| e-texts navigator |
| Wylie |
203a1 བ། སྲིད་པ་གསུམ་ལས་རྣམ་པར་རྒྱལ་བ། ཉི་མ་སྟོང་གི་གཟི་བརྗིད་དང་ལྡན་ནས་བཞུགས་སོ། །འཁོར་ནི་བརྒྱ་བྱིན་དང་། ཤ་ཟ་དང་། སྲིན་པོ་དང་། མ་མོའི་ཚོགས་བྱེ་བ་དུང་ཕྱུར་གྱིས་བསྐོར་ཏེ་བཞུགས་སོ། །དེའི་ཚེ་ན་དཔལ་ཕྱག་ན་རྡོ་རྗེ་པདྨའི་གདན
203a2 ལ་བཞུགས་ཏེ་བཀའ་སྩལ་པ། ངའི་འཁོར་དུ་གཏོགས་པའི་ལྷ་མ་སྲིན་སྡེ་བརྒྱད་ཉོན་ཅིག་།འདོད་པའི་ཁམས་འདི་ན་བདུད་ཀྱི་མ་གཤིན་རྗེའི་སྲིང་མོ་ཞེས་བྱ་བ་རྒྱལ་ཚབ་ཆེན་པོ་སངས་རྒྱས་ཐམས་ཅད་ཀྱི་བསྟན་པ་འཛིན་པ་ཅིག་ཡོད་ཀྱིས། ཁྱེད་ཀྱིས་དེ་ལ་མཆོད་པ
203a3 གྱིས་ཤིག་། བསྟོད་པ་གྱིས་ཤིག་།ངས་ཀྱང་ཁྱོད་ལ་བྱིན་གྱིས་བརླབ་པོ་ཞེས་བཀའ་སྩལ་པ་དང་། འཁོར་གྱི་ནང་ནས་ལྷའི་དབང་པོ་བརྒྱ་བྱིན་སྟན་ལས་ལངས་ཏེ་དཔལ་ལྷ་མོ་ནག་མོ་ལ་དགེ་བ་བཅུའི་སྒོ་ནས་བསྟོད་པ། སྔོན་འདས་བསྐལ་པ་དང་པོའི་ཕ་རོལ
203a4 ན། །དགེ་བཅུའི་ལས་ལ་སེམས་རབ་ཆེར་སྦྱངས་ནས། །ལམ་གྱི་ཁྱད་པར་གོང་མ་རབ་རྫོགས་ཀྱང་། །མཐོ་རིས་སྐྱེས་པ་རྣམས་ལ་དགེ་བ་བཅུའི། །ཚུལ་གྱིས་དོན་མཛད་ཕྱི་རོལ་བསྒྱུར་བ་ཡི། །དཔལ་ལྡན་ལྷ་མོ་ཁྱོད་ལ་ཕྱག་འཚལ་བསྟོད། །འདས
203a5 པའི་དུས་ན་སྲོག་གཅོད་རབ་སྤངས་པས། །སྐུ་ཚེ་རིང་ཞིང་གཟུགས་བྱད་ཕུན་སུམ་ཚོགས། །གཞན་གྱི་ལན་ཆགས་གནོད་པའི་རྐྱེན་དང་ལྡན། །འཆི་བདག་འཇོམས་མཛད་ཁྱོད་ལ་ཕྱག་འཚལ་བསྟོད། །མ་བྱིན་ལེན་སྤངས་ཚུལ་ལ་རབ་སྤངས་པས། །བསོད
203a6 ནམས་ཚོགས་ཀྱིས་ལོངས་སྤྱོད་ཕུན་སུམ་ཚོགས། །གཏེར་གྱི་ལོངས་སྤྱོད་མི་འགྲིབ་རབ་བརྟན་བརྙེས། །སྦྱིན་པའི་གཏེར་འཆང་ཁྱོད་ལ་ཕྱག་འཚལ་བསྟོད། །མི་ཚངས་སྤྱོད་པའི་བཀའ་རྣམས་བསྲུང་བ་དང་། །མངལ་གྱི་གྲོང་ཁྱེར་དམན་ལས་རྣམ་པར
203a7 འཕགས། །སྲིད་པའི་འདོད་ཆགས་རིང་དུ་སྤངས་པ་སྟེ། །དགེ་སྦྱོང་ཆེན་མོ་ཁྱོད་ལ་ཕྱག་འཚལ་བསྟོད། །ཉོན་མོངས་ཚིག་སྤངས་པའི་རྣམ་སྨིན་གྱིས། །གསུང་གི་དངོས་གྲུབ་འཇིག་རྟེན་འདུལ་བའི་གཙོ། །གསུང་མཆོག་རྣམ་དག་བརྙེས་པའི་རང་བཞིན་ཏེ།།
iiif viewer powered by OpenSeadragon
