| e-texts navigator |
| Wylie |
102b1 ན་མེད། །མི་གང་བསོད་ནམས་དམན་པའམ། །མཚམས་མེད་ལ་སོགས་བྱེད་པ་ཡང་། །རྒྱུད་འདིར་ཞུགས་པའི་དེ་མ་ཐག་།གསེར་འགྱུར་གྱི་ནི་རྩི་བཞིན་དུ། །ལོག་རྟོག་མ་ལུས་དག་ནས་ཀྱང་། །རྟོག་མེད་བདེ་བའི་སྐུར་བྱུང་སྟེ། །རྨི་ལམ་བཟང་པོའི་སེམས་བཞིན
102b2 དུ། །རྣམ་འཕྲུལ་སྣ་ཚོགས་ཅིར་ཡང་སྣང་། །མུ་མཐའ་མེད་པའི་འཁོར་བའི་མཚོ། །བརྒལ་བའི་གཟིངས་ཆེན་བླ་མེད་འདི། །ཆགས་གསང་མེད་པའི་ཚུལ་དུ་ནི། །ཁྱོད་ཀྱིས་རྟག་ཏུ་གཟུང་བར་བྱ། །ལག་ན་རྡོ་རྗེ་སྟོབས་པོ་ཆེས། །སྟོན་པ་ལ་ནི་འདི་གསོལ
102b3 ཏོ། །རྒྱུད་འདི་ཕྱུང་མ་ཐག་ཏུ་ནི། །གདུལ་དཀའ་བ་ནི་རབ་ཏུ་ཞི། །ས་སྟེང་ནད་དང་གདོན་མུ་གེ་།བར་ཆད་གནོད་པ་ཀུན་དང་བྲལ། །སླར་ཡང་བསྟན་པ་འཕེལ་བའི་ཕྱིར། །བརྟན་པོར་བདག་གིས་གཟུང་བར་བགྱི། །དཔའ་བོ་མཁའ་འགྲོ་དྲག་པོ་རྣམས། །ཡིད་ཀྱིས་བརྟུལ་ཞུགས
102b4 ཕྱུང་ནས་ཀྱང་། །རྒྱུད་འདི་འཛིན་པའི་རྗེས་སུ་འབྲང་། །ལྷ་དང་འཇིག་རྟེན་པ་དང་ནི། །མ་མོ་སྲིན་མོ་མཁའ་འགྲོ་མ། །ཤ་ཟ་གནོད་སྦྱིན་སྲིན་མོ་རྣམས། །རྒྱུད་འདི་འཛིན་པ་སྐྱོང་བར་བྱེད། །རྒྱུད་འཛིན་ལོངས་སྤྱོད་སྤེལ་བར་བྱེད། །སྟོན་པས་གསུངས་པ་རྡོ་རྗེ་འཛིན། །ལེགས་སོ
102b5 ཤིན་ཏུ་ཆེར་ལེགས་སོ། །རྒྱུད་འཛིན་རྣལ་འབྱོར་ཅན་ཆེན་དེ། །རྒྱུན་དུ་བསྲུང་ཞིང་བློ་འཕེལ་མཛོད། །དེ་སྐད་ཀྱི་ནི་གསུང་ཐོས་ནས། །བྱང་ཆུབ་སེམས་དཔའ་ཉན་ཐོས་དང་། །མཁའ་འགྲོ་མ་མོ་འཇིག་རྟེན་སྐྱོང་། །ལྷ་ཀླུ་གནོད་སྦྱིན་དྲི་ཟར་བཅས། །ཐམས་ཅད
102b6 ལྡན་པའི་འཁོར་དེ་རྣམས། །དགྱེས་ཏེ་ཐལ་སྦྱར་མངོན་པར་དགའི། །མི་གཡོ་ཐུགས་རྗེའི་ལྕགས་ཀྱུ་བཟུང་བས་འཁོར་བའི་བཙོན་ར་ནས། །ལྷ་ཀླུ་འབུམ་ཕྲག་འཚེ་བྲལ་དཀར་པོ་དགེ་བའི་ཀུན་སློང་སེམས། །སྐྱེ་གནས་བྱང་ཆུབ་རིན་ཆེན་ནོར་ཐོབ་མཛད་པས་རྨད
102b7 བྱུང་མཚར། །རྒྱལ་བའི་ཚུལ་བསྡུས་བསྟན་པའི་ཆོས་འདི་དམན་ལ་ཤིན་ཏུ་གསང་། །འཕགས་པ་རྡོ་རྗེ་ཁྲོ་བོའི་རྒྱལ་པོའི་རྟོག་པ་བསྡུས་པ་ལས་མངོན་པར་དགའ་བའི་ལེའུ་སྟེ་བཅུ་པའོ།། །།འཕགས་པ་རྡོ་རྗེ་ཁྲོ་བོའི་རྒྱལ་པོའི་རྟོག་པ་བསྡུས་པ་རྫོགས་སོ།། །།
iiif viewer powered by OpenSeadragon
