| e-texts navigator |
| Wylie |
129b1 ཕྱག་རྡོ་རྗེ་ལྟར་བྱས་ཏེ་གཟུངས་འདི་གཟུངས་སོ། །ོཾ་སརྦ་དྷརྨ་ཏཱ་བཛྲ་སིདྡྷ་ཧཱུཾ། ཨོཾ་ཨ་མྲྀ་ཏ་ཧཱུཾ། ན་མཿསརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་བྷྱཿསརྦ་ཐཱ་ཁཾ་ཨུཏྒ་ཏེ་སྥ་ར་ཎ་ཨི་མཾ་ག་ག་ན་ཁཾ་སྭཱ་ཧཱ། ཨོཾ་ན་མཿསརྦ་ཏ་ཐཱ་ག་ཏ་ཨ་བ་ལོ་ཀི་ཏེ་སཾ་བྷ་ར་སཾ་བྷ་ར་ཧཱུཾ། ཨོཾ་རུ་རུ་སྥུ་རུ་ཛྭཱ་ལ
129b2 ཏིཥྛ་སིདྡྷ་ལོ་ཙ་ནི་སརྦ་ཨརྠ་སཱ་དྷ་ནེ་སྭཱ་ཧཱ། ཞེས་གཟུངས་འདི་བརྗོད་མ་ཐག་ཏུ་མཆོད་པའི་ཞལ་ཟས་ཀྱིས་མཆོད་ནས། འཕགས་པ་ཐམས་ཅད་མཉེས་པ་དང་། སེམས་ཅན་ཐམས་ཅད་བདེ་བར་གྱུར་ཏོ། །དེ་ནས་ཁྱིམ་བདག་བཟང་སྐྱོང་གིས་བཅོམ་ལྡན་འདས་ཀྱི་སྤྱན
129b3 སྔར་ཐལ་མོ་སྦྱར་ནས་འདི་སྐད་ཅེས་གསོལ་ཏོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་མཐུ་དང་། ཆོས་ཀྱི་དབྱིངས་རྣམ་པར་དག་པའི་བྱིན་གྱིས་བརླབས་ཀྱི་མཐུ་དང་། བདག་གི་བསམ་པ་རྣམ་པར་དག་པའི་སྟོབས་ཀྱིས། འཕགས་པ་ཐམས་ཅད་ཀྱི
129b4 ཕོ་བྲང་དང་། སེམས་ཅན་ཐམས་ཅད་ཀྱི་གནས་དང་། སེམས་ཅན་ཐམས་ཅད་ཀྱི་རྒྱུད་ལ་ཆོས་དང་ཟང་ཟིང་གི་ལོངས་སྤྱོད་དཔག་ཏུ་མེད་ཅིང་བརྗོད་ཀྱིས་མི་ཁྱབ་པ། བརྗོད་ཀྱིས་མི་རྫོགས་པ་འབྱུང་ཞིང་རྒྱས་པར་གྱུར་ཅིག་།སངས་རྒྱས་ཀྱི་བདེན་པ་དང་། ཆོས་ཀྱི
129b5 བདེན་པ་དང་། དགེ་འདུན་གྱི་བདེན་པ་དང་། གསང་སྔགས་དང་། རིག་སྔགས་དང་། ཕྱག་རྒྱ་དང་། ཏིང་ངེ་འཛིན་གྱི་བདེན་པའི་བྱིན་གྱིས་བརླབས་ཀྱིས་ཕ་རོལ་ཏུ་ཕྱིན་པ་ལ་སོགས་ཏེ་ཆོས་ཀྱི་སྦྱིན་པ་དང་། བདག་གི་ཟང་ཟིང་གི་སྦྱིན་པ་འདིས་བདེ་བ་དང་། དགའ་བར
129b6 གྱུར་ཅིག་། བཅོམ་ལྡན་འདས་ཀྱིས་ལེགས་སོ་ཞེས་བྱ་བ་བྱིན་ཏེ། ཁྱིམ་བདག་བཟང་སྐྱོང་ལེགས་སོ། །དཀའ་བའི་སྤྱོད་པ་འདི་ལྟ་བུ་བྱེད་པ་ལེགས་སོ། །ངའི་འཁོར་ལྷ་དང་མི་རྣམས་ཀྱིས་ཀྱང་འདི་ལྟར་མཆོད་པར་བྱའོ། །བཅོམ་ལྡན་འདས་ཀྱིས་དེ་སྐད་ཅེས་བཀའ
129b7 སྩལ་ནས། ཐམས་ཅད་དང་ལྡན་པའི་འཁོར་དང་། ཁྱིམ་བདག་བཟང་སྐྱོང་རྗེས་སུ་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དེ་དགའ་བར་གྱུར་ཏོ། །བདུད་རྩི་འབྱུང་བ་ཞེས་བྱ་བའི་གཟུངས་རྫོགས་སོ།། །།
iiif viewer powered by OpenSeadragon
