལ་ཕྱག་འཚལ་བསྟོད། །གཟུང་བའི་ཡུལ་ལ་གནོད་སེམས་རྣམ་པར་སྤངས། །ཕྱི་རོལ་ཡུལ་འདི་གཉིས་མེད་ཆོས་སུ་གཟིགས། །གང་ལ་གནོད་སེམས་ཡང་དག་སྤངས་པའི་རྟགས། །སྦྲུལ་གྱི་རྣ་རྒྱན་ཅན་ལ་ཕྱག་འཚལ་བསྟོད། །ལོག
203b5 པར་ལྟ་བའི་ཆོས་ཕྱོགས་རྣམ་སྤངས་ཏེ། །སངས་རྒྱས་ཆོས་ལས་འཁྲུངས་པའི་གཟུགས་བརྙན་ཁྱོད། །ལྟ་བ་རྣམ་པར་དག་པའི་ངང་ཚུལ་ཅན། །སྤྲོས་བྲལ་དོན་དམ་སྟོན་ལ་ཕྱག་འཚལ་བསྟོད། །འཇིག་རྟེན་འདི་ན་ལས་གཉིས་དག་མ་དག་།མ་དག་མི་དགེ་བཅུ་ལས་ངན
203b6 སོང་གྲུབ། །དག་པའི་དགེ་བ་བཅུ་ལས་མཐོ་རིས་གྲུབ། །ལས་འདི་དགེ་བ་དང་པོར་རབ་སྦྱངས་པས། །གོང་ནས་གོང་མའི་ས་ལ་རབ་གནས་ཀྱང་། །དགེ་བཅུའི་རྟགས་ནི་དམན་པའི་ཞིང་འདིར་བསྟན། །གདུག་པའི་ཚུལ་ཅན་འགྲོ་བ་འདྲེན་མཛན་མ། །བསྟོད་པར
203b7 འོས་པ་ཁྱོད་ལ་ཕྱག་འཚལ་བསྟོད། །དེ་ནས་དཔལ་ལྷ་མོ་ནག་མོ་ཆེན་མོ་ལ། གནོད་སྦྱིན་གྱི་རྒྱལ་པོ་རྣམ་ཐོས་སྲས་ཀྱིས་ལམ་རྣམ་པ་ལྔའི་ཚུལ་གྱིས་བསྟོད་པ། དམ་པ་རྣམས་ཀྱིས་བགྲོད་པའི་ཁྱད་པར་ནི། །ཚོགས་ཀྱིས་སྦྱངས་ནས་དོན་དམ་མཐོང་བ་ཡི། །གཉེན་པོ་ཡེ་ཤེས
iiif viewer powered by OpenSeadragon
