| e-texts navigator |
| Wylie |
190b1 སུ་པདྨའི་དཔལ་རིན་པོ་ཆེ་ཡིས་སྙིམ་པ་གང་བ་བྱའོ། །འོག་ཏུ་སྒྲུབ་པ་པོ་པདྨའི་ལག་པ་ཅན་བྱའོ། །དེ་ནས་ཐང་སྐུ་སྐུ་གདུང་དང་བཅས་པའི་མཆོད་རྟེན་གྱི་དྲུང་དུ་ནུབ་ཕྱོགས་སུ་ཁ་བསྟན་ལ་བཀྲམ་སྟེ། དེ་ནས་ཉེ་བར་སྤྱོད་པའི་གཏོར་མ་མ་གཏོགས་པ་མཛོད་ཀྱི་བཞེས་པ་ཡང་དབུལ
190b2 ཞིང་དྲི་ཞིམ་པོའི་མེ་ཏོག་གིས་མཆོད་པ་ཆེན་པོ་བྱས་ལ་ཙནྡན་དང་ཨ་ག་རུའི་བདུག་པས་བསྲེག་པར་བྱའོ། །ཞུན་མར་གྱི་མར་མེ་བརྒྱ་དབུལ་བར་བྱའོ། །དེ་ནས་སྟན་གཅིག་ལ་གནས་ཏེ་བཅོམ་ལྡན་འདས་མའི་ཞལ་ལ་དམིགས་ལ་ནུབ་མོ་མཚན་བཟླས་པ་བྱས་ན། དེ་ནས་སྐྱ
190b3 རེངས་ཤར་བའི་དུས་སུ་སྐྱེས་བུ་ཆེན་པོ་ཙམ་གྱི་ནོར་རིན་པོ་ཆེ་ཐམས་ཅད་ཀྱི་རྒྱུན་འབབ་ཅིང་ཁང་པ་གང་བར་འགྱུར་རོ། །ཡང་ན་མཚན་མོ་ཕྱེད་ན་ཆུའི་ནང་དུ་ཞུ་གསལ་བརྒྱད་བརྒྱ་བཟླས་པར་བྱའོ། །ཟླ་བ་གཅིག་ཏུ་གཅིག་གི་སྦྱོར་བས་ནོར་གྱི་རྒྱུན་འབབ་པར་འགྱུར་ཏེ། མི་ཤེས
190b4 པར་ཁ་ཅིག་འཕེལ་བར་འགྱུར་རོ། །ཡང་ན་རྒྱལ་པོའི་དཀོར་མངོན་པར་འདོད་ན་ཉིན་མོ་ཆུའི་ནང་དུ་བཟླས་པ་བྱ་ཞིང་མཚན་མོའི་ཕྱེད་ན་ཏིལ་གྱི་སྦྱིན་སྲེག་བརྒྱད་བརྒྱ་བྱས་ན་རྒྱལ་རིགས་ལས་རྙེད་པ་ཆེན་པོ་ཐོབ་བོ། །ཡུངས་ཀར་མར་ལས་བསྲེས་ནས་སྦྱིན་སྲེག་བྱས་ན་རྒྱལ་པོ་དབང་དུ
190b5 བྱེད་དོ། །ཀུན་དུ་རའི་སྦྱིན་སྲེག་བྱས་ན་རྒྱལ་པོའི་བློན་པོ་དབང་དུ་བྱེད་དོ། །ཁ་ཅིག་གིས་སྦྱོར་བ་གང་གིས་མཚན་མོ་བཅོམ་ལྡན་འདས་པདྨའི་གདན་ཅན་དྲན་པར་བྱས་ན་སྦྱིན་བདག་ཆེན་པོར་འགྱུར་རོ། །ཡང་ན་སྒྲུབ་ཐབས་ཆེན་པོ་བཤད་པར་བྱ་སྟེ། ཆོ་འཕྲུལ་གྱི་དཀར་པོའི
190b6 ཕྱོགས་ཀྱི་ཚེས་གཅིག་ནས་བརྩམས་ཏེ། ཟས་ཅི་སྲིད་དུ་བཅད་ནས་གདུང་དང་བཅས་པའི་མཆོད་རྟེན་གྱི་དྲུང་དུ་ཐང་ཀ་ནུབ་ཕྱོགས་སུ་བསྟན་ལ་དགྲམ་ཞིང་། ཉིན་མོ་ཤེས་རབ་ཀྱི་ཕ་རོལ་ཏུ་ཕྱིན་པ་བཀླག་ཅིང་མཚན་མོ་སྟན་གཅིག་ལ་གནས་པས་ནུབ་ཡལ་གྱིས་བཟླས་པ་བྱས་ན་ནོར
190b7 གྱི་ཕུང་པོ་ཆེན་པོ་རྙེད་དེ། འཐོར་གནོད་བྱས་ཀྱང་འཛད་པར་མི་འགྱུར་ཏེ། ལྷ་ཁང་ཆེན་པོ་བྱའོ། །ཆོ་ག་འདིའི་ཆོ་འཕྲུལ་གྱི་དཀར་པོའི་ཕྱོགས་ལ་བཟླས་པ་བྱས་ན་འཁོར་ལོས་སྒྱུར་བ་ཐོབ་ཅིང་། བཅོམ་ལྡན་འདས་མ་ནོར་རྒྱུན་མ་དངོས་སུ་མཐོང་ཞིང་ཕྱིར་མི་ལྡོག་པའི་བྱང་ཆུབ་སེམས
iiif viewer powered by OpenSeadragon
