| e-texts navigator |
| Wylie |
101a1 སྐེགས་སྦྲུལ་ཤུན་ཚ་བའི་མར། །གཟུགས་བྱས་ཚ་བའི་མེ་ལ་གདུང་། །ཆར་ཆེས་པ་དང་ཐོག་འབབ་འགྱུར། །འཕགས་པ་རྡོ་རྗེ་ཁྲོ་བོའི་རྒྱལ་པོའི་རྟོག་པ་བསྡུས་པའི་རྒྱུད་ལས་སྦྱིན་སྲེག་གི་ལེའུ་སྟེ་དགུ་པའོ།། །།དེ་ནས་ཚངས་པ་ཁྱབ་འཇུག་སོགས། །འཁོར་གྱི་དཀྱིལ་འཁོར
101a2 ཐམས་ཅད་ཀྱིས། །བཞེངས་ཏེ་ཐལ་མོ་སྦྱར་ནས་ཀྱང་། །སྙན་པས་ཆེད་དུ་འདི་བརྗོད་དོ། །ེ་མ་སངས་རྒྱས་ཐམས་ཅད་ལ། །ཐབས་དང་ཤེས་རབ་བསམ་དུ་མེད། །ཐུགས་རྗེས་གྱུར་པའི་ཐུགས་ཀྱིས་ནི། །མཚུངས་མེད་རྒྱ་ཆེ་དམ་ཆོས་གསུངས། །དུག་གི་འཇིགས་པས་ས་སྟེང་འཁྲིགས། །
101a3 ཉོན་མོངས་མུན་འཇིགས་མེད་པ་ཡི། །བདུད་རྩི་འོད་བཟང་འདིར་གུས་ན། །ངན་འགྲོའི་འཇིགས་པ་སྟོང་བར་འགྱུར། །དེ་ནས་ཚངས་སོགས་འཇིག་རྟེན་སྐྱོང་། །རྫུ་འཕྲུལ་ལྡན་རྣམས་ཀུན་འདུས་ནས། །ངོམ་ཞིང་ཆེད་དུ་བརྗོད་པ་འདི། །སྙན་པའི་ཚིག་གིས་རབ་ཏུ་གསོལ། །
101a4 ཨེ་མ་སངས་རྒྱས་ཆེ་བའི་བདག་།སེམས་ཅན་ཀུན་ལ་སྨན་པར་དགྱེས། །སྐྱོབ་ཆེན་འཇིག་རྟེན་མགོན་པོ་ཡི། །མཚུངས་མེད་བསམ་གྱིས་མི་ཁྱབ་ཐབས། །གསུངས་པ་འདི་ལ་གང་གནས་པ། །འཁོར་བའི་སྡུག་བསྔལ་རྒྱ་མཚོ་སྦྱོང་། །འགྲོ་ལ་སྨན་མཐོང་བསྒྲུབས་པས་ནི། །ལྷག་པའི
101a5 བདེ་བ་འབྱུང་བར་འགྱུར། །དེ་ནས་རྡོ་རྗེ་འཛིན་པ་སོགས། །བྱང་ཆུབ་སེམས་དཔའི་ཚོགས་རྣམས་ཀྱིས། །ངོ་མཚར་སྤྱན་ནི་གདངས་ནས་སུ། །ཆེད་དུ་བརྗོད་པ་འདི་བརྗོད་དོ། །ེ་མ་སངས་རྒྱས་བསམ་མི་ཁྱབ། །གདོད་ནས་ཐུགས་སུ་འགྲོ་དོན་ཆུད། །རྟོག་མེད་རང་བཞིན་ལས་གྲོལ
101a6 ནས། །བསམ་མི་ཁྱབ་པའི་གོ་འཕང་གསུངས། །འཆང་བྱེད་དང་པོ་ངན་འགྲོ་གཅོད། །གཉིས་པ་མཐོང་ཆོས་དངོས་གྲུབ་བྱེད། །དེ་རྗེས་འཇིགས་མེད་ང་ཡི་མེད། །དོགས་པ་སྤངས་ན་ཟད་པར་གྱི། །ས་ལ་བཞུགས་ནས་སེམས་ཅན་དོན། །མ་བསམས་ཐོགས་པ་མེད་པར་བྱེད། །གསང
101a7 སྔགས་རྒྱལ་པོ་སྐྱོབ་ཀུན་ལ། །སྦྱངས་ནས་འདོད་དོན་ཀུན་གྲུབ་སྟེ། །ནམ་མཁའ་ཆུ་གསེར་དག་པ་ལྟར། །བསྒོམ་པ་བླ་མེད་ཡིད་རྒྱས་བྱེད། །དེ་ནས་རིག་པ་འཛིན་པའི་ཚོགས། །མ་ལུས་པ་རྣམས་འདུས་ནས་ཀྱང་། །གཙོ་ལ་མེ་ཏོག་གཏོར་བྱས་ཏེ། །ཆེད་དུ་བརྗོད་པ་འདི་བརྗོད
iiif viewer powered by OpenSeadragon
