| e-texts navigator |
| Wylie |
192a1 ལོགས་སུ་བསྐོར་བར་བྱ་བ་ནི་སྔགས་པས་མདུན་དུ་འགྲོ་ཞིང་སྔགས་པའི་སྟེང་ནི་ཞིང་རྨོར་འགྲོ་བར་བྱའོ། །ཕྱིས་ས་བོན་འདེབས་པའི་དུས་སུ་ཆོ་ག་འདིས་བརྒྱད་བརྒྱ་སྔགས་ལ་ས་བོན་སྤར་བ་གང་ལ་ལན་བདུན་བཟླས་ཏེ་ཞིང་ལ་གཏོར་བར་བྱའོ། །ས་བོན་གདབས
192a2 པའི་ཆོ་གའོ། །ད་ནི་ཞིང་རྔ་བའི་དུས་སུ་ཡང་ཆོ་ག་འདིས་བྱའོ། །ཆོ་ག་ལྷག་པ་ནི་འདིར་དགེ་སློང་བཞི་ལ་ཞིང་གི་མཚམས་བཞིར་ཅི་འདོད་སྟོན་མོ་བྱས་ཏེ། དེ་ནས་སྔགས་པས་ཆད་པ་བདུན་བཟླས་པ་བྱེད་ཅིང་རྔ་བ་ནི་ལོ་ཏོག་རྩ་བ་བྱས་པའི་ཆོ་གའོ། །ད་ནི་གཡུལ་འཆག་པ་བྱའི
192a3 ཆོ་ག་བཤད་པར་བྱ་སྟེ། གཡུལ་འཆག་པའི་དུས་སུ་སྔགས་པས་རང་ཉིད་གཙང་སྦྲ་བྱས་ལ་གོས་གཙང་མ་གོན་ལ་ཤར་དུ་ཞལ་བསྟན་ཏེ། སྐུ་གཟུགས་བཞུགས་སུ་གསོལ་ལ་དྲི་དང་། མེ་ཏོག་དང་། བདུག་པ་དང་། ཡང་ན་ཉེ་བར་ལོངས་སྤྱོད་པའི་གཏོར་མ་བྱས་ལ་བཟླས
192a4 པ་བྱས་ཏེ། འབྲུའི་ཕུང་པོའི་མཚམས་བཞིར་གཞོན་ནུ་མ་གསར་དུ་བག་མ་བྱས་ཤིང་ཁྱོ་ཡོད་པའི་བུད་མེད་བཞི་ལ་སྟོན་མོ་བྱས་ལ། དེ་སྙེད་ཀྱི་མཐར་ཟད་པ་མེད་པར་གནས་སོ། །དེ་ནས་སྐྱེས་བུས་འབྲུ་འཇལ་ཞིང་གྲངས་བྱེད་པའི་དཔྲལ་བ་ལ་སྔགས་དགོད་པར་བྱའོ། །བཅོམ
192a5 ལྡན་འདས་མའི་སྔགས་དེ་སྙེད་དུ་སྨྲ་བཅད་བྱས་ལ་བཟླས་པ་བྱའོ། །ཇི་སྙེད་དུ་སྔོ་ལ་བལྟས་ན་གཉིས་འགྱུར་དུ་འགྲོ་བར་འགྱུར་རོ། །དེ་སྙེད་བཟླས་པ་བྱའོ། །དེ་ནས་འབྲུའི་ལྷག་མ་དེ་མི་འཇལ་བར་འཆིངས་པའི་མི་ལ་སོགས་པ་བོས་ཤིང་སྦྱིན་པའམ། དགེ་འདུན་ལ་སྦྱིན་པར
192a6 བྱའོ། །གཡུལ་འཆག་པའི་ཆོ་གའོ། །ད་ནི་འབྲུ་བང་མཛོད་དུ་འཇུག་པའི་ཆོ་ག་བཤད་པར་བྱ་སྟེ། དང་པོ་རེ་ཞིག་མཛོད་ཀྱི་སྒོ་གཡས་གཡོན་དུ་འབྱུང་པོ་གཉིས་གཅེར་བུ་གསུས་པ་འཕྱང་བ། དབང་པོ་འཕྱང་བ། གཡོན་པའི་ལག་ན་འབྲུའི་སྣོད་བཟུང་ཞིང་འབྲུ་སྐྱུག་བཞིན
192a7 པ། གསེར་གྱི་མདོག་།རྒྱན་ཐམས་ཅད་ཀྱིས་བརྒྱན་པ་གཉིས་བྲི་བར་བྱའོ། །མཛོད་ཀྱི་ཁང་པར་ཡང་དྲི་དང་། བྱུག་པ་དང་། མཆོད་ཡོན་སྦྱིན་ཞིང་གདུགས་དང་། རྒྱལ་མཚན་དང་། བ་དན་ལ་སོགས་པས་བཅོམ་ལྡན་འདས་མའི་ཐང་ཀའི་མཛོད་ཀྱི་ནང་དུ་བཞུགས་པར་བྱའོ།།
iiif viewer powered by OpenSeadragon
