| e-texts navigator |
| Wylie |
127a1 དེ་བཞིན་སྡེ་དཔོན་སྐེམས་བྱེད་ལགས། །ལྷ་མིན་དབང་པོ་ཐགས་ཟངས་རིས། །མིག་དམར་གཟའ་ལག་པ་བ་སངས། །སྤེན་པ་དཔའ་བོ་ལྷ་ཀུན་ལགས། །ལྷ་རྣམས་ཀུན་གྱིས་ཕྱག་བགྱིས་པ། །འཇིག་རྟེན་ཆོས་ཀྱི་དྲི་མ་བྲལ། །ཁྱོད་ནི་འཇིག
127a2 རྟེན་གང་ཟག་མཆོག་། འཇིག་རྟེན་མཁྱེན་པ་འཇིག་རྟེན་རིག་།ཡེ་ཤེས་ཅན་གྱི་དམ་མཆོག་པ། །དམ་པ་སྦྱིན་དང་གནས་དང་སྐྱབས། །བདུད་ཀྱི་ལས་ཀྱིས་ཡོངས་མི་རྫི། །ཁ་ན་མ་ཐོ་མི་མངའ་ཟབ། །དགེ་བའི་བཤེས་གཉེན་ཀུན་ཏུ་གྲགས། །ཁྱོད་ནི་སྨན་པ་ཟུག
127a3 རྔུ་འབྱིན། །མི་འདུལ་ཁ་ལོ་སྒྱུར་བའི་མཆོག་།བློ་གྲོས་ལྡན་ཞིང་རྟོགས་དང་ལྡན། །བློ་དང་ལྡན་ཞིང་མཁས་པ་ལགས། །ཁྱོད་ནི་བསོད་ནམས་དཔག་བསམ་ཤིང་། །བྱང་ཆུབ་ཡན་ལག་མེ་ཏོག་བརྒྱན། །རྣམ་གྲོལ་འབྲས་བུ་ཕུན་སུམ་ཚོགས། །ལུས
127a4 ཅན་ཀུན་གྱི་མཆོག་ཏུ་གྱུར། །ཡིད་དུ་འོང་ཞིང་ཡིད་འཕྲོག་པ། །སྡིག་པ་མི་མངའ་ཚངས་པར་སྤྱོད། །ཁྱོད་ནི་མཇུག་གཟའ་མཆོག་ལགས། །ཁྱོད་ནི་དྲང་སྲོང་ཐུབ་པ་མཆོག་།ཁྱོད་ནི་རྒྱལ་ཚབ་དབང་བསྐུར་བ། །ས་བཅུའི་མངའ་བདག་གཙོ་བོ་ལགས། །
127a5 དེད་དཔོན་འགྲོ་བ་རྣམས་ཀྱི་གཙོ། །མྱ་ངན་འདས་པ་མཆོག་སྟོན་བཞིན། །ཁྱོད་ནི་ནམ་མཁའ་ས་ཆུ་བཞིན། །ཁྱོད་ནི་མེ་དང་རླུང་ལྟ་བུ། །ཁྱོད་ནི་ཡིད་བཞིན་ནོར་བུ་ལྟར། །སེམས་ཅན་རེ་བ་ཀུན་རྫོགས་མཛད། །འབྱུང་པོ་ཀུན་གྱིས་ཕྱག་བགྱིས་པ། །
127a6 རིན་ཆེན་ཁྱོད་ལ་ཕྱག་འཚལ་ལོ། །འཇམ་དཔལ་གྱིས་ནི་བཀའ་སྩལ་པ། །ོཾ་བཱ་ཀྱེ་ད~ཾ་ན་མཿསྭཱ་ཧཱ། ཇི་སྐད་སྨོས་པའི་མཚན་རྣམས་དང་། །རིག་སྔགས་བཅས་པར་འཛིན་ན་ནི། །སྡིག་འགྱུར་རྣམ་དག་རབ་ཏུ་ཐོབ། །བརྒྱ་ལས་རྩ་བརྒྱད་ལྷག་པའི་མཚན། །
127a7 སྐྱེས་བུ་དུས་གསུམ་སུ་ཀློག་པ། །དེ་འདོད་བསམ་དགུ་ཡིད་བཞིན་དུ། །གདོན་མི་ཟ་བར་འགྲུབ་པར་འགྱུར། །བཟང་པོའི་མཚན་རྣམས་དྲན་ན་ནི། །མཚམས་མེད་སྐལ་བ་མཉམ་པ་ཡི། །ལས་རྣམས་མི་བཟད་གང་བྱས་པ། །དེ་དག་ཐམས་ཅད་མྱུར་དུ་བྱང་། །
iiif viewer powered by OpenSeadragon
