| e-texts navigator |
| Wylie |
135a1 བ་དང་། མེད་ན་ཞེས་བྱ་བ་དང་། མ་བྱིན་ཅིག་ཅེས་བྱ་བ་དང་། སྟེར་ན་ཡང་མཆེ་ཆེས་པར་འོང་ངོ་ཞེས་བྱ་བ་དང་། དེ་ཙམ་ཆེས་ཀྱིས་ཕྲིལ་བྱིན་ཞེས་བྱ་བ་དང་ལྔ་བརྗོད་པ། སྐྱི་ཟིང་བྱེད་པ་ཅིག་དང་ཕྲད་ནས། བདག་ཅག་གཉིས་ཀྱིས་བསམས་པས་དགོན་པ་བས
135a2 གྲོང་ཡུལ་ཐག་ཉེ་ལ་ཟས་མོད་པས་གྲོང་ཁྱེར་དུ་ཕྱིན་ཏེ་བསླངས་པས་དཀར་གསུམ་དང་། མངར་གསུམ་དང་། འབྲས་དང་། ནས་ཀྱི་ཟན་ལ་སོགས་པ་བཟའ་བ་དང་བཏུང་བ་མང་དུ་རྙེད་ནས་མོ་དེའི་དྲུང་དུ་ཁྱེར་ནས་བསྟབས་པས། ཁ་ནས་གོང་གི་སྒྲ་རྣམ་པ་ལྔ་བརྗོད་ཅིང
135a3 གང་བྱིན་པ་མི་ལེན་པར་བྲོས་ཏེ་ཐལ་ན་འདི་ཅི་ལས་གྱུར་པ་དང་། འདི་ལ་སྨན་པའི་ཐབས་ཅི་མཆིས་ཞུ་རུ་མཆིས་པ་ལགས་སོ། །བཀའ་སྩལ་པ། རིགས་ཀྱི་བུ་དག་དེ་ནི་ཤིན་ཏུ་ལེགས་སོ། །ངས་བཤད་ཀྱིས་ལེགས་པར་ཉོན་ལ་ཡིད་ལ་ཟུང་ཤིག་།དེ་ཅི་ལས་གྱུར་ན་ལུས
135a4 སྔོ་ལ་སྐམས་པ་ནི་རང་གིས་ཟ་མ་ཕོད་པ་ལས་གྱུར་པའོ། །སྐེ་ཕྲ་བ་ནི་གཞན་ཟ་ཞིང་སྤྱོད་པ་ལ་བདག་གིས་སེར་སྣ་བྱས་པ་ལས་གྱུར་ཏོ། །ཡན་ལག་ཕྲ་ལ་སོར་མོས་ཐད་ཀར་ཕུག་པ་ནི་གཞན་ལ་སྦྱིན་པ་དག་ལ་ཆེས་ཀྱིས་ཕྲི་ལ་བྱིན་ཅེས་བྱས་པ་དང་། རང་གིས་ཀྱང་སྤྱོད་མི
135a5 ཕོད་པ་ལས་གྱུར་ཏོ། །སྐྲ་འཛིངས་པ་ནི་ཀུན་གྱི་ཡིད་དུ་མི་འོང་བ་བྱས་པ་ལས་གྱུར་ཏོ། །མིག་དམར་བ་ནི་འདོད་ཆགས་ཀྱིས་ཡོངས་སུ་རྒྱས་པ་ལས་གྱུར་ཏོ། །གཡོན་དུ་ཡོ་བ་ནི་མིག་མི་ལེགས་པར་གཞན་ལ་བལྟས་པ་ལས་གྱུར་ཏོ། །མ་མཆུ་རིང་ལ་གཡས་སུ་ཡོ་བ
135a6 ནི་སྟེར་ན་ཡང་ཆེས་པར་འོང་ངོ་ཞེས་བྱས་པ་ལས་གྱུར་ཏོ། །ཁ་ནས་སྒྲ་རྣམ་པ་ལྔ་སྒྲོགས་པ་ནི་བྱེད་པ་རྒྱུ་མཐུན་པའི་འབྲས་བུ་སྟེ། སྔོན་བརྗོད་པའི་བག་ཆགས་བརྟས་པ་ལས་གྱུར་ཏོ། །དེ་ལྟ་བུའི་ལས་ཀྱི་དབང་གིས་གཞན་ཅི་བྱིན་ཡང་ཕན་པར་མི་འགྱུར་ཏེ། ཆུ་གཅིག་པུ
135a7 ལས་རང་གིས་སྦྱིན་ནུས་པ་མ་ཡིན་ཏེ། གཞན་གྱི་ཆུ་ལ་འཇུར་འགེགས་མ་བྱས་པས་ད་ལྟ་ཡང་ཆུ་གཙང་མ་རྩམ་པས་མ་རེག་པ་ལ་སྔགས་ལན་ཅིག་བཏབ་སྟེ། སེ་གོལ་ལན་ཅིག་གཏོགས་ཏེ་བྱིན་ན་དེའི་རྒྱུད་གྲོལ་ཞིང་འདོད་པ་ཚིམ་པར་འགྱུར་རོ། །དེ་འདི་ལྟ་སྟེ། ཨོཾ་ཛྭ་ལ་མི་དཾ་སརྦ
iiif viewer powered by OpenSeadragon
