| e-texts navigator |
| Wylie |
96a1 ཡིད་དང་། པདྨ་དང་། ཕྱག་ན་པདྨ་དང་། ཡིད་ལ་བསམ་པ་དང་། དབུགས་འབྱིན་དང་། རབ་ཏུ་རྒོད་པ་དང་། སྐྲ་བཟང་དང་། སྐྲ་མཐར་བྱེད་དང་། རྒྱུ་སྐར་དང་། རྒྱུ་སྐར་གྱི་རྒྱལ་པོ་དང་། ཞི་བ་དང་། བསྐལ་པ་བཟང་པོ་དང་། འདུལ་བྱེད་མཆོག
96a2 སྟེ། དེ་དག་དང་གཞན་ཡང་རིག་པའི་རྒྱལ་པོ་པདྨའི་གཙུག་ཏོར་ལ་སོགས་པ་དང་། བསྒྲུབ་པ་མཐའ་ཡས་པའི་ཆོས་ཀྱི་ཚོགས་ཀྱི་རྒྱུ་མཐུན་པའི་ཏིང་ངེ་འཛིན་ཐོབ་པ། རིག་པའི་འཁོར་བྱེ་བ་བརྒྱ་སྟོང་ཕྲག་དུ་མ་དག་དང་། རིག་པའི་རྒྱལ་མོ་དུ་མ་དག་དང་། འཇིག་རྟེན་དབང
96a3 ཕྱུག་གི་སྐུའི་ཏིང་ངེ་འཛིན་ལས་བྱུང་བ། འདི་ལྟ་སྟེ། སྒྲོལ་མ་དང་། སྒྲོལ་མ་བཟང་པོ་དང་། གར་མཁན་མ་དང་། ཁྲོ་གཉེར་མ་དང་། འགྲོ་བ་མཐའ་ཡས་དང་། འཇིག་རྟེན་འགྲོ་མ་དང་། ས་ཐོབ་པར་འགྲོ་བ་དང་། དྲི་མ་མེད་པར་འགྲོ་བ་དང་། དཀར་མོ་དང་།
96a4 དཀར་མོ་མ་དང་། དཀར་མོ་ཆེན་མོ་དང་། གོས་དཀར་མོ་དང་། འཇིག་རྟེན་གནས་པ་དང་། དྲི་མ་མེད་པའི་གནས་མ་དང་། བྱང་ཆུབ་ཀྱི་ཡན་ལག་གི་གནས་མ་དང་། པདྨ་ལ་གནས་མ་དང་། སྟོབས་བཅུ་ལ་གནས་མ་དང་། གྲགས་ལྡན
96a5 མ་དང་། ལོངས་སྤྱོད་ལྡན་མ་དང་། ལོངས་སྤྱོད་ཆེ་ལྡན་མ་དང་། འུག་པ་མ་དང་། འུག་པ་མ་མ་ཡིན་པ་དང་། དྲི་མེད་མཐའ་ཡས་མ་དང་། ཀུན་ནས་མཐར་བྱེད་མ་དང་། སྡུག་བསྔལ་མཐར་བྱེད་མ་དང་། འབྱུང་པོ་མཐར་བྱེད་མ་དང་། དཔལ་བྱེད་མ་དང་། དཔལ་བྱེད་ཆེན་མོ་དང་།
96a6 མཆོད་དཔལ་དང་། མཐའ་ཡས་དཔལ་དང་། འཇིག་རྟེན་དཔལ་དང་། རྣམ་པར་གྲགས་པའི་དཔལ་དང་། འཇིག་རྟེན་མ་དང་། ཀུན་ཏུ་མ་དང་། སངས་རྒྱས་ཡུམ་དང་། ཆུ་བོ་མ་དང་། ཤིང་རྟ་བཟང་མོ་དང་། ཤིང་རྟ་ལྡན་མ་དང་། གླང་པོ་འདུལ་བྱེད་མ་དང་།
96a7 འདུལ་བྱེད་མ་དང་། འབྱུང་པོ་ལྡན་མ་དང་། དཔལ་བྱེད་མ་དང་། ཕྲེང་བ་མ་དང་། ལོངས་སྤྱོད་ཕྲེང་བ་མ་དང་། འགུགས་བྱེད་མ་དང་། རྨད་བྱུང་མ་དང་། འོད་ཅན་མ་དང་། རོ་བཟང་མ་དང་། ནོར་ཆང་ལྡན་མ་དང་། དགའ་ལྡན་མ་དང་། འོད་ལྡན་མ་དང་།
iiif viewer powered by OpenSeadragon
