| e-texts navigator |
| Wylie |
191a1 དཔར་འགྱུར་རོ། །ཅི་ལྟར་དེ་ལྟར་ཚངས་སྤྱོད་བྱ་ཞིང་ཁ་ན་མ་ཐོ་བའི་ཟས་ཆང་དང་། ཉ་ཤ་ལ་སོགས་པ་སྤང་ཞིང་མཚན་མོ་བཟླས་པ་བྱས་ན་དབུལ་པོར་མི་འགྱུར་རོ། །དེ་ནས་བཅོམ་ལྡན་འདས་ལ་འཕགས་པ་ཀུན་དགའ་བོ་དང་། ཟླ་བ་བཟང་པོ་ཡོངས
191a2 སུ་དགའ་ནས་ཁྱིམ་བདག་ཟླ་བ་བཟང་པོའི་དོན་དུ་གསུངས་པ་ལ་མངོན་པར་བསྟོད་དོ། ། །།བཅོམ་ལྡན་འདས་མ་ནོར་རྒྱུན་མའི་རྟོག་པ་རྫོགས་སོ།། །།ན་མོ་རཏྣ་ཏྲ་ཡཱ་ཡ། ཨོཾ་བ་སུདྷ་རེ་སྭཱ་ཧཱ། སྙིང་པོའོ། །ན་མོ་རཏྣ་ཏྲ་ཡཱ་ཡ། ཨོཾ་བ་སུ་ཤྲཱི་སྭཱ་ཧཱ།
191a3 ཉེ་བའི་སྙིང་པོའོ། །ན་མོ་རཏྣ་ཏྲ་ཡཱ་ཡ། ཨོཾ་བ་སུ་སྭཱ་ཧཱ། ཉེ་བའི་སྙིང་པོའི་ཡང་ཉེ་བའི་སྙིང་པོའོ། །ཐལ་མོ་སྦྱར་ཏེ་གུང་མོ་གཉིས་དང་དེ་ནས་སྲིན་ལག་གཉིས་དང་། མཐེའུ་ཆུང་གཉིས་གཤིབས་ཏེ། སྡིགས་མཛུབ་ཕན་ཚུན་གཉིས་སྒྲེལ་ལ། མཐེའུ་ཆུང་གཉིས་ཅུང་ཞིག
191a4 བསྣོལ་ཏེ། རྩེ་མོ་གཉིས་རྒྱབ་སྤྲད་དེ་ཁབ་ལྟ་བུ་བྱས་ལ། གུང་མོ་སྤྲད་པ་ལ་མཐེབ་མོ་ཟུང་ཅིག་དེའི་འོག་ཏུ་སྦྱར་ཏེ། རིག་པ་བཅས་པ་ནི་རབ་ཏུ་བཟུང་བའི་རྟོག་པ་ལས་གསུངས་པ་སྟེ། ལས་ཐམས་ཅད་སྒྲུབ་པའི་བཅོམ་ལྡན་འདས་མ་ནོར་རྒྱུན་མའི་གཟུངས་ནི་ཐུབ་པས་གསུངས
191a5 པའོ། །ན་མོ་རཏྣ་ཏྲ་ཡཱ་ཡ། ཨོཾ་ཤྲཱི་ཡེ་ཤྲཱི་ཡེ་ཀ་རི། དྷ་ན་ཀ་རི། དྷ་ན་ཀ་རི། དྷ་ན་ཀ་རི་སྭཱ་ཧཱ། བསྒྲུབ་པར་བྱ་བའི་སྔགས་སོ། །རིག་པ་འདིའི་དང་པོ་རེ་ཤིག་དམ་ཚིག་གི་ཕྱག་རྒྱ་ནི་སོར་མོ་རྣམས་ཐལ་མོ་སྦྱར་ལ་མཐེབ་ཆེན་དབུས་སུ་བཅུག་པ་ནི་བཅོམ་ལྡན་འདས་མའི་དམ་ཚིག་གི་ཕྱག
191a6 རྒྱའོ། །ོཾ་ས་མ་ཡེ། ས་མེ་ས་མ་ཡ་ཀ་རི། མ་ཧཱ་ས་མ་ཡེ་སྭཱ་ཧཱ། དམ་ཚིག་གི་ཕྱག་རྒྱ་དང་སྔགས་སོ། །ཕྱག་རྒྱ་དེ་ཉིད་ལས་གུང་མོ་དང་སྡིགས་མཛུབ་ཀྱི་ཚིགས་གསུམ་པ་བསྐུལ་ཞིང་མཐེབ་ཆུང་གཉིས་ཅུང་ཟད་ཕྱིར་ཕྱུང་བ་ནི། བཅོམ་ལྡན་འདས་མའི་ཕྱག་རྒྱའོ། །འདི་ནི་དབབ
191a7 པ་དང་། བསྡུ་བ་དང་། བསྒྲུབ་བྱའི་སྔགས་ཀྱིས་བྱའོ། །ཕྱག་རྒྱ་དེ་ཉིད་ལ་སྡིགས་མཛུབ་གཉིས་བརྐྱང་བ་ནི་མེ་ཏོག་གི་ཕྱག་རྒྱ་ཡིན་ཏེ། ཨོཾ་བ་སུན་དྷེ་སྭཱ་ཧཱ། མེ་ཏོག་གི་ཕྱག་རྒྱ་དེ་ཉིད་ལས་གུང་མོ་བརྐྱང་བ་ནི་བདུག་སྤོས་ཀྱི་ཕྱག་རྒྱ་ཡིན་ཏེ། སྔགས་ནི། ཨོཾ་བ་སུ
iiif viewer powered by OpenSeadragon
